This topic contains 11 replies, has 1 voice, and was last updated by 
-
Topic
-
Ég er með stálfelgur og ætla að setja á þær 38 tommu Micky Thompson dekk. Þau eru aðeins víðari en t.d. Ground Hawginn sem ég var með og mér skilst að það sé hætta á að felgan geti snúist inni í þeim undir miklu álagi. Ég heyrði að menn hefðu látið valsa felgur aðeins til svo að þær lægju betur að svona dekkjum. Veit einhver hvar það er gert?
-
Replies
-
Sæll
hef heyrt að Maggi felgubreikkari geri þetta, http://www.felgur.is. eða í það minnsta veit hann örugglega hver hefur verið að þessu.
Sæll,
Gummi hefur verið í þessu;
G J járnsmíði
Suðurhrauni 4
210 Garðabæ564 2195
Kv, Kristján
Ég er með þessi dekk og lét Gummaj valsa fyrir mig.
dugði því miður ekki. Þrátt fyrir að það hafi kostað allan peningin. Þetta vesen með dekkin byrjar ekki fyrr en undir 3 psi, þannig að ef þú ætlar ekki bara að vera í förum eftir aðra, þá hugsa ég að beadlock sé það eina sem vit er í.
Eru allar gerðirnar af thompson svona víð á felgum?
Kv Villi
Sælir verið þið
Það er rétt að ég hef verið að valsa upp svona felgukanta og mér finnst mjög leiðinlegt ef þetta hefur ekki gengið hjá þér Unnþór.
Mig langar til að spyrja þig hvort þú hafir sett ný dekk á þessar felgur eða hvor þau voru búinn að fara á ekki valsaðar felgur áður.
Ef þetta voru ný dekk þá vil ég endilega fá að komast í felgurnar og mæla þær því þá hlýtur eitthvað að hafa klikkað í þessu hjá mér og ég skal reyna að bæta þér það.
Það eru margir tugir svona dekkjaganga á völsuðum felgum sem notaðir eru < 3 psi án vandamála. Ég veit líka um marga óslitna ganga af þessum dekkjum sem er búið að spóla inní á óvölsuðum felgum, þau dekk er ekki hægt að nota á litlu lofti nema með bedlock beggja megin.
Sælir,
Ég keypti notuð MT dekk af gæja sem var með þau á óvölsuðum felgum.2 ný og 2 sirka hálfslitin dekk. Ég setti þessi dekk á valsaðar felgur en þessi hálfslitnu voru það illa farinn af fyrri eiganda (búið að spóla duglega á þeim) að það dugði ekki að vera með valsað, þau bæði spóluðu og láku en hin nýju hvorki spóluðu né láku…
Því skiptir höfuðmáli hvort að dekkin séu í heilu lagi þegar þau eru prufuð á völsuðum felgum.
Ég er með Irok 39.5 á sömu völsuðu felgunum og þau hvorki leka né spóla á 1.4 psi :).
kv
Gunnar , hæstánægður með völsunina
ertu s.s. að segja að eina leiðin til að nota dekkin sé að kaupa af þér völsun áður en maður notar dekkin, og jafnvel þótt maður sé með hefðbundið bedlock sé enginn sjens að notast við dekkin ef maður er búin að spóla á felgunum??? s.s. eini sjensinn er að henda dekkjunum fá sér ný og valsa felgurnar, og þá er maður ógurlega hamingjusamur…???
.
já en afhverju ekki bara suðukanntur eða bara bedlock?.
hvað kostar svona völsun vs suðukanntur.
þarf maður ekki að sprauta felgurnar aftur eftir að búið er að valsa?
ég held að bedlock sé besti kosturinn þrátt fyrir það að búið sé að spóla í dekkjunum eða ekki. en við völsun ertu að þenja felguna út þess vegna ætti dekkið ekki að spóla en með suðustreng ertu í raun bara að minnka hættuna á affelgun.
og já það þarf að sprauta aftur eftir völsun.ég vona að þetta svari spurningunni þinni bazzi
kv. Atli
vesen er á ykkur strákar, látið bara valsa aðra hliðina og bedlock á hina. Mín reinsla af völsun frá félaga okkar Guðmundi er góð!
Sælir.
Ég hef heyrt að kantsuða sé ekki málið, en vals sé algjörlega málið út af því að þá eiga felgurnar að stækka aðeins. Afsakið fávisku mína að þessu sinni en ég fékk mjög góða ræðu um þetta um daginn en man hana ekki allveg
Takk fyrir
en annars er ég bara reynslulaus nýliði, hvað veit ég!
Völsun á felguköntum
Þessi aðferð við að koma í veg fyrir að dekk affelgist eða snúist á felgum hefur reynst mjög vel. Kostir valsins umfram hefðbundna suðu er fyrst og fremst að valsinn stækkar ummál kantsins og sætisins en með ásuðu þá hækkar kanturinn en sætið gerir það ekki og jafnvel minkar sætið vegna þess að suðan dregur sig saman.Valsin breytir halla sætisins og hægt er að ráða hæð kantsins að vild en við höfum fundið út ýmis mál sem eiga við ákveðin dekk.. Við reynum að ráðleggja mönnum varðandi dekk sem ekki er búið að valsa felgur fyrir áður og hefur það gengið áfallalaust.
Kveðja Davíð
upplýsingar fengnar af http://www.gjjarn.com undir felgur fyrir jeppamenn
You must be logged in to reply to this topic.