This topic contains 3 replies, has 1 voice, and was last updated by 
-
Topic
-
Ég var að velta fyrir mér með Patrolinn
Munið þið / vitið hvaða árgerðið voru innkallaðar í vélarskipti ?Er að spá í einum 2003 árg ( óbreyttur ) sem að eftir því sem ég best veit er á sinni fyyyyyyyyyyyrstu vél.
Gripurinn er keyrður 120 þús km
Vitið þið hvernig það er með heddin í þessum vélum ?
Sama vesen og í eldri bílum ?
Ending ?
Reynslusögur ?Það er búið að hræða mann svo mikið að maður er farinn að hallast að því að maður drífi ekki heim á restinni af þessu heddi.
Kv. Kalli
-
Replies
-
Hélt að allir bílar til 2004 hefðu verið innkallaðir ?
Kannski einhver sem þekkir það betur.
Eru ekki alslæmir mótorar þó að eflaust megi finna ýmislegt athugavert við þá.
Til eru dæmi um "gamla" 3.0L mótora sem hafa farið yfir 300 þús.
Það sem fer mest í taugarnar á mér við þennan mótor eru dyntóttir tölvuhrekkir sem virðast oft tengjast loftflæðiskynjaranum. Tekur 2 mín. að skipta um hann og þú notar bara þann gamla aftur þegar sá nýi "ruglast".
Heddin eru ekki vandamál í þessum bíl frekar en 2.8 . . . sem virðist vera algengur misskilningur . . . vandamálið er miklu frekar slakt eftirlit með kælikerfi bílsins sem veldur því að bíllinn hitnar of mikið . . . sem fer ekki vel með heddið.
Hef ekki lent í því ennþá, 4 patrolum síðar, að komast ekki til byggða.
Ágætis bílar, drífa vel og þola meira en margir en hafa sína galla eins og aðrir. Mest eitthvað pillerí sem skiptir ekki máli þegar á reynir.
Kv.
JKK
sælir
Bílarnir sem voru innkallaðir voru af árgerðum 2000-2001, þó voru ekki allir innkallaðir af 2001 bílunum (minn þar á meðal). Aftur á móti hafa þessir mótorar fengið extended ábyrgð hjá herra Nissan úr 3 árum í 5 ár og svo veit ég að IH hafa verið "sveigjanlegir" allt upp í 6 ára gamla mótora. Ég veit þó ekki hvernig þessu er háttað um nýrri bíla en myndi þó halda að 2003 bíllinn falli undir þetta, myndi ath hjá umboði varðandi það. Ég hef aftur á móti heyrt því fleygt að í 2003 bílnum sé búið að laga þessi vandamál, amk þá er ekki nærri eins mikið um þetta og áður. Sel það þó ekki dýrara en ég keypti það.
Þegar mótorinn fór hjá mér í 155 þús km (44" bíll á fyrstu vél) þá kynnti ég mér þetta doldið. Það sem er að fara eru innsti og næst innsti stimpillinn, það kom stærðarinnar gat í innsta stimpilinn og hinn var með sprungu í, heddið fór einnig í látunum. Skv mínum upplýsingum hefur þetta að gera með olíukælinguna í mótornum sjálfum en það fer ýmsum sögum um hvað var raunverulega lagað, mín tilgáta er sú að eina sem var gert var að auka við olíumagnið á vélinni, amk í 2001 bílunum sem voru ekki innkallaðir.
Tengdapabbi er á svona óbreyttum bíl 2003 módel og líkar vel, ekkert hefur komið upp á hjá honum en hann er reyndar keyrður undir 100 þús km.
Kælikerfið í 3.0 bílnum virðist vera mun öflugra en í 2.8 lítra bílnum en ég veit þó að eitthvað hafa menn verið að eyðileggja heddið á breyttum bílum. Annars eru ekki margir díseljeppar með álhedd sem endast meira en 200 þús km, þannig er það nú bara.
Óbreyttur Patrol er fínasti ferðabíll, traustur og góður og vélin er alveg ágæt til að skondrast um á orginal dekkjum. Vissulega eru þessi vélavandræði hvimleið en að öðru leiti þarf maður ekki að hafa miklar áhyggjur af þessu, þetta bara keyrir og keyrir ……..
kveðja
Agnar
Kv. Kalli
You must be logged in to reply to this topic.