Forum Replies Created
-
Replies
-
það er alveg rétt að lögmál eðlisfræðinnar eru þau sömu nú og fyrir 130 árum þegar þessar vélar litu fyrst dagsins ljós.
Það hlutfall varmaorku sem hægt er að breyta í hreyfiorku er því hærra sem eldsneytið brennur við hærri þrýsting og hitastig. Dísel vélar eru með hærra þjöppunarhlutfall sem gefur betri nýtingu undir fullri inngjöf, og nýtingin minnkar minna en á bensínvél þegar slegið er af, vegna þess að loftmagnið inn á Díselvélina er ekki takmarkað, bruninn í díselvél í lausagangi gerist því við mkilu hærri þrýsting en í Bensínvél vegna þess að loftið sem bensínvél fær inn á sig er minnkað í hlufalli við bensínið. Það er aldrei vakúm í díselvél.Tækniframfarir hafa fyrst og fremst orðið til þess að nútíma vélar hafa góða nýtingu yfir víðara snúníngshraðasvið, vegna betri tækni við að stýra eldsneytismagni og tímum fyrir kveikju, innspítingu og jafnvel ventla, og í Díselvélum vegna hærri þrýsings á innspítingu sem gefur jafnari og hraðari bruna. Ein af forsendum góðrar nýtingar, er að allt eldsneytið brenni meðan stimpillinn er í topp stöðu.
-Einar
Ég man eftir þessum sprungum við felguna. Ef ég man rétt, þá kom söluaðilinn á mánudagsfund til að fjalla um þetta. Síðan lagaði framleiðandinn vandamálið. Ég held að þetta hafi verið 1992 eða 93. Dekkin sem ég nefndi hér að ofan, gætu verið úr einni af fyrstu sendingunum eftir að þetta var lagað.
Ég hef líka fengið sprungur af þessu tagi í BF Goodridge dekk, en það var eftir nokkura ára notkun, þar sem úrhleypingar voru ekki sparaðar. Muderarnir sem ég er búinn að nota síðustu 5 árin virðast vera alveg lausir við þessar sprungur meðfram felgukantinum. Það eina sem sér á þeim eru sár eftir grjót, en slík hafa aldrei náð í gegn og því aldrei þurft að gera við dekkin.
-Einar
Það er fullkomlega eðlilegt að bensínbílar noti svipað eldsneytismagn og díselbílar sem eru 20-30% þyngri. Eldsneytiseyðsla á díselbílum fer fyrst og fremst eftir þyngd og loftmótsöðu, en lítið eftir stærð eða afli vélar, að því gefnu að vélin sé í lagi og rétt stillt.
Eyðsla bensínvéla fer meira eftir vélarstærð, en sá munur hefur minnkað eftir því sem tækni hefur farið fram.-Einar
Ef ég man rétt þá var ég búinn að stunda snjóakstur í áratug þegar ég heyrði fyrst af því að menn væru að spóla innan í dekkjunum. Það var eftir að Dick Cepec fór á hausinn og Mickey Thompson tók yfir vörumerkið. Þér er verið að tala um dekk sem bæði spóla og springa, þótt þau séu ekki búin að vera hér á markaði nema örfá mánuði.
Ég sé ekki að það geti talist meðmæli með þessum dekkjum þó hægt sé að finna dæmi um að menn hafi notað þau í nokkra mánuði án þess að þau splundrist.
Ég þekki dæmi um Mudder dekk sem eru búin að vera í notkun í snjóakstri í 12 ár, án þess að spóla eða springa.
-Einar
Það er forvitnilegt að sjá hvort Trxus dekkin þola frostið betur en gormarnir hjá Freysa. Stál og gúmí, eins og flest önnur verða stökk og brothætt í miklu frosti. Superswamper dekkin eru jú framleidd í Louisiana, sem er jú staður sem þekktur er fyrir
Það er persónulegt mat hvort undirstrikun í linkum sé ljót eður ei, en það er löng hefð fyrir því að nota undirstrikun á linkum og ef menn ætla að breyta frá henni, þá þarf að laga litina til þannig að linkir verði áfram greinilegir. Það er rétt hjá Bjarna að breytingin sem ég lagði til myndi breyta fleiri linkum en bara þeim sem eru á spjallinu, end er þessi galli víðar á síðunni. En það er líka minnsta mál með CSS að gera breytingu á linkum, sem hefur bara áhrif á spjallið.
Hvaða met, ætli það sé met sem á við farartæki á gúmíhjólum?
Metið sem á að slá var víst sett af mótorhjóli, sem var með vélsleða til aðstoðar.-Einar
Elías, með því að kíkja á [b:j9qbysgk]view – page source [/b:j9qbysgk] (eða hvað það nú heitir í IE), þá er hægt að sjá hvernig Óskar ferð að, hann setur einfaldlega [b:j9qbysgk] og [/b:j9qbysgk] utan um linkinn. Notaðu lágstafi til að láta vefkerfið skilja skipanirnar. Dæmi:
[b:j9qbysgk][url=http://um44.klaki.net:j9qbysgk]umhverfisnefnd[/url:j9qbysgk][/b:j9qbysgk], sem kemur svona út:
[b:j9qbysgk][url=http://um44.klaki.net:j9qbysgk]umhverfisnefnd[/url:j9qbysgk][/b:j9qbysgk]Annars gerði ég nokkrar tilraunir, ég hafði giskað rétt hér að ofan, á það hvaða skrá það er sem stýrir útliti á linum í spjalli, Óskar hefur þú ekki aðgang að kerfinu til þess að laga þetta?
-Einar
[url=http://www.intercotire.com/site25.php:3drdp0wf]Hér er[/url:3drdp0wf] hægt að sjá hvaða stærðir eru framleiddar. Annars hélt ég að eftir reynsluna af Ground Hawginum myndir þú hugsa þig tvisvar um áður en þú færir að skrúfa fleiri tímasprengjur undir. Nema þú sért hættur að hleypa úr 😉 Flest radial dekkin sem gerð eru fyrir stærri en 15" felgur eru gerð fyrir 50 eða 65 psi (8-10 ply rating).
-Einar
Með því að nota leitarvélina á síðunu má finna allmarga þræði þar sem fjallað er um þetta áhugaverða viðfangsefni. [url=http://www.f4x4.is/new/forum/?file=bilarogbreytingar/199:3smuedfc]Þessi er einn af þeim betri.[/url:3smuedfc] Þessir bílar mjög lágir frá framleiðanda, ég held að það þyrfti að skera nokkuð mikið til þess að koma 38" dekkum fyrir án hækkunar.
-Einar
Mér finnst eðlilegt að það sé tenging á vegasafnið sem er á
http://vegir.klaki.net, t.d. með ferðaupplýsingum.Með einni færstlu í DNS skrá hjá Stefnu væri raunar hægt láta það vera aðgengilegt t.d. á slóðinni http://vegir.f4x4.is
-Einar
Ég fór þessa leið einbíla í tveimur ferðum á Skrokköldu seint í apríl og snemma í maí 1997. Ég ætti að eiga feril en ég finn hann ekki í fljótu bragði. Þegar ég fór þetta var leiðin mjög þægileg en þá var mun meiri snjór en nú er kominn. Í byrjun vetrar þarf alltaf að vera á varðbergi gagnvart grjóti, en ég held það sé ekki mikið um stórgrýti á þessari leið. Einnig getur snjórinn hulið gilskorninga sem eru varasamir þegar snjóalög eru öðruvísi.
-Einar
P.S. Fann ferilinn, hann er [url=http://klaki.net/tmp/svarta_0597.gps:3i26yd4d]hér[/url:3i26yd4d]
Ég man ekki eftir neinni Sandá nærri Sprengisandsleið, en Svartá er oft leiðinleg í á vetrum, sérstaklega í frosti. Reyndar forðast ég hana á veturna, annaðhvort með því að fara Kvíslaveituveginn eða með því að krækja austur fyrir upptök hennar. Hér eru tillaga, án ábyrgðar:
6427.648 N 01837.798 W Sprengisandsleið á Þveröldu
6427.866 N 01832.525 W Austur endi Þveröldu
6429.125 N 01828.021 W
6431.207 N 01828.495 W Sprengisandsleið-Einar
Ef þú ætlar hleypa úr dekkjunum til þess að keyra á snjó, þá held ég að valið standi milli AT 405 eða Mudders.
Eftir minni reynslu veitir gúmíið í Mudder miklu betra viðnám í miklu frosti en GH. Það er líka nokkuð um að þau hafi hvell-sprungið, þó það virðist ekki vera jafn algengt og á dekkjum frá [url=http://www.intercotire.com/site24.php:1ht8tvj4]Interco ( super swamper, trxus, irok, parnelli jones).[/url:1ht8tvj4]Ef þú ætlar ekki að hleypa úr dekkjunum, þá getur þú líklega notað hvaða dekk sem er.
Líklega eru AT dekkin hljóðlátari og betri í hálku og hörðu færi, meðan Mudderinn ætti að hreynsa sig betur sem er kostur í drullu og krapa. Svo er náttúrulega komin miklu meiri reynsla á Mudderinn.
-Einar
Minnsta lengd á 800kg púðanum er 16.5 cm og sú mesta er 40.6 cm, þannig að mögulegt fjöðrunarsvið er 24 cm. Það fer svo eftir því hversu mikð loft er sett í púðann, hversu mikið er í sundur, og hversu mikið er saman. Samsláttar púðar eru nauðsynlegur hluti af vel hannaðri loftpúðafjöðrun.
Ég er ekki með tölurnar fyrir 1300 kg púðann, en fjöðrunarsviðið á honum er fáeinum cm lengra.
-Einar
Veðurspáin fyrir helgina er mjög hagstæð, það er spáð frosti og það eru góðar [url=http://www.vedur.is/vedrid/vedursparit.html:2d1xzydx]líkur á bjartviðri[/url:2d1xzydx] og skyggni á jöklum.
-Einar
Ég hef ekki útskírt það sem ég var að segja nógu vel. Best að taka dæmi. Bíllinn minn er með loftpúða að aftan og gorma að framan. Ef ég hleypi alveg úr t.d hægri loftpúða að aftan, þá leggst fjöðrunin saman, bæði við vinstra afturhjólið og hægra framhjólið. Sama gerist ef eitt hjól fer t.d. ofan í læk eða jökulsprungu. Ef menn eru með mjög stífa gorma eða stífar balansstengur, þá er þó ekki víst bíllinn leggist fast á samsláttarpúðana.
Þetta er ekkert óeðlilegt, ég er ekki sammála Val og Bjarna um að þetta þýði að 800 kg púðinn sé of lítill.
-Einar
Loftpúðar eru ekki fyrir alla.
Ef bíllinn væri á gormum að framan, þá myndi hann liggja á samsláttarpúðanum ef ekki er eitthvað sem heldur honum uppi að aftan, nema framgormurinn sé því stífari.-Einar
Gormar geta brotnað, og þeir eiga það líka til að síga með tímanum. Óbreyttir bílar bila líka minna en breyttir bílar.
Loftpúðar gefa sameinað betur góða fjöðrun og burðargetu en gormar. Ég sé ekkert óeðlilegt við það að fram púðinn lyftist ekki, þegar aftur púðinn heldur engu lofti. Hvernig væri að laga það sem vitað er að er bilað, og sjá svo hvort stýringarnar virka?
-Einar
Óskar, hvernig líst þér á að gera linka í spjalli sýnilega, þetta er líklega í skrá sem heitir
../files/webfiles/stylesheets/default.css
Það er venja að linkar séu ljósbláir og undirstrikaðir.-Einar
Ég myndi ekki hafa miklar áhyggjur, ef smurþrýstingur fer ekki niður fyrir 2 bar. Smurþrýstimælirinn hjá mér datt niður í núll fyrir 3 árum, ég er nokkuð viss um að það er mælirinn eða líklega ferkar skynjarinn, því vélin gengur eins og klukka 😉
-Einar
