Forum Replies Created
-
Replies
-
Sælir
Sjáið mynd á baksíðu Moggans í dag. Þar standa feðgar á skottinu á gömlum Volvo strand útí á. Ég er viss um að þeir hefðu getað vaðið fram og til baka í þessari á í gúmmístígvélum en þeir stoppuðu samt. [url=http://mbl.is/mm/frettir/innlent/frett.html?nid=1207553:nvkpro18][b:nvkpro18]Hér er myndin[/b:nvkpro18][/url:nvkpro18]Það er ekki til nein algild regla um hvort þú komist yfir ár eða ekki. Maður verður að meta aðstæður hverju sinni útfrá umhverfinu og líka að gera hóflegar kröfur til farartækisins.
Kv.
Ásgeir
Sælir
Skynsemin hefur aldrei verið fyrir mér og hamarinn á ég en suðuna gæti ég lent í vandræðum með. En ég hugsa að ég fari bara þá leið sem Subbi lýsir og vona það besta.
En á ég að trúa því að ég sé sá eini sem á svona bíl og langar að breyta? Ég hef heyrt af amk. tveimur bílum sem hafa verið settir á 33" eða 35" en það virðist enginn vita hvar þeir eru niður komnir. Endilega látið mig vita ef þið vitið um svona bíl.Kveðja
Ásgeir
Sæll.
Það er ýtarleg umfjöllun og mjög góðar teikningar um þetta frá bls. 369 í bókinni Jeppar á fjöllum, sem er sennilega sama bók og Hafsteinn er að tala um. Ég treysti mér hins vegar ekki til að búa til úrdrátt úr bókinni en hún hlítur að vera til á einhverju bókasafni.
Kv.
Ásgeir
Sælir, og takk fyrir svörin.
Ég ætlaði fyrst bara að skera úr og láta það nægja en mig langar að hækka hann svolítið líka, hafa þetta svolítið old-school. Ég tími ekki að skrúfa klafana niður og missa aksturseiginleikana, ég held að ég missi minni eiginleika með því að setja klossa á grindina.
Varðandi það sem Subbi segir að finna annan svona bíl og hafa samband við eigandann og fá að skoða. Ég veit bara ekki um neinn alveg eins bíl, en ef einhver veit um svona bíl sem ég má skoða endilega látið mig þá vita. Ef einhver á líka viðgerðabækling fyrir svona bíla þá væri ég mjög þakklátur ef ég mætti fá hann lánaðann eða kaupa hann af honum.
Kveðja með von um fleiri góð svör
Ásgeir
Sælir.
Hvað telja menn að sé mesta hækkun á milli grindar og boddýs sem ég kemst upp með án þess að þurfa að fara að lengja í köplum, slöngum og stöngum?
Ég er með Dodge Dakota árg. 1996 (eldra boddý) sem mig langar að hækka aðeins til að setja undir hann aðeins stærri dekk (33″-35″). Ég talaði um daginn við tvö fyrirtæki sem eru mikið í breytingum á jeppum og spurði þau sömu spurningar og ég set fram hér að ofan, en ég fékk tvö mjög ólík svör. Annarsvegar var mér sagt að ég gæti sett amk. 5 cm. hækkun og ætti að sleppa með allt auka umstang, en á hinum staðnum var mér sagt að þetta væru ekki nema um 1.5-2 cm. Það er nú enginn ávinningur í því að hækka bíl um 2cm. en ég myndi alveg vera til í að leggja í 5cm. Hvað segið þið fróðari menn? 1.5 cm. eða 5 cm.?Með fyrirfram þökk og von um góð svör.
Kv.
Ásgeir
R-3543
Eins og þarna var mikið af flottum tækum verð ég samt að vera sammála Haffa með lýsinguna og uppröðunina. En F4x4 var nú samt með frábærlega vel staðsettan bás, maður sá hann um leið og maður gekk inn í salinn. Það sem mér fannst kannski verst var það hvað það var erfitt að ná tali af sölumönnum fyrirtækja sem höfðu e-ð að selja. Þeir sátu bara úti í horni með vinum sínum og sögðu brandara og hetjusögur. Ég er ekki viss um að svona vinnubrögð viðgengust hjá þeim á virkum dögum.
Hvað sem öllu öðru líður var þetta samt mjög flott sýning og mikið um flott tæki og tól. Það sem stendur uppúr hjá mér var að heyra hljóðið í kvartmílugrindinni, váááá ég fékk gæsahúð í eyrun og undir yljarnar það var magnað.Gæsahúðakveðjur
Ásgeir
Nú langar mig að nöldra aðeins. Getur verið að aðgangseyrir að svona stórri og flottri sýningu sé ókeypis. Ég er búinn að skoða tilkynninguna á forsíðunni okkar og búinn að skoða í gegnum megnið af síðu sýningarinnar og sjá nokkrar auglýsingar, og það er hvergi minnst einu orði á aðgangseyri. Þetta er atriði sem skiptir svolitlu máli að komi fram, en maður mætir nú auðvitað sama hvað kostar.
Kv.
Ásgeir
R-3543
Sæll.
Byrjaðu á því að fá svona Landa lánaðan í eina dagsferð á fjöll og hugsaðu þig svo vel um. Ég fékk svona bíl á 38" lánaðan í vetur og fór einmitt inn í Þórsmörk. Ég kom allur skakkur og skældur til baka, því afstaðan á stýrinu og pedulunum við sætið er alveg út í hött. Svo er bílstjórahurðin alveg ofaní þér. Ég tel mig ekki vera stórann eða mikinn en þetta var það helsta sem ég setti fyrir mig. Annars var hann bara nokkuð sprækur og skemmtileg fjöðrun í honum. En mér fannst töluvert betra að sitja í Hilux.
Kveðja
Ásgeir
Þetta er náttúrulega hið besta mál og hefði ekki einu sinni átt að þurfa að koma til átaka til að ná þessu fram, svo sjálfsagt er það. Til hamingju Landsbjörg!!
Hvernig er það annars ef einhver kaupir svo gamlan björgunarsveitarbíl eftir nokkur ár, borgar hann þá sekt fyrir litinn í olíunni ef hann er stoppaður? Jah, maður spyr sig!Kveðja
Ásgeir
Langaði bara að benda mönnum á frétt sem var á Rúv áðan þar sem umhverfisráðherra var á rúntinum og mætti tveimur mönnum á hjólum sem höfðu verið að spæna á Reykjanesfólkvangi (eins og Elín kallar það). Annar þeirra þorði ekki einu sinni að taka af sér hjálminn og hinn sagði nú fremur lítið. Svo keyrði ráðherrahópurinn nokkra metra í viðbót og komu að splunkunýjum förum eftir hjól. Það mátti lesa þarna úr að þarna hefðu blessuðu mennirnir verið að verki en það er ómögulegt að fullyrða. Dæmi hver fyrir sig. Þetta fréttaskeið er hægt að finna á http://www.ruv.is
Kv.
Ásgeir [url=http://dagskra.ruv.is/streaming/sjonvarpid/?file=4284216/5:3rxctchs][b:3rxctchs]Rúv[/b:3rxctchs][/url:3rxctchs]
Gæti það verið klúbbnum okkar til framdráttar að beita sér fyrir hærri sektum? Jafnvel að fá VÍK til að vinna með okkur. Það gæti sýnt að við tökum sterka afstöðu gegn svona og treystum því að félagsmenn okkar stundi ekki slíka eyðileggingarstarfsemi. Ath. þetta er bara vangaveltur hjá mér.
Kveðja
Ásgeir
Sæll Sigurvald
Áttu nokkuð myndir af þessum bíl tengdaföður þíns sem þú værir til í að setja á netið fyrir okkur að njóta?
Kveðja
Ásgeir
Sælir.
Eru þessir bílar með sama drifbúnaði og eldri gerðirnar (fyrir 1996)? Ég er að fara að breyta mínum lítillega og var að velta fyrir mér hvort til eru hlutföll í hann. Mér finnst ekki vera mikill markaður af aukahlutum fyrir þessa bíla af eldri gerðum svo ég er að vona að ég geti notað sem mest af hlutum fyrir yngra boddýið.Kveðja.
Ásgeir
Sælir.
Ég lenti í vandræðum með að finna felgur á bílinn minn en svo komst ég að því að nýju Nissan Pathfinder jepparnir og Navara pallbílarnir eru með sömu gatadeilingu. Það eru reyndar bara til 16" og 17" felgur á þá ennþá en svo hlítur úrvalið að aukast þegar fleiri framleiðendur velja þessa deilingu. Annars virðast felgur með þessa deilingu vera dýrari en aðrar alveg eins.
Kv.
Ásgeir
Sæll.
Ég fann þetta ekki á mbl.is. Veistu nokkuð hvar er hægt að lesa meira um þetta?
Kveðja
Ásgeir
Sælir.
Í sambandi við verðmuninn dettur mér í hug setning sem vinur minn missti útúr sér í svipaðri umræðu. Hann sagði: "Ástæðan fyrir því að Toyotan er svona dýr er ekki eingöngu vegna þess að þetta eru góðir bílar með lág bilanatíðni, heldur ertu líka að borga fyrir þá frábæru þjónustu sem P.Sam. veitir þér ef eitthvað kemur uppá". Ég vil taka það fram að sá sem sagði þetta á 38" Patta.Kv.
Ásgeir
Sælir félagar og gleðilega páskahátíð.
Minn málsháttur var nokkuð góður fyrir jeppamann, en hann hljóðaði svona: Besta uppskeran er alltaf annarra, bestu börnin eru alltaf eigin. S.s. Þó svo þú komist ekki alltaf jafnlangt og næsti maður þá átt þú alltaf besta jeppann.
Kveðja
Ásgeir
Er nokkuð hægt að gera fyrr en eftir páska, eru ekki allir helstu ráðamenn þjóðarinnar komnir í páskafrí?
Hvernig er það annars með félagsmenn almennt, getið þið tekið ykkur frí úr vinnu heilu og hálfu dagana til að standa í svona aðgerðum? Ef maður fer úr vinnu fyrir svona eitthvað þá veit ég það að ég fengi allavega rauða spjaldið.V-8 kveðja
Ásgeir
Takk fyrir það Tryggvi minn. Þessi þráður hefur bara gjörsamlega farið fram hjá mér. Þetta skiptir mig svo sem litlu máli þar sem ég er að vinna þennan dag.
Kannski ekki vitlaust að setja svona á forsíðu svo allir sjái.Kveðja
Ásgeir
Sælir
Hvenær má búast við að upplýsingar um páskaferð Litludeildarinnar leki á netið? Aldrei þessu vant er maður farinn að plana fram í tímann.Kveðja
ÁsgeirPs. Er á 30" Dodge Dakota
