This topic contains 4 replies, has 1 voice, and was last updated by 
-
Topic
-
Sælir félagar.
Var að skoða nokkur kort, og á sumum þeirra var vegur gegnum Vonarskarð suður með köldukvíslarjökli og alla leið í Jökulheima, en á öðrum kortum ekki.
Hvernig er þessi vegur yfirferðar ef hann á annað borð er þarna?Einnig var ég að velta fyrir mér með leiðir norðan Hofsjökuls milli Sprengisands og Kjalvegar, er það fært í byrjun ágúst?
Með von um góð svör
Austmann.
-
Replies
-
Jæja er engin hér sem veit eitthvað um þessi mál??????
Austmann
Var sjálfur að spá í að fara þessa leið norðan Hofsjökuls í sumar, bara ekki búinn að ákveða tíma á það, en það gæti orðið í byrjun Ágúst þess vegna. Er líka að leita mér að kortum eða leiðum sem hægt væri að fara með góðu móti.
Þessar leiðir eru aðeins færar mikið breyttum jeppum, þá nokkrum saman og leiðin norðan Hofsjökul er þá sýni verri og oft órær öllum farartækjum ef ár eru í ham, það hefði verið hægt að fara þær núna um helgina því ekkert var í ám á þessu svæði en seinna í sumar verður meira vatn í þeim.
Á leiðinni norður fyrir Hofsjökul (Eyfirðingaveg) þarf að fara yfir Vestari Jökulsá, Blöndu, Ströngukvísl, og fleiri á og þær geta allar verið erfiðar að eiga við.
Í Vonarskarði er farið um flæður og sandbleytur og Þar þarf að aka yfir Köldukvísl á vaði og upptakakvíslar Skjálfandafljóts.PS nenni ekki að skrifa meir um þetta að sinni en þið getir frekar hringt í síma 6997477, ég mæli þó með að þið verðið í sambandi við félaga í Skagafjarðardeildinni þeir þekkja Eyfirðingaver einsog handabakið á sér
Jón Snæland.
Anonymous- Umræður: 0
- Svör: 16404
Bárðargata með vestanverðum Vatnajökli og Eyfirðingavegur norðan Hofsjökuls yfir á Kjalveg teljast að mínu mati til haust-leiða. Á leiðinni úr Vonarskarði í Jökulheima þarf að fara yfir Köldukvísl og Sveðju og ekki er sjálfgefið að þær séu færar jeppum á miðju sumri, einnig eru sandbleytur og áin Sylgja sem geta hamlað för á þeirri leið. Sama á við um Eyfirðingaveg þar eru nokkrar stórar ár sem eru varasamar eins og Jón bendir á. Með lækkandi lofthita á haustin sjatnar venjulega í jökulám og líklegra er að komast yfir þær vandræðalaust.
ÓE
You must be logged in to reply to this topic.