Forum Replies Created
-
Replies
-
Ég er nú ekki alveg sammála Skula um forganginn. Ég er búinn að vera ferðast í rúman áratug. Fyrir rúmum 10 árum fékk ég mér GPS, fartölvu, NMT, loftkút/dælu, CB og drullutjakk, en það ekki nema 2 vikur síðan ég setti fyrst lækkuð hlutföll í bílinn (reyndar búinn að eiga þau á annað ár). Ef ferðast er með öðrum eru CB og skófla nauðsynleg, ef ferðast er einbíla þarf að hafa skóflu, drullutjakk, NMT, GPS og loftdælu/kút og "common sense". Sjá: http://um44.klaki.net/bunadur.html
Það er kostur að hafa hlutföll, sérstaklega innanbæjar og á þjóðvegum og það er oft gott að hafa eitthverja læsingu, diskalæsing í afturdrifi gerir t.d. mikið gagn. Ég hef aldrei haft læsingu í framdrifinu, en verið ýmist með ólæst, diskalæsingar eða Lock-Right í áfturdrifinu.
Þrýstingur er skilgreindur sem kraftur á flatareiningu.
Snertiflötur 38 tommu dekks við 4 psi ræðst af þunganum sem
hvílir á því. Dæmi:
Gefum okkur að massinn sem hvílir á viðkomandi hjóli sé 500 kg. Þyngdarkrafturinn er þá 9.8 * 500 = 4900 Newton.
4psi samsvarar 27500 Pascal eða 27500 Newton á fermeter.
Flatarmálið er þá 4900/27500 fermetrar eða 0.178 fermetrar sem er 1780 fersentimetrar.
Ef maður hefur nákvæman þrýstimæli og þekkir þungann, þá er þetta góð aðferð til að meta stærð snertiflatarins.
Flatarmál stærsta snertiflatar sem tiltekið dekk gefur er hægt að meta gróflega með því að margalda þvermál og breidd dekksins, t.d. 38* 2.54 * 15.5 *2.54 = 3800 fersentimetrar.
Þetta er ekki nákvæmt, t.d. breikkar snertiflöturinn um ca. eina tommu fyrir hverjar 2 tommur í felgubreidd, en mjókkar eftir því sem felgan er stærri í þvermál.
Nákvæmari útreikningur gefur flatarmálið 3960 fersentimetra fyrir 38 tommu dekk á 15×12 felgu en 4170 fersentimetra á
15×14 felgu.
Með stöð við Snæfell er búið að stoppa í eina stóra gatið sem ég hef upplifað í NMT kerfinu, sem er á svæðinu fyrir austan Snæfell. Hvorki tetra né VHF eiga séns í að geta komið í stað NMT kerfisins.
Mín skoðun er sú að þeim stóru upphæðum sem klubburinn er að setja í VHF endurvarpa, væri betur varið til að stuðla að framboði á ódýrum og hentugum stöðvum til að tala milli bíla í hóp. CB hefur marga galla en þessar VHF stöðvar sem verið er að halda að mönnum eru alltof dýrar og orkuferkar.
Mín skoðun er sú að ef menn vilja skifta út CB stöðvunum, þá væri UHF betri kostur en VHF. Það mikið til af ódýrum og handhægum stöðvum á því tíðni sviði en þær eru í mörgum kerfum sem ekki passa saman.
Þetta ætti þó alls ekki að gera nema að mjög vel athuguðu máli og eftir umræðu innan klúbbsins.
Mér er það óskiljanlegt hvers vegna smásöluverð á talstöð sem er framleidd í Japan eða Svíþjóð þarf að vera 3 sinnum hærra á Íslandi en USA. Verðmunur á tölvum eða bílum er t.d. miklu minni, eru aðflutningsgjöld af bílum þó miklu hærri en af talstöðvum.
Lægstu hlutföll sem fást í Dana 30 "reverse rotation" eru
4.88. Þessi drif eru m.a í Jeep XJ (cherokee) og TJ (Wrangler)
Það eru rúmlega 15 ár síðan ég byrjaði að fylgjast með snjóalgögum í nágrenni Reykjavíkur. fyrstu 5 árin var greinilega meiri snjór hér sum slóðir en næstu fimm árin. Síðustu fimm árin hafa þó verið enn lélegri.
Eitt dæmi um þetta er að haustið 1998 hurfu allir snjóskaflar úr þeim hluta Esjunnar sem sést frá Reykjavík. Þá hafði þetta
ekki gerst í meira en 30 ár. Síðan hefur þetta gerst 2001 og
2002, Í sumar var allur snjór farinn úr Esjunni snemma í Águst.
Annað dæmi: veturinn 1989 (eða 19990) var vegurinn yfir Hellisheiðina lokaður á hátt í tvo mánuði vegna þess að vegagerðin gafst upp á að halda veginum opnum. Á þessum árum voru skíðasvæðin í Bljáfjöllum og skálafelli oft lokuð vegna þess ófærðar en sjaldan var lokað vegna snjóleysis eftir áramót.
Báðir þessi bílar eru forljótir eftir mínum smekk. En nú er Barbí kominn með öflugra framdirf. Fyrir fjórum til fimm árum stefndi í að það sæjust varla aðrir bílar á fjöllum en toyota. Sem betur fer breyttist þetta. Ég held að framdirfið og millikassinn í Barbí hafi átt stóran þátt í að forða þessu.
Framstífan þarf að vera samsíða togstönginni frá stýrisvélinni. Ef stífan að aftan er nærri því að vera lárétt, þá skiptir ekki máli hvernig hún snýr. Þegar ég setti loftpúða undir minn bíl þá festi ég stífuna í hásinguna sömumegin og púströrið, annars hefði turninn úr grindinni verið fyrir því.
Núna er veðurspáin svona:
Á föstudag, laugardag og sunnudag: Hægviðri og víða bjart. Hiti yfirleitt 8 til 13 stig.
Nú er farið að glitta í jónsmessuhelgina í veðurspám. Það lítur út fyrir sól og blíðu, a.m.k. á föstudag og laugardag. Það eru fáir staðir sem standast samanburð við Þórsmörk þegar þannig viðrar. Landgræðslu ferð klúbbsins er kjörið tækifæri til njóta einstakrar náttúru með fjölskyldunni.
Frekari upplýsingar eru á vefsíðu klúbbsins:
https://old.f4x4.is/tilkynningar/index.asp?ID=256
Það ekki forsvaranlegt að reyna að aka af jökli til Hveravalla
a þessum arstima.
Einar Kjartansson, umhverfisnefnd 4×4.
það er sjálfsagt afstætt hvaða skilning menn leggja í að eitthvað sé algengt. Á þeim rúma áratug sem ég hef verið að þvælast um fjöll að vetri til, man ég tvisvar til þett að félagar mínir hafi lent í gangtruflunum vegna lofthreinsara. Í bæði skiftin var um að ræða LC-90.
Mér fannst það líka skrítið að í umfjöllun um kvennaferð í vor þóttu það smámunir þó eitt eða tvö drif brotnuðu.
(https://old.f4x4.is/tilkynningar/index.asp?ID=240)Kannske er standardinn hjá barbí eigendum annar en hjá okkur hinum í þessum efnum.
Það er ekki óalgengt að lofthreinsarar á barbí krúserum fyllist a snjó í skafrrenningi, t.d. þegar vindur stendur á hægri hliðina á bílnum.
Korando er ekki jepplingur. Þetta er alvöru jeppi með alvöru millikassa (lága dirfið er lægra en á næstum öllum japönskum jeppum) og drif eru dana 30/44 þar af leiðandi er úrval af hlutföllum og læsingum er eins og best gerist. Þar að auki er hann byggður með sjálfstæða grind, reyndar er umdeilanlegt hvort það er kostur.
Vegagerðin gefur vikulega út kort fyrrihluta sumars þar sem sýndir eru þeir fjallvegir sem búið er að opna. Kortin eru m.a. á slóðinni:
http://www.vegag.is/vefur2.nsf/pages/fu … lvega.html
Það ólíklegt að það verði búið að opna Dómadalsleið í byrjun júní.
Það er leyfilegt að aka á Snæfellsjökul. Sjá vefsíðu umhverfisnefndar:
http://um44.klaki.net/sfj/tilk.html
Þetta fer eftir ýmsu, en ég fer gjarnan með 13 pund í dekkjum inn í Þórsmörk, á 35-36 tommu dekkjum.
Loftþrýstingur í dekkjum skiptir ekki bara máli á snjó. Til að komast áfram með góðu móti í þurrum foksandi þarf að fara niður í um 10 pund. Þegar ekið er á viðkvæmu landi, t.d. gróðri, þá verða því minni áhrif sem þrýstingur í dekkjum er minni. Dekkja stærðin hefur óbein áhrif, það er að segja menn eru oft tregari að minnka loftþrýsting í litlum dekkjum en stórum.
Eftir því sem snertiflötur dekkjanna er stærri, því minni áhrif hafa þvottabretti og gróft yfirborð á þægindi ferðamanna. Snertiflöturinn stækkar eftir því sem þrýstingur í dekkjum er minni.
Loftþrýstingur segir eginlega meira til um það hvað mikill þungi hvílir á púðanum, en hversu hár hann er. Ég ætla að setja skynjara fyrir hæð til að nota við að stjórna loftinu, er að hugsa um að nota gamlar platínur til að kveikja ljós sem gefur til kynna hæðina.
Gormar (og fjaðrir) geta verið eins mjúkir og menn vilja. En fjöðrunin þarf að vera nothæf bæði þegar bíllinn er tómur og fullhlaðinn. Púðarnir hjá mér eru er það mjúkir að bíllinn yrði nánast ónothæfur, ef ekki væri hægt að stilla þá eftir hleðslu. Tveir fullorðnir farþegar í aftur sæti er nóg til að bíllinn setjist á samslátarpúðana, sama gerist ef ég fylli tankinn og set þrjá 20 lítra brúsa í bílinn.
