Wrangler 91′ – framkvæmdir framundan

Sæll.
Er sjálfur byrjandi í bílskúrsfræðum en átti í nokkur ár cherokee á 33". Get því svarað því til að hann fer lygilega mikið á þeim með úrhleypingum.

Ég var með sjálfskiptan bíl með svona læsinga-millikassa (minnir að það heiti quadra-track eða eitthvað svoleiðis). Hann sat eftir í sumum tilfellum en í öðrum stakk ég 38" risana af. Þetta fer svo mikið eftir færi bara hvort það er nóg að vera léttur eða ekki.

…Ég endaði nú samt á 38" bíl… ef það segir þér eitthvað

Kv.
Einar

Sælir…..

‘eg er búinn að eiga 2 33" bíla og 3 38" á undanförnum 2 árum fyrst átti ég gamla terrano á 33" sem var svona lala í snjó svo fékk ég mér stuttann Vitara á 33" sem fer lyginlega mikið og eins og þið segið stakk suma 38" af og allt í góðu með það en svo fór ég útí 38" og ég get vitnað í það að maður endar alltaf á meira breyttum bílum.eftir fyrsta 38" bílinn hafði ég ferðast meira á jökla og hálendi heldur en nokkurntímann á 33" bíl og mín ráð væru að taka þennann wrangler og setja 38" undir hann með tilheyrandi læsingum ljósashowi og fjöðrun og fara á fjöll óhræddur en sumir eru auðvitað með minni dellu en aðrir en þetta er það sem ég mundi gera:D

með von um að cherokeeinn minn fari fljótlega á fjöll

fjallakveðja Davíð R-2856

… án þess að ég meini neitt illt

Vandamálið við léttan bíl á "litlum" dekkjum er að hann virkar ekki nema honum sé haldið léttum… ergo, ekkert dót og bílstjórinn í megrun!!

Þú verður að vera mjög meðvitaður um hvað það dót og aukahlutir (tæki, fólk) sem þú setur í og á bílinn eru þungir og velja og hafna, jafnvel skilja uppáhalds dótið þitt og fjölskylduna eftir heima!! (Þetta gildir reyndar alltaf, en þessa stóru og "þungu" munar minna um þetta)

T.d. löng helgarferð þar sem þú þarft að vera sjálfbjarga: 200 lítrar af bensíni ( >200kg), drullutjakkur, teigjuspotti, kolsýrukútur (100kg), varahlutir og verkfæri (50-100kg), nesti, fatnaður og viðleguútbúnaður (50-100kg), farþegi með öllu (100-150kg pr. stk.), jafnvel eitthvað fleira. Settu þetta allt í létta bílinn og keyrðu upp á vigtina… léttur???

Sértu á ferð með góðum félögum á "stórum" bílum á "stórum" dekkjum, er hægt að komast af með minna t.d.:

Jói og Palli eru alltaf með drullutjakk og spotta, og báðir með loftdælur og kút, sleppi þessu. Trogið hjá Jóa er hvort eð er akandi verkfærataska, sleppi verkfærunum, það er svo mikið pláss í DC hjá Palla, fæ að setja allt nema nestisboxið þar… og svo framvegis.
Ef maður leysir málið svona er ekkert mál að leika sér á léttum bíl, stinga þessa stóru af og gera grín að þessu bruðli með stór dekk!!

En þetta með þyngdina á "nauðsynlegu" dóti og þeim sem taka á með held ég að sé aðal ástæðan fyrir því að menn gefast upp á léttum bílum á "litlum" dekkjum til ferðalaga.
Þeir eru aftur á móti stórskemmtilegir sem leiktæki í sköflunum í kring (af það kemur einhvertíman sjór).

Kv.
Siggi_F

P.S.
Léttir bílar eða lítil dekk er reyndar svo afstætt, 38" undir Nýjan Patrol eða LC80 verða nú eiginlega að teljast "lítil" dekk undir Humm, Hrumm "léttum" bíl…

49"an undir TOYOTUNNI hjá Emil eru ekki LÍTIL" dekk…

Kemur góður þá getið er, rétt Emil lesum póstana og verum málefnalegir…

(og hættum þessu bulli, og höldum áfram að vinna!!)

Er svo mikill verðmunur á loftlæsingu nr. 2 (+ nokkrir metra af slöngum) og nospin þegar búið er að fjárfesta í loftdælunni, stýringu og festingum fyrir loftlæsingu nr. 1??

Kv.
Siggi_F

P.S
Hversu miklu munar í kostnaði á Wrangler ´91 + kostnaður við gormafjöðrun og Wrangler ´98 sem er þegar með gormafjöðrun??

Takk Emil, fyrir að lesa allan póstinn, og ykkur öllum fyrir ráðin.

Það hljómar ekki illa með ARB á báðum, þetta er jú munur upp á einhvern 60.000 kall, en borgar sig sennilega ef bíllinn er viðráðanlegri fyrir vikið og er ekki að vera leiðinlegur í beygjum. Sömuleiðis hljómar 35" möguleikinn ekki illa.

Það sem mér líst einna best á er að fá einhvern til þess að gera þetta fyrir mig allt í einu, svona alhliða heildarlausn, ef svo má að orði komast. Einhver fróður maður nefndi "Ljónsstaðabræður" sem toppmenn í svona pælingum, eigið þið fleiri góð ráð með framkvæmdaraðila?

Mynd af bílnum eins og hann lítur út í dag er að finna hér:
donpedro.typepad.com/pedro/2003/10/komdu_vetur_kon.html

Takk fyrir ráðleggingarnar, og skjótiði endilega á mig fróðleik sem þið lumið á.

Pétur

EF ég væri þú þá myndi ég leggjast undir bílinn og sjá hvort þú sért ekki með diskalæsingu sem þarfnast limited slip til að virka að aftan.

Þeir sem skiptu um olíu sjá ekki endilega málm flipan sem þetta stendur á þegar bílarnir eru farnir að eldast.

Ég er með limited slip að aftan og fannst ég græða helling við að setja arb læsingu að framan.

Þú ættir að skoða svona Go4It breytingu ef þú vilt gorma. Ég setti svoleiðis af aftan hjá mér og líkar mjög vel.

Kveðja Fastur

Ég á svona bíl sjálfur á 33" og get sagt þér það að hann kemst alveg slatta í snjó á þessum dekkjum.
Ef ég væri í þínum sporum, þá myndi ég gera eftirfarandi:

Skella honum á gorma og lyfta honum ögn í leiðinni til að geta sett undir hann 35" dekk. Því á 35" þá ætti hann að vera velþolanlegur innanbæjar ásamt því að komast helling á fjöllum.
Ef það er LSD að aftan, þá er það allt gott og blessað og gott væri að skella ARB í framdrifið. En ef þú ert ekki með tregðulæsingu að aftan, þá myndi ég persónulega setja ARB þar líka, þar sem þetta verður að miklu leiti innanbæjarbíll og mér skilst, án þess þó að alhæfa neitt, að Detroit locker sé helst til gróf læsing í bíl sem er mest á götunni.
Það var reyndar uppi einhver umræða um styrkleika ARB læsinga í d35 hásinguna sem vert væri að líta á í þessu samhengi. En ef það er vandamál, þá er jú Detroit alltaf sterk og góð.
Diskabremsur að aftan og slíkt ætti ekki að skemma fyrir, þótt það sé kannski ekki foransatriði í breytingunni.

En ef þú vilt halda þig við 33" dekkin, þá ætti það að vera alveg prýðilegt að mestu leyti. Held samt að 35" væri skemmtilegra, því það er án efa mjög svekkjandi að vera búinn að henda bílnum á gorma, skipta um hlutföll og læti þegar maður kemst að því að það vanti bara ögn meira flot á snjónum. Og þar sem gormaaðgerð er engin ódýr aðgerð, þá er vert að hugsa sig vel um áður en anað er út í hlutina.

Gangi þér vel með þessar breytingar og vonandi verðurðu ánægður með útkomuna.

Kveðja Andri.

Fastur, þú talar um eitthvað sem heitir limited slip á drif með orginal diskalæsingu. Ég er með Cherokee sem er með svona dóti og það eru alltaf einhverjir smellir í þessu. Hvað er þetta limited slip???

Kveðja Hjalti

Eitthvað voru menn að spekulera í felgubreiddum hér ofar.
Það er ekki spurning farðu í 12 tommur og 35 tommu dekk fyrir veturinn. Það svínvirkar ég get vottað það, ég á sjálfur 4-Runner á 33", var fyrst með 10" felgur undir honum og fanst það virka bara fínt,(svo langt sem 33" ná) svo áskotnuðust mér 12" felgur og ég ákvað að prufa að nota þær, og viti menn það virkaði mun betur úrhleypt. (ég notaði sömu dekk, færði þau bara á milli)
Taka 12" ekki spurning