Forum Replies Created
-
Replies
-
Ég hef verið að lesa Draumalandið, Sjálfshjálparbók handa hræddri þjóð eftir Andra Snæ Magnason. Stórkostleg bók sem ég hvet alla náttúruunnendur til að lesa. Ætti að vera skyldulesning hjá þeim sem unna hálendinu.
Vissuð þið til dæmis að Bandaríkjamenn hentu um 800.000 tonnum af áldósum framhjá endurvinnslu árið 2004, þá eru ekki meðtaldir álbakkar og álpappír og aðrar umbúðir sem færa töluna upp í 1,2 milljónir tonna á ári. Það er næstum því fjórföld ársframleiðsla fyrirhugaðs álvers Alcoa á Reyðarfirði. Með því að grafa dósirnar tapast orka sem nemur þremur Kárahnjúkavirkjunum á ári. … Eru Íslendingar í þessu samhengi að að bjarga heiminum með „hreinni orku“ eða hvetjum við kannski til sóunar með því að meta ekki til fjár landið sem er lagt undir þennan iðnað? (sjá nánar á bls. 203-204).
Það er af mörgum dæmum að taka sem tala afar skýru máli í þessari mjög svo þörfu bók. Ef þú lest eina bók á ári er þetta bókin.
Kv
Benni
Ég er með Viair 400C frá Arctic Trucks í 90 cruiser og er með hana festa á hvalbakinn, bílstjóramegin. Bara bora fjögur göt og snitta, nóg pláss og síðan úrtak fyrir slöngu út um grillið. Fékk allar tengingar og slöngur hjá Barka í Kópavogi. Grjótvirkar!
Ég er með 38" mudder á 14 tommu stálfelgum og var árið 2005 formaður í affelgunarklúbbnum. Reyndi að láta líma en hjálpaði lítið. Síðan sauð Maggi felga fyrir mig brúnir á felgurnar, utan og innan. Lét síðan sandblása og pólýhúða felgurnar og þær líta út eins og nýjar. Með köntunum missti ég formennskutitilinn í affelgunarklúbbnum og hef ekki haft áhyggjur síðan. Steinliggur í allri keyrslu, og hleypi létt úr niður í 1 pund. Er með 37" sumardekk á 12" álfelgum, finn ekki neinn rosalegan mun á aksturseiginleikum þessara dekkja.
kv
Benni
Sendi aðstandendum hins látna mínar dýpstu samúðarkveðjur vegna þessa hræðilega slyss.
Megi hinn slasaði fá sem skjótastan bata.Með bestu kveðjum
Benni
Frábært hvað mikil samstaða er í þessum klúbbi. Vona að Gísli komist fljótt á fjöll þó ég þekki hann ekki neitt. Búinn að leggja inn 1.000 kr.
kv. Benni
Þetta er það sem ég var að leita eftir. Takk fyrir
Var að spá í að splæsa lykkju á teygjukaðalinn minn. Veit einhver hvar hægt er að finna upplýsingar um splæsingar.
kv Benni
Tímasetningin stenst allavegana hjá Olgeiri, því þetta var eldsnemma á sunnudagsmorgni og bílnum hafði verið ekið fram og til baka um bílastæðið hljóðkútslausum, frekar til ama þeim sem reyndu að sofa. Það var svo félagi þessa á þakinu sem kom hlaupandi og sagði bílinn þeirra hafa farið í fljótið. Við hlupum af stað með kaðla og tóg niður að ánni og horfðum upp á bílinn berast með straumnum, stundum voru dekkin uppúr og stundum þakið. Hann stoppaði svo á endanum á stóru grjóti í ánni, svo það var mikil mildi að strákurinn komst út úr bílnum. Það safnaðist síðan nokkur hópur fólks okkar megin á bakkanum en enginn gat aðhafst neitt, búið að hringja í björgunarsveitina á Hvolsvelli. Þá birtist bjargvætturinn og náði stráknum í land af hinum bakkanum. ´
Fæst orð hafa minnsta ábyrgð varðandi meinta áfengisdrykkju, en óneitanlega læðast að manni grunsemdir – einbíla, óbreyttur bíll, sunnudagsmorgun kl. 06, aka út í Markarfljót í vexti……
kv
Benni
Takk fyrir þetta Freyr. Átaksmælirinn er kominn í verkfærasettið, en hversu mikið átak er hæfilegt á stálfelgur annars vegar og hins vegar álfelgur??
Kv, Benni
Þar sem ég lenti í því að missa dekk undan bílnum um helgina vegna brotinna felgubolta langaði mig til að heyra hvort menn væru almennt að skipta út orginal felguboltum með öðrum sverari þegar stærri dekk eru sett undir. Og hversu mikið á að herða rærnar á bæði álfelgum og stálfelgum með átaksmæli???
kv, Benni
Sæll Elli, Bestu þakkir fyrir leiðbeiningarnar
Kv
Benni
Sælir, ég var að skrá mig í klúbbinn og hlakka til að trylla með ykkur um fjöllin í vetur. Fyrst verið er að tala um myndir, hvernig eru þær settar inn??? Er nokkur sem getur frætt mig um það??
