Forum Replies Created
-
Replies
-
[url=http://jeppi.klaki.net/Breytingar:38t3gcsq]Hér er wiki[/url:38t3gcsq] þar sem menn geta sett inn upplýsingar sem varða breytingar á einstökum tegundum bíla. Tækninefnd mun sjá um að ritstýra því efni sem þarna kemur inn, en til þess að þetta þjóni tilgangi sínum, þá þurfa fleiri að leggja málinu lið. Hver sem er getur sett efni þarna inn, eins og er þurfa menn ekki að skrá sig sérstaklega inn, þó mælt sé með því að menn geri það.
-Einar, tækninefnd
Mér sýnist að myndin af Wranglernum hans Óskars sé tekin á Úlfasfelli, það glittir í [url=http://www.f4x4.is/new/forum/default.aspx?file=ferdir/2777:3bs06r7s]Esjuna[/url:3bs06r7s] á bakvið.
-Einar
Ég hefði eginlega meiri áhuga á (óformlegum) félagskap þeirra sem aka á bílum sem eru ekki alltof langt yfir kjörþyngd með tilliti til aksturs á snjó. Er ekki viss um það hvar ég myndi draga mörkin, en það mætti hugsa sér að miða við 1800-2000 kg sem egin þyngd á breyttum bíl.
Annars hefur þessi vefur virkað nokkuð vel til þess að miðla upplýsingum sem varða endurbætur og viðhald á vélbúnaði frá þessum tiltekna framleiðanda, en lengi getur gott batnað.
-Einar ,
sem er nokkuð sama hvaða gott kemur eða hvað stendur á húddinu.
Reglurnar sem Magnús vísar til eru enn í gildi. Það þarf að hafa vottorð um samansoðna eða smíðaða hluti í stýrisbúnaði.
-Einar
Það er forvitnilegt að heyra hvort Gundur fær sömu móttökur hjá trygginafélögnum og [url=http://www.f4x4.is/new/forum/default.aspx?file=bilarogbreytingar%2f9497:191wzneh]Fastur[/url:191wzneh] fékk. E.t.v fellur þetta ekki undir utanvegaskilmálana þar sem þetta gerðist á eða við veginn inn í Jökulheima.
-Einar
Vandamálið liggur ekki í ófullnægjandi tengingum að vélinni sem hýsir vef 4×4, heldur því að vefþjónninn hefur ekki undan að svara síðnunum. Þetta er vegna þess að vefsíðan er forrituð þannig að hún veldur miklu álagi á vélina sem hýsir hana, og sem ræður því ekki við að svara nema fáum fyrirspurnum. Svartíminn hefur versnað mikið undanfarnar vikur, þetta gæti tengst breytingum sem vefnefndin hefur verið að gera, eða því að annað álag á vefþjóninn hafi aukist.
Sennilega er eina raunhæfa lausnin á þessu, sem og öðrum takmörknum vefsins, að henda Castor óskapnaðinum og taka í notkun kerfi sem ræður við álagið og hefur þann svegjanleika sem klúbburinn þarfnast. Það eru til fjölmörg slík kerfi, mörg þau bestu eru aukéypis.
-Einar
Ef þetta fyrirkomulag sem Magnús er óska eftir, hefði verið í gildi undanfarna áratugi, þá væri engir breyttir jeppar á Íslandi.
Reynslan hefur líka sýnt óvönduð vinnubrögð í breytingum koma ekkert síður frá sórum breyginaverkstæðum, heldur en bílskúrum.
[b:2rnp4p6m][url=http://www.f4x4.is/new/forum/default.aspx?file=bilarogbreytingar/965:2rnp4p6m]Kannanir[/url:2rnp4p6m][/b:2rnp4p6m] hafa sýnt að slysatíðni á breyttum jeppum er lægri en óbreyttum.
-einar
Að mínu viti var þessi umfjöllun Kastljóssins einhliða villandi og smekklaus Í skýrslu rannsóknanefndar umferðarslysa er það afdráttarlaust að það var ekki orsakavaldur í slysinu við Þrengslavegamótin, þegar boddyfestingar gáfu sig við mjög harðan árekstur.
Það er ekki skemmtilegt að þurfa að segja það, en í báðum þessum tilfellum létust ungir ökumenn vegna eigin mistaka.
Mér finnst það lýsa dómgreyndarleysi, bæði hjá Selfoss lögreglunni og Kastljósi, að vera að velta sér upp úr þessum hörmulegu atburðum.Í mjög ítarlegri greiningu á umferðarslysum sem greint var frá í fyrirlestri í Háskólanum fyrir nokkrum mánuðum síðan, kom m.a. fram að þegar borin er saman slystíðni eftir aldri bíla, þá er hún hærri hjá nýlegum bílum en þeim sem eldri eru.
-Einar (tækninefnd)
Það hefur verið ótrúlega gaman að fylgjast með því hvernig viðhorf Íslendinga til náttúrunnar og umhverfisins hafa breyst á undanförnum 3-4 árum. Ég held að þarna sé aðallega tvær ástæður, aðfarirnar í tengslum við Kárahnjúkavirkjun hafa gengið fram af almenningi og að útrás íslenskra fyrirtækja hefur staðfest það sem margir okkar höfðu haldið fram, að efnahafsleg velgengi íslendinga í framtíðnni byggist fyrst og fremst á því hvernig okkur tekst að nýta hugvit, framtak og dugnað okkar sjálfra, ekki því hvernig við "nýtum" náttúruauðlindir.
Annað sem gerðist á laugardaginn, var að álverið í Reyðarfirði var gangsett. Þetta er sérstaklega merkilegt fyrir þær sakir að það er um það bil hálft ár þangað til hægt verður að hleypa vatni á jarðgöng Kárahnjukavirkjunar.
Það verður ekki hægt að keyra mörg ker hjá Reyðaráli á því rafmagni sem hægt er að flytja eftir Byggðalínunni. Því mun álverið tapa tekjum sem nema eitthverjum tugum miljarða. Kostnaðurinn af þessu lendir með einum eða öðrum hætti á eigendum Landsvirkjunnar, það er að segja okkur. Þetta er til viðbótar við kostnað við sprunguþéttingar undir Kárahnjúka og Desjárstíflum og vegna sprungna á jarðgangnaleiðinni, en þessir þættir voru fyrir löngu búnir að éta upp alla varasjóði í fjárhagsáætlun verkefnisins.-Einar
Allar þessar stöðvar eru gerðar fyrir 50 Ohma loftnet, því skiptir ekki máli hver stöðin er varðandi val eða frágang á loftneti.
Algeng loftnet eru 1/4 úr bylgjulengd, eða 5/8 úr bylgjulengd. Kvartbylgjuloftnet sem passar fyrir rásir 4×4, er um það bil 45 sm langt, en 5/8 loftnetið um 110 sm.
5/8 loftnetið hefur þann kost að það sendir minna af sendiaflinu upp í loftið og meira nærri plani sem er hornrétt á loftneið. Báðar gerðirnar virka best ef þær eru uppi á miðjum toppi.
Það er ákaflega einfalt að smíða kvatbylgju loftnet, allt sem þarf er 45 sm löng stöng sem er tengd við kjarnann í samiðjukapli (coax), og hornrétt á leiðandi flöt (toppinn á bílnum), sem tengdur er við kápu kapalsins.
5/8 loftnet eru flóknari, vegna þess að þar þarf aðlögun, t.d. spólu og þétti, sem virkar aðeins á tiltölulega þröngu tíðnisviði.
Það er um það bil 7% munur í tíðni endurvarpanna og beinurásana sem 4×4 hefur, því efast ég um að 5/8 loftnet séu betri en kvarbylgjuloftnetin fyrir þá sem viljá fá góða virkni bæði fyrir beinu og endurvarparásirnar.-Einar TF3EK
Ég hef búið til [b:2tv7q8pj][url=http://jeppi.klaki.net/Kallmerki:2tv7q8pj]Wiki síðu fyrir kallmerki[/url:2tv7q8pj][/b:2tv7q8pj] radíóamatöra sem hafa áhuga á fjarskiptum í óbyggðum Íslands.
Ég tók mér það bessaleyfi að setja inn nokkur kallmerki. Þessi síða er Wiki, sem þýðir að hver sem er getur sett efni eða leiðretingar á síðuna. Ef ég hef sett einhverja þarna sem ekki vilja vera á listanum, eða sett inn villu, þá geta viðkomandi gert leiðréttingar milliliðalaust.-Einar TF3EK
Ólíkir bílar geta vel ferðast saman, og notað sömu förin, að því tilskyldu að menn hleypi jafnmikið úr. Vandamálin koma upp þegar menn vilja/þora ekki að hleypa almennilega úr. Ef þungu bílarnir vilja ekki hleypa úr, þá verða hjólförin of djúp fyrir bíla á minni hjólum, ef minni bílar eru með of mikið í dekkjunum, þá sitja þeir einfaldlega fastir.
Dýptin á hjólförunum fer nefninlega eftir loftþrýsgingi í dekkjum, ekki eftir stærð þeirra eða þyngd bíls, svo framarlega sem dekkin eru nægilega stór til þess að bera þunga bílsins.-Einar
Ég er ekki með kaskó, en fékk nýlega tilboð í slíkt frá VÍS. Þar var sama sjálfsábyrgð untan vega og annarsstaðar. Tilboðið sem ég fékk var upp á 21.000 krónur á ári fyrir alkaskó með utanvega og sjálfsábyrgð um það bil 88 þúsund. Það var líka hægt að fá um það bil helmingi lægri sjálfsábyrgð, en ég veit ekki hvað sú trygging hefði kostað.
-Einar
Það er Norðurvegur sem bendlar, með réttu eða röngu, þessa skýrslu við Háskólann á Akureyri. Sé Háskólinn þarna hafður fyrir rangri sök (ég hef ekki myndað mér skoðun á því), þá er það bara eitt dæmi af fjölmörgum um falsanir og rangfærslur á vef Norðurvegar.
Því er t.d. haldið fram á vef Norðurvegar, að Samgönguráðherra sé hliðhollur þeim, ég hef skilið það sem Sturla hefur sagt um málið á hinn veginn.
-Einar (fyrrverandi Akureyringur)
Málið er að þarne verða sveitarstjórnirnar einráðar, án aðkomu þera 97% íslendinga sem búa í öðrum sveitarfélögum, eða þeirra sem ferðast um svæðin. "Heimamenn" þekkja oft lítið til á þeim svæðum sem þeir gera tilkall til lögsögu á, og eru gjarnn hallir undir hagsmuni vinnuvélaeigenda og annara atvinnurekenda í sinni heimasveit.
-Einar
Mér finnst ólíklegt að það sé hægt að kenna gírkassa um það þegar millikassinn fer ekki í lágadrifið. Í flestum jeppum eru kassarnir alveg óháðir hvor öðrum, nema að þeir eru oftast skrúfaðir hvor á annan.
Ætli þarna hafi ekki eitthvað misfarist við frágang á stöngum. Kanske rekst stöngin fyrir millikassann í boddíið.-Einar
Heyrði hluta af viðtali við hann i útvarpi í gærmorgun. Hann var að gagnrýna Vatnajöklus-þjóðgarsfrumvarpið. Ég var sammála því sem hann sagði, m.a. gagnrýndi hann það að af 24 mann stjórn, væru aðeins 2 sem væru fulltrúar annara en þeirra 11000 íslendinga sem búa í þeim sveitarfélögum sem koma að þjóðgarðinum.
-Einar
Það sparar hellings útgjöld að fá sér radíóamatör leyfi, maður borgar 2500 krónur einu sinni, sem gildir æfilangt fyrir öll tíðnisvið og allar stöðvar, innanlands sem erlendis.
Svo þurfa menn ekki, frekar en þeir vilja,, að borga okur álagningu af tækjunum.Hvernig gékk prófið annars, Dagur og Tryggvi ?
-Einar TF3EK
Eftir að hafa verið í félaginu, og fylgst með starfi þess í 15 ár, þá er það sannfæring mín að fjarskortur sé ekki ofarlega á lista yfir þá þætti sem takmarka starf og árgangur félgasins.
Það er líka alveg undir hælinn lagt, að hækkun félgasgjalda muni auka tekjur félagsins, það getur allt einn farið á hinn veginn, saman ber þann málflutning hægri manna, að lækkun skatta auku í mörgum tilfellum tekjur af þeim. Það er ekki einfalt að reikna hægræði af afsláttum, í flestum tilfellum er hægt að fá svipaða afslætti eftir öðrum leiðum, eða að versla þar sem álgagnin er lægri. Málflutingur formannsins í þessu efni er út í hött.
Starfsmaður í 50% starfi ætti að ráða við að halda utan um félagatal, innheimtur og bókun á skálum og félagsaðstöðu. Aðrir þættir í starfi klúbbsins eru einfaldlega þess eðlis að þeir eru best unnir af áhugamönnum í sjálfboðavinnu.
Félagið þarf einfaldlega að sníða sér stakk eftir vexti. Það er einugis lítið brot af veltu félagsins sem fer í grunn hlutverk þess, það er að standa vörð um frelsi okkar til að breyta jeppum, og til þess að ferðast á þeim. Mest af tekjum félagsins síðustu árin hefur farið í rekstur fjarskiptaþjónustu og gistihúsa, að ekki sé minnst á skemmdarverk á vefsíðu klúbbsins.
-Einar
Ég hafði samband við mitt tryggingafélag (VÍS), enn fremur las ég yfir tryggingaskilmálana fyrir alkaskó tryggingu sem eru á netinu. Í stuttu máli, þá fann ég ekkert sem styður áhyggjur Lellu hér að ofan.
Að því er varðar skyldutryggingar, þá þarf mjög gróf brot til þess að endurkröfuréttur skapist. Fyrst og fremst er þar um að ræða ölvunar eða ofsaakstur. Dekkjastærð kemur þar ekki til álita.Kastkótryggingar eru frjálsar tryggingar, þar sem skilmálar eru samningsatriði milli aðila. Samkvæmt því sem þjónustufulltrúi VÍS sagði mér, þá skoða þeir notaða bíla sem teknir eru í kaskótryggingu. Ef bíllinn er á stærstu dekkjum sem menn nota í þessari skoðun, þá taldi hún að það myndi duga fyrir tryggingarnar.
Annas fynnst mér það ekki til mikils ætlast, að menn lesi skráningarskírteinið, þegar menn kaupa notaðan bíl.
Að sjálfsögðu eiga menn að reyna að hafa bílana löglega, en það er ekki hlutverk tryggingafélaga að framfylgja reglum um skráningu og skoðun bifreiða.Mig grunar að framkvæmd trygginagélaganna á tjónagreiðslum sé talsvert breytileg. Ef menn hafa upplýsignar um tivik þar sem félögin reyna að komast hjá því að bæta tjón, þá væri ekki úr vegi að koma þeim til tækninefndar.
-Einar (tækninefnd)
