Forum Replies Created
-
Replies
-
Ég fann tímann með því að miða við tölvupóst frá Emil þess efnis ákveðið hefði verið að ganga að tilboði Castor í vefsíðugerðina. Hann var dagsettur 21 september, eða á jafndægrum að hausti. Jafndægri að vori eru 6 mánuðum síðar, sem er eftir tvær vikur. Ég og margir aðrir voru hinsvegar látnir standa í þeirri trú að eitthvað væri að marka tímamörkin sem sett voru í útboðslýsingunni en þau voru 3 mánuðir, sem hefði verið um sólstöður.
-Einar
Kára/gutta hópurinn fór upp Þjórsárjökul í frábæru veðri og skyggni á sunnudaginn. Við fórum ekki að sprungunum sem Austfirðingarnir lentu í en sáum svæðið tilsýndar frá Hásteinum. Ég hef bætt inn punkti í [url=http://klaki.net/gutti/hofs53/hofs53.gps:g57tj0pn]leiðaskrána.[/url:g57tj0pn]. Eftir breytinguna er fjórir efstu punktarnir svona:
6448.545 N 01852.106 W Hábunga
6447.705 N 01850.510 W
6447.008 N 01849.074 W Við Hásteina
6447.406 N 01847.727 W Varúð, sprungusvæðiPunkturinn sem ég bætti við er tæðan km frá Hásteinum. Með þessar breytingu er brattinn á leiðinni mun minni en ella.
Upprunalega útgáfan af leiðinni er stórhættuleg og ætti alls ekki að fara eftir henni. Á leiðinni eftir breytingu sjást merki um sprungur sem ég býst við opnist á sumrin.
[url=http://sigurjon.ok.is/scan/hofsjokull-mars-2005:g57tj0pn]Hér eru nokkrar myndir.[/url:g57tj0pn]-Einar
Ert þú að halda því fram, Björn Þorri, að klafabíll, t.d. Terrano með orginal fjörun, eða Barbí, hefði komið betur út úr svona stökki heldur en patolrörið sem þarna gaf sig?
-Einar
Undanfarna daga hefur vefurinn virst frjósa venju fermur oft og lengi. Þetta er ekki nýtt því þetta er búið að vera viðloðandi síðan hýsingin var flutt norður yfir heiðar í nóvember síðastliðnum. Það mun vera stefna stjórnar að sinna hvorki endurbótum, viðhaldi né rekstri "gömlu vefsíðunnar" vegna þess að sú nýja sé alveg að fara í loftið.
Eftir því sem Emil sagði í gærkvöldi hefur lítið sem ekkert verið unnið í "nýja vefnum" undanfarinn mánuð.
Nú eru tvær vikur þangað til sá tími er liðinn, samkvæmt tilboði Castor, þegar þeir eiga að vera búnir að skila fullbúinni vefsíðu sem m.a. inniheldur spjall, auglýsingar, myndalbúm og umfangsmikið kerfi til að halda utan um aðgang mismunandi hópa notenda svo sem félagsmanna, nefnda, deilda, vefstjóra og annara. Það verður forvitnilegt að fylgjast með hvaða sögu Emil spinnur upp þegar sú dagsetning líður.
Það virðist vera útbreyddur misskilningur að verið sé að vinna að nýja vefnum í sjálfboðavinnu. Það var útgangspúnktur hjá stjórninni þegar farið var í að leita tilboða í gerð síðunnar, að sjálfboðaliðar mættu hvergi koma nærri gerð síðunnar. Vefnefndin sem loksins var skipuð fyrir mánuði hefur ekki leyfi til að skipta sér af hönnun eða smíði síðunnar, hennar hlutverk takmarkast við að setja inn efni og að prófa hvort eitthvað virkar, allt undir stjórn Emils.
-Einar
Veðurspáin frá Veðurstofunni er svohljóðandi:
Veðurhorfur á landinu til kl.18 á morgun:
Miðhálendið:
Vestlæg átt, 8-13 m/s, en hægari austantil til morguns. Þykknar upp vestantil, annars bjartviðri. Hægt hlýnandi, hiti kringum frostmark í nótt og á morgun.
-Einar
Svona fer fyrir manni þegar maður ætlar gera sig merkilegan, auðvtað er Laugarfell NORÐAN við Snæfell og kerlingaRfjöll sunnan við Hofsjökul.
-Einar
Ég held að það hljóti að vera nokkukð djúpt á bleytuna milli Laugafells og Ingólfsskála því það er langt síðan [url=http://www.vedur.is/athuganir/sjalfvirkar/satax/:1hedno4v]hitastigið á svæðinu[/url:1hedno4v] hefur náð upp í frostmark.
Reyndar er spáð því að það hlýni upp að frostmarki í kvöld, en ekki meira en það.Annars stendur ekki til að fara nærri Laugarfelli því sá staður er sunnan undir Snæfelli.
-Einar
5834 pund gerir 2646.26 kg. Sem álíka og óbreyttur Toyota landkrúser 80 vegur. Það sem gerir nýrri lúxus jeppana svo þunga í samburði við eldri jeppa og vörubíla, er krafan um að ekki megi heyrast tíst í boddíinu. Stál er þeirrar náttúru að ef styrkur þess á að nýtast, þarf það meiga gefa eftir, fjaðra. Þegar það gerist er hætt við að eitthversstaðar heyrist tíst. Af þessum skökum eru nýrri lúxusjeppar næstum háflu tonni þyngri en ella, sem að mínu veldur því að þeir henta ekki til snjóaksturs.
-Einar
Ég fór þarna um fyrir tæpum tveim vikum. Ég held að snjóalög hafi ekki mikið breyst síðan. Ég held að það þurfi ekki að fara langt norður fyrir Gullfoss til að komast í gönguskíðafæri.
Á Bláfellshálsi var það mikill snjór að vegstikur á uppbyggðum vegi voru sumsstaðar á kafi.-Einar
Nú lítur út fyrir að hitastig í 6-700 m hæð á hálendinu verði rétt um eða yfir frostsmarki á laugadaginn en að það verði frost þangað til. Ef þetta gegnur eftir þá ætti bleyta og krapi ekki að angra Hofsjökulsfara. Færið ætti þá að geta orðið svipað og var um síðustu helgi, en það þyngist fljótt þegar hitinn fer upp fyrir frostmarkið. Það ætti ekki að verða mikil úrkoma en það er lítið að marka spár um skýjafor og skyggni.
Sem sagt, með smá bjartsýni þá stefnir í fínasta veður og færi!
-Einar
Ég er forvitinn að vita hvaða leiðir voru farnar, sérstaklega hvaða leið var farin til byggða á norðurlandi.
-Einar
Ńú lítur út fyrir að ég hafi verið heldur fljótur á mer að lofa því að ekki verði krapi til trafala um næstu helgi. Þó það líti út fyrir að sama hæðin haldi áfram að ráða veðri hér, þá benda spár nú til þess að hún færi sig í áttina til Írlands og beini hlýju lofti hingað seinni hluta vikunnar. Líklega veldur þetta því að það verði seinfarnara en ella og vatnsagi og krapi geti orðið til trafala á flatlendi og þar sem leið liggur yfir vatnsfarvegi.
-Einar
Finnst mönnum það bara allt í lagi að nýtt dekk hvellspringi á miðri Hellisheiði ?
-Einar
Að jafnaði er mestur snjór á jöklum í maí en minnstur í september. Þá eru allar sprungur og svelgir opnar og sýnilegar. Því er yfirleitt auðvelt að varast þær. Fyrst eftir að snjór byrjar að safnast, t.d. í október og nóvember er algengt að ótraustar snjóbrýr hylji sprungur og svelgi, jöklaferðir eru því varasamastar seint á haustin og fyrrihluta vetrar. Seinni hluta vetrar eru flestar (ekki allar) sprungur á bólakafi í snjó, þá er hægt að fara um svæði sem eru ófær á öðrum árstímum.
-Einar
Ég held að það sé rétt hjá Rúnari að með öguðum vinnubrögðum þá væri hægt að hafa alla á sömu rásinni. En það væri miklu skilvirkara og jafnframt skemmtilegra ef hver hópur gæti haft rás útaf fyrir sig.
Ég er líka sammála því að CB handstöðvar eru ekki sérlega skemmtilegar, ég notað slík tól daglega í tvö sumur. VHF eða UHF er miklu þjálla í handstöðvum.
En það er ekkert sem hefur breytt þeirri skoðun minni að CB henti mjög vel til afslappaðra skamskipta innan hóps. Lítill sendistyrkur (miðað við bakgrunns suð á því tíðnisviði) gerir það að verkum að þær heyrast yfirleitt ekki langt, að jafnaði heyra ekki aðrir en til er ætlast, það sem sagt er.
Hér hjálpar það til að skannar fyrir CB eru ekki algengir.
Okkar ferðir eru jú skemmtiferðir og stór hluti af skemmtuninni er samskiptin við ferðafélagana.Annars hefur skemmtigildi VHF komið mér á óvart, en sú "skemmtun" felst í kjánaskap þeirra sem ferðast í öðrum hópum.
-Einar
Allar GPS skrár eru nú [url=http://www.klaki.net/gutti/hofs53/:1pzxrq6n]hér[/url:1pzxrq6n]. Mikilvægt er að menn lesi og hafi til hliðsjónar [url=http://www.klaki.net/gutti/hofs53/hofs53.notes:1pzxrq6n]upplýsingar um leiðirnar.[/url:1pzxrq6n]
-Einar
Það er ekki úr vegi að minna á [url=http://www.f4x4.is/vefspjall/tradur.asp?t=1334:fu1m9g3w]þessa umræðu"[/url:fu1m9g3w] Þó menn séu með "prívat rásir" þá er einfalt að finna og hlusta á þær með amatör stöðvum. Ég veit ekki til að slíkt sé brot á neinum reglum, meðan menn senda ekki á rásum sem þeir hafa ekki heimildir til.
-Einar
Eins og staðan er í dag þá hefur 27 MHz CB nokkra kosti fram yfir VHF, stöðvarnar eru margfalt ódyrari (ég nota stöð frá RadioShack og loftnet með segulfæti sem kostuðu mig samtals innan við 60 dollara sem er innan við 4000 krónur), þær eru ekki háðar leyfum og skráningu og síðast en ekki síst, þar eru 40 rásir í boði, ef tveir hópar slæmast inn á sömu rás, þá er alltaf hægt að finna lausa rás. Fyrir 8 árum hafði CB einn stóran kost til viðbótar sem var að þetta var í öllum bílum sem voru að ferðast á veturna, ef einhver var ekki með stöð, var hægt að setja sem skilyrði fyrir þáttöku í ferð að menn útveguðu sér stöð.
"Plat rásirnar" byggja á því að setja mismunandi sítóna (ctcss) á sömu tíðnina. Með þessari aðferð væri setja 50 "rásir" á sömu tíðnina. En það getur aðeins einn talað í einu. Ég á von á því að það geti orðið verulega pirrandi að hafa 3-4 mismunadi hópa á sama svæði á sömu tíðni, þó þeir séu að nota mismunandi sítóna.
Almenningsrásir á UHF bandi hafa marga sömu kosti og stuttbylgju CB, en þessar stöðvar eru ekki staðalbúnaður meðal jeppamanna. Hugsanlega hefði verið skynsamlegt að beina samskiptum innan hópa í þetta kerfi en það hefur ekki verið gert.
Í ferðum sem umhverfisnefnd hefur staðið að hefur um 80% þáttakenda verið með CB, 50% með VHF og 10-20% með litlar UHF stöðvar. Þessi hlutföll hafa ekki breyst merkjanlega undanfarin 2-3 ár.
Í síma samlíkingu Skúla hér að ofan væri eðlilegtra að líkja VHF við sveitasíma. Sveitasíminn hafði sína kosti en ég held að flestir kjósi að hafa eitthvað um það að segja hverjir hlutsta á samræður þeirra við félagana.
-Einar
Það er fróðlegt að skoða listann yfir þáttakendur í Hofsjökulsferðinni. Nú hefur það gerst að það er engin fjarskiptaaðferð sem allir geta notað, líkt og var áður en VHF ruglið fór af stað. Töluverður fjödli er ekki lengur með CB stöðvar. Það er líka talsverður hópur sem ekki er með VHF.
VHF rásir klúbbsins duga engan veginn fyrir svona ferð. Ef gert er ráð fyrir að endurvarpsrásirnar verði notaðar til samskipta milli farastjórnar og hópa, þá eru aðeins 5 tíðnir til afnota til samkipta innbyrðis milli 24 hópa. (45,47,48,49 og 50. 51-54 er „plat rásir“ sem nota sömu tíðnir og 47-50).Nú eru a.m.k 2 hópar sem geta notað CB og ég veit um einn hóp sem er með sér VHF rás. Hugsanlega eru eitthverir fleiri með sérrásir en mér sýnist samt óhjákvæmilegt að 3-4 hópar þurfi að deila með sér rásum.
Ef eitthvað kemur upp á þegar skyggni er lítið sem ekkert, eins og oft gerist á jökli, þá er það grundvallar atrið að fjarskipti innan hópa séu í lagi. Ég sé ekki hvernig hægt að sjá til þess að þessi þáttur verði viðunandi í ferðinni.
-Einar
Í gær fékk ég nokkra ferla frá norðanmönnum, með hliðsjón af þeim hef ég bætt við nokkrum punktum í [url=http://www.klaki.net/gutti/hofs53/hofs53.gps:2k18yiul]ferlaskrána[/url:2k18yiul]. Vonandi er þetta síðasta útgáfan. Ég á von á að Óskar komi fljótlega með útgáfur af skránni sem hægt er lesa beint inn í algengustu forritin sem menn eru að nota til að tengjast gps tækjunum.
Nú er farið að glitta í lok næstu viku í veðurkortunum, mér sýnist óhætt að lofa því að krapi verði ekki til trafala og að færið verði mjög gott nema það snjói verulega undir lok vikunar, sem virðist þó ekki mjög líklegt.
