XENON HID

Ég er nú svo déskoti illa að mér, að ég þekki ekkert inn á mismunandi gerðir af Xenon ljósum. Við erum með bíl hér á heimilinu af árgerð 2008, sem kom með xenon í lágu ljósunum, og okkur finnst þessi ljós gefa afar góða birtu, ekki síst í dimmviðri. En hvaða typa þetta er af Xenon hef ég enga hugmynd um 😮
Nú er verið að auglýsa Philips Quartz Halogen perur. Hafa einhverjir þekkingu og skoðun á þeim perum?

PS: Hef notað og þekki þessi tveggja geisla aukaljós, sem B.Rich. er að tala um. En maður má víst ekki nota þau úti á vegum, nema maður sé á flutningabíl!!

Sæll Björgvin.

Ég keypti HID frá honum Benna:
https://old.f4x4.is/index.php?option=com … =XENON+HID

Þetta virkar vel – sérstaklega í myrkri 😉 Mig minnir að ég sé méð 6500 K. Það er nokkuð hvítt ljós.
Þar sem menn setja einna helst út á HID eru háuljósin – þau lýsa jú lengra en láguljósin en eru ekki bjartari eins og halogen perurnar.

Kv Hafsteinn.

Ég var áður með 100w halogen í háa geislanum og varð fyrir pínu vonbrigðum hvað xenonið var svipað, það var búið að lýsa því fyrir mér hvað það væri mikið betra og allt frábært við það. En ég varð fyrir vonbrigðum með þetta xenon dót yfir höfuð, fljótlega dó annar spennirinn hjá mér, Benni brást vel við og sendi mér annan spenni fljótlega en svo dó önnur peran og þá átti hann ekki aðra handa mér, svo dó hin og nú er ég bara kominn með gamlar og góðar perur. Ég hefði kannski mátt gera meira í því að reyna að redda mér öðrum perum, en þetta átti bara að endast líftíma þessa bíls og jafnvel næsta líka.

Kv, Elli sem er þreyttur á xenon veseni

Svo má benda framtíðar Xenon notendum á það að það eru til perur sem eru gerðar fyrir venjuleg Halogen aðalljós, þær eru merktar með stafnum R og heita þá D1R eða D2R og svo framvegis. Þær eru húðaðar á sérstökum stöðum til að mynda skurð á geislanum og minka þetta óþolandi stjórnlausa ljósmagn sem blindar alla sem mæta þér.

Held að þetta sé ekki rétt hjá þér Stebbi, getur ekki betur séð en að þessar perur sem þú ert að tala um séu perur sem passa í orginal Xenon, jú það sem kemur með bílnum frá framleiðanda. Þetta eru ekki perur sem passa í aftermarket Xenon líkt og við erum að setja í.

Því blárri geisli, því þreyttari verður maður í augunum, því blárri geisli því minni birta. Að vera með 3000K eða 4300K gefur besta ljósmagnið og besta birtan fyrir augun. Allt þar fyrir ofan fer að hafa áhrif sem þreyta í augum.

Hef ekki orði var við það að fá lítið minna ljósmagn úr Xenon peru heldur en halogen peru, og ófáir bílar sem ég hef setið í með Xenon. Þvert á móti, mun meira ljósamagn og hef ég ekki notað háa geislann eftir að ég fór að vera með Xenon, nema þar sem lági og hái geisli eru aðskildir, þar gilda önnur lögmál. Annars hef ég notað kastarana með, og þá er maður líka kominn með flóðlýsingu. Að bera saman 100w halogen peru og xenon í háa geisla er ekki marktækt, þú notar ekki háu ljósin í umferð, fyrir utan það að þú ert ekki alltaf að nota háuljósin og ennþá síður í blindbyl eða á fjöllum á lítilli ferð, það er ávísun á ónýtt ljósker og fleirra og engin ljós.

En það eru gallar á öllu þó þetta hafi marga kosti, stofnkostnaður er dýr, perurnar endast álíka og halogen eða ívið meira en kosta formúgu, spennarnir geta bilað, í sumum ljósum speglast ljósið þannig að það blindar ökumenn á móti, það er sérstaklega mikil hætta á þessu í jeppum þar sem ljósið er enn ofar en það ætti að vera. Og þú hoppar ekkert útá næstu bensínstöð til að fá perur.

Kv, Kristján