This topic contains 7 replies, has 1 voice, and was last updated by 
-
Topic
-
Sælir vitringar.
Ég er algjör nýliði í GPS tækninni en er fullur vilja til að læra, en er ekki viss hvaða tæki hentar mér. Ég er að leita að ódýru handtæki til að taka með í rjúpnaveiði og einstaka fjallaferðir að sumri.
Ég hef verið að velta fyrir mér kaupum á Garmin GPS handtækjum. Eins og staðan er í dag líst mér vel á Garmin eTrex. En það er til í tveimur útgáfum; eTrex Legend og eTrex Vista og eftir því sem ég kemst næst (eftir skoðun á heimasíðu Garmin á Íslandi) er eini munurinn sá að Vista tækið er með rafeinda-kompás og hæðamælir (Baro-mælir) en Legend tækið ekki. Þess vegna velti ég því fyrir mér hversu mikilvægir eru þessir eiginleikar og eru þeir þessi virði að borga 5.000-12.000 kr aukalega fyrir þá?Kv.
Ásgeir
-
Replies
-
Í göngur og rjúpnaveiði kemur rafeindakompásinn sér vel þar sem þú þarft ekki að vera á ferð til að sjá hvert þú stefnir.
Ef að rafeindakompásinn er það sem eltast ætti við m.v. 12þús kr mun, myndi ég frekar mæla með Legend og fá mér alvöru áttavita sem þarf ekki rafhlöður fyrir 4þús kr. 😉
.
kkv, Úlfr
E-1851
ég er með tæki með rafeindakompás ég nota helst aldrei því að það þarf alltaf að vera að endurstilla hann td ef skift er um rafhlöður eða kveikt á honum lang frá seinasta stað sem hann var notaður svo eiðir hann líka af rafhlöðunni þanni að það er betra að vera með einn lausan sem aldrei klikkar bæ GPP
Þakka svörin.
Nú ætla ég að koma upp um heimsku mína í GPS málum. Ég hélt að það væri sjálfsagður hlutur að það væri áttaviti og hæðarmælir í öllum svona tækjum. Eru þetta fídusar sem eru 5.000-12.000kr virði að hafa?Og svo til að hafa allt í sömu setningunni; hverjir halda námskeið í notkun á svona tækjum? Svona svo maður kunni eitthvað á þetta þegar maður villist.
Kv.
Ásgeir
Í sjálfu sér er ekki áttaviti í venjulegu GPS tæki, en þegar þú ert á ferðinni sýnir tækið þér stefnu þína. Það semsagt reiknar út stefnuna út frá breytingu á staðsetningu. Rafeindaáttavitinn hins vegar sýnir þér áttirnar án þess að þú þurfir að vera á ferðinni, en eins og bent er á hér að ofan er venjulegur áttaviti á margan hátt heppilegastur og öruggarsta tækið til þess og skyldufarangur í hverri gönguferð.
Sigurður nokkur Jónsson hefur verið með mjög góð opin námskeið í rötun og meðferð GPS tækja. Þau hafa m.a. verið auglýst á heimasíðu Útivistar og ég held að það standi til hjá honum að vera með slíkt námskeið í vetur.
Kv – Skúli
Takk fyrir það Skúli, ég mun hafa augun opin fyrir auglýsingu um þetta námskeið.
Ég fór í dag í Garmin umboðið í Ögurhvarfi, og þar var mér sagt þetta sama og Skúli segir um áttavitann, en hvað varðar hæðarmælinn þá skildist mér að það væri hæðarmælir í báðum tækjum en bara mun nákvæmari í Vista.
Niðurstaðan er sem sagt sú að Legend tækið dugar þeim sem vilja bara vita hvar þeir eru og hvernig þeir komast heim, en Vista er fyrir þá sem eru kannski aðeins meiri nördar og vilja hafa allar upplýsingar á hreinu.
Með þökk fyrir góð svör.
Kv.
Ásgeir
Eins og Skúli tekur fram, þá kemur ekkert í staðinn fyrir venjulegan kompás. Hann á að vera skyldubúnaður í öllum ferðum, hvort sem menn eru akandi eða gangandi. Rafeindatæki, hversu góð sem þau eru, verða alla tíð háð bæði sínu eigin rafmagni og svo hinu, að búnaðurinn, sem þau byggja á, bili ekki. Fáðu þér góðan vasakompás, t.d. Silva, sem skátar nota mikið. Lærðu grundvallaratriði í því að taka stefnur og miða staðsetningu þína og setja út í kort meðan þú sérð hvar þú ert. Alveg gríðarlega góð öryggisráðstöfun, jafnvel þótt GPS-tækið sé í góðu lagi.
You must be logged in to reply to this topic.