Forum Replies Created
-
Replies
-
Lómagnúpur
Sæll Snorri
Ekki hef ég nú tölu á hversu oft ég hef farið í og um Esjufjöll, ég veit ég fór bara einu sinni gangandi, en sjálfsagt ein 10 skipti á bíl og annað eins á vélsleðum. Að megninu til var þetta á síðasta áratug síðustu aldar. Flestar ferðirnar voru í tenglsum við lengri ferðir inná jökul, Öræfajökul, Grímsvötn, Kverkfjöll, Goðahnjúka eða þetta allt og annað líka. Nokkrum sinnum var gist í skálanum og hann notaður sem bækistöð þegar verið var að klífa tinda á svæðinu, Fingurbjörg, Snók, Þverártindsegg, Karl og Kerlingu o.fl. Að og frákomuleiðir voru uppí Hermannaskarð, milli Mávabyggða og Esjufjalla, stóra skriðjökulinn austan við Esjuna og eins beint upp frá Karli og Kerlingu rétt vestan við Brókarjökul. Eins hef ég farið um nánast allar brekkur og skriðjökla á svæðinu á vélsleða.
Þannig að einhver spor á maður á svæðinu!
kkv,
Björgvin
Fært – en seinfarið
Ég lenti einu sinni í því að keyra í svartaþoku frá Öxnadalsheiði alla leið í Borgarfjörð, það var ekki stiku skyggni og meðalhraðinn 60-70 og viti menn, í staðinn fyrir að eyða 20 +/- 10% eftir vindátt fór trukkurinn í 14 á hundraði!
Það má vel vera að vetni eða einhverjar aðrar gastegundir auki nýtingu bensíns eða díselolíu, en á meðan að þær eru framleiddar með rafmagni frá altenator bílsins gengur dæmið einfaldlega ekki upp í minum huga.
Ég skora á þig Benni, draslið í Dino-bekk og alvöru mælingu með og án kerfis, það þarf ekki langan tíma eða mikinn kostnað til að klára það dæmi.
Það er kannski ástæða fyrir því að enginn af meðmælendunum/framleiðendunum getur framvísað slíkum gögnum?
En mælt þú vonandi manna heillastur, ég yrði fremstur í röðinni til að ná inn 10-15% sparnaði.
B.Rich
Það hefur verið óvenju hljótt um þetta verkefni undanfarið – einhver heyrt hvernig gengur?
Takk fyrir frábært myndband – bara gaman að þessu.
Muna svo eftir lopasokknum næst:-)
B
Undarlegt að enn sé hægt að selja mönnum snákaolíu á 21 öldinni.
Því miður hafði Newton rétt fyrir sér og í hvert sinn sem orku er umbreytt, verður orkutap í formi hita eða mótstöðu í einhverri mynd.
En gott mál að bæta vetni inná rokkinn ef það fæst einhversstaðar á hagstæðu verði! Því miður er ekkert í eðlisfræðinni sem bendir til að svo geti orðið.
B
Af hverju viltu endilega dekk fyrir 17" felgu?
Hef reynt 44" Trxus og set þá stund í guðatölu þegar ég losnaði við þau, of breið fyrir öll hjólför og trukkurinn því útum allar akreinar, þeir lýstu því sumir sem mættu manni að ekki væri ljóst hvoru megin ætlunin væri að framkvæma þá athöfn. Svo eru þau of breið miðað við hæð, þegar gefið var í (með tölvukubb) í blautu sumarfæri fóru hitamælar á rautt með það sama, bæði skipting og afgas.
Eins og komið hefur fram eru 46" MT dekkin besti kosturinn undir þennan þyngdarflokk nema menn fari í enn stærra með tilheyrandi kostnaði við breytingar. 16" felgur eru bestar uppá flot, gerðu það sem þarf til að koma slíku undir, ég hef ekki lent í vandræðum eftir að hafa látið valsa þær, ekki snúið einu dekki á felgunni.
B.Rich
Sælir
Hafa einhverjir farið um austanverðan jökulinn undanfarið og geta sagt frá færð og færum leiðum?
Er t.d. fært upp Skálafellsjökul?
Sá áðan loftmyndir af vestanverðum jöklinum og hann er ekki mjög frýnilegur þeim megin.
Björgvin
Hvaða reynslu hafa menn af því að setja XENON HID ljósakerfi í jeppa? Er þetta eitthvað sem bætir lýsinguna? Og hvaða peru gerð kemur best út þegar mest þarf á því að halda, white-out, þoka, blautt malbik?
Ég nota tveggja geisla gula IPF sem eru frábærir þangað til ég mæti einhverjum og þarf að slökkva, var að velta því fyrir mér hvort 14000K XENON væri málið, annað litaróf sem ætti að stytta tímann fyrir augun að aðlagast.
Ég er kannski svona nettur á gjöfinni – en minn 7,3 powerstroke eyðir nú bara 20 á hundraði +/- 10% eftir vindi. Og það er slétt sama á hvaða dekkjum það er, hef notað 38" – 46". En kominn í lága drifið, hleypt úr og eitt Toy í bandi er allt annar stærðargráða á eyðsunni.
Einhver farið þarna um nýlega? Ætlum í fyrramálið, væntanlega um Keldur og í Álftavatn.
Fórum frá Húsafelli að Jaka á Langjökul og fleira í gær. Fínt færi, úrrennsli eftir rigningarnar, lítill snjór eftir og engin drulla í frostinu.
En fljótt að breytast ef það hlánar.
Ég hef notað hvoru tveggja undir 4,5 tonna Econoline og það er ekki spurning að 46" hefur yfirburði á öllum sviðum. Trxusinn er hundleiðinlegur í akstri, nartar í alla kanta, hann er breiðari og riður því meira á undan sér á meðan MT 46" er mjórri(19" vs 21") en hefur nánast sama flot útaf sporlengdinni.
Þannig að fyrir þyngri bíla er það ekki spurning að fara í 46" eða jafnvel 49" á meðan menn átta sig á að þetta eykur slit á öllu krami og stýrisgangi sérstaklega. Svo er mikið afl og skriðgír forsenda til að geta notað dekkin.
Annars henta 44"DC ágætlega léttari bílum, sérstaklega fyrir þá sem þurfa ekki alltaf að vera fyrstir að riðja slóðina.
MT færðu hjá Heklu.
ég fékk svona lok hjá Fjallabílar – Stál og stansar fyrir nokkrum árum
Ég er með
Ég hef trukkinn og tímann, en enginn farið þarna um síðustu daga?
B
Hefur einhverjum dottið í hug að kíkja þangað síðustu daga eða veit hvernig ísalög eru þar á ám?
B
46" fer undir í næstu viku og ekki undan aftur fyrr en löngu eftir þessa ferð. Gæti jafnvel kippt upp einum TOYPAT á milli áfillingana.
Ég er hins vegar hlessa hversu litlar undirtektir það fær að gera e-ð eftirtektarvert á þessum tímamótum, þetta er eins og geld sál, eða kannski allir utan þjónustusvæðis
B.Rich
Þú misskilur mig Tryggvi, við komum héðan og þaðan úr öllum áttum, allt að sjálfsögðu undir stjórn hverjar deildar, hittumst á miðjunni og höldum kaffiboð með brauðtertu og alles, en förum síðan aftur hvert í sína átt í nálæga skála og njótum næturinnar (með fjarskiptin, bróðurþelið og hjálpsemina í lagi).
Þetta er að sjáldsögðu sagt í þeirri vissu og trú að mætingin verður slík að engin ein leið eða einn svefnstaður nægi til að þjónusta allan þann gríðarlega fjölda sem mun fagna þessum tímamótum og þeim árangri sem 4X4 hefur náð í þágu okkar jeppamanna.Góðum hugmyndum eða árangri á ekki að hvísla heldur halda hátt, nota tækifærið, berja sér á brjóst og leyfa alþjóð að fylgjst með (eða öllu heldur-sjá til þess að hún fylgist með).
Ég er viss um að það eru góðir PR menn í hópnum sem get spunnið upp góða umfjöllun um þetta, ROTTUR með ráðherrana sína og aðrir góðir fjallamenn, sem við eigum jú nóg af.
Persónulega mæli ég með kvöldvöku með Ómari og Fjalla og ekki verra að Friðþjófur sé með, nú eða hestamenn úr sýslum vestan Tröllaskaga.
Í lítillæti kemur þessi uppástunga líka fram vegna þess að töluverðar líkur eru á því að einhver komist á staðinn ef víða er að sótt – ég er kannski búinn að vera of lengi í björgunarsveit.
B.Rich
