This topic contains 12 replies, has 1 voice, and was last updated by 
-
Topic
-
að Benni á Akureyri er búinn að kaupa sér 44″ PATROL.
Var að tala við kappann sem er að renna í bæinn úr vinnuferð í Réttartorfu og er hann brosandi HRINGINN.Lúther
-
Replies
-
Tóm hamingja
Siggi
en sú synd að efnilegur toyotamaður hafi farið í datsún jahh þá hlýtur datsúninn vera að verða eitthvað betri:D
Bestu kv Davíð Karl
… er að það sé verið að fara í vinnuferð í Réttartorfu! Svona tenging rýrir verulega sannleiksgildi svona sagna 😉
Spurning hvort útboraða klósettið komist "á koppinn" ?
Þið haldið að þetta sé bara einhver brandari!
Þið hafið ekki grænan grun um hvað veslings Benni minn gengur í gegnum þessa dagana. Hann hrekkur upp mörgum sinnum á nóttu af sömu martröðinni. Hún er þannig að hann er að berjast við að komast upp Bakkaselsbrekkuna á Patrol á leiðinni í mat til tengdó og er orðinn heldur seinn. Patról er farinn að spúa svörtum og bláum reyk, hver bíllinn á fætur öðrum er farinn að flauta og bruna frammúr. Fyrst fer Reunault Megane, svo kem ég á mínum fyrrum Svaðilfara og í kjölfarið Stebbi Höskulds á Subbanum og öll skiljum við Benna greyið eftir í neðsta hlutanum á Bakkaselsbrekkunni. Martröðin endar svo þegar Pattinn er alveg við það að renna yfir ristarhliðið efst í brekkunni en þá springur vélin með miklum látum og Benni ræfillinn vaknar upp sveittur og móður.Ef þið haldið að það sé eitthvað grín að búa með Toyotamanni sem getur ekki litið út um gluggann á óhræsis Patrolinn án þess að fá hroll, þá er ekki allt í lagi hjá ykkur! Ég krefst þess að fá að sofa heila nótt án þess að þurfa að vakna upp og hugga veslings Benna minn eins og ungabarn. Sem betur fer þá hef ég fundið lausn sem virkar þangað til næsta martröð gerir vart við sig. Hún er sú að leiða hann út á bílastæði og lofa honum að strjúka 80 LC-inn um stund. Þá sofnar hann vært þar til…
Hin úttaugaða Toyotukona,
Alma
"jahh þá hlýtur datsúninn vera að verða eitthvað betri:D"
Svar:NEI!
ég bara verð að spyrja hvað í ósköpunum ertu að gera á þessu ?????? þú getur sett hann á sölu í bænum lagt honum hliðina a´ 30 öðrum nákvæmlega eins og vonað að hann seljist
Kv Davíð Karl ánægður með runnerinn
Alma, þvílíkur misskilningur hjá þér. Benni sefur illa á nóttuni vegna þess að hann er að átta sig á hverju hann hefur misst af. Loksins komin á almennilagt merki; NISSAN!! Benni er hamingjusamur þessa dagana og hann sést skjótast um allan bæ á Pattanum. Snöggur í ferðum og er jafnvel búinn að vinna klukkan 6.
Kveðja:
Erlingur Harðar
Það er algjört neyðarástand á norðurlandi, ég heyrði í Benna í dag og hann er svo niðurbrotin maðurinn að hann var óþekkjanlegur í símanum. Ég vil senda ykkur hjónum samúðarkveðjur á þessum síðustu og verstu tímum. Og um Patrol-martraðirnar þetta er eitthvað það skelfilegasta sem um getur !
Draumakveðjur úr Kópó
Lella
Erlingur!
Ef þú hætti ekki þessu bulli færð þú bara kókómjólk í kvöld (föstudagskv.).
Enn jú þetta er allt satt, ég eignaðist 2001 Patrol Eligans 44" núna síðasta Laugardag og er hann ágætur af Patrol að vera. Ekinn ca 10þ á vél númer ? og er með 100þ km áb. á vél eða 2 ár. Þennan jeppa tók ég upp í LandCruiser 120 sem er sem sagt núna seldur og er hugmyndin sú að vinna í þessum Patta í sumar og gera hann að jeppa. Ekki að hann sé í einhverju ólagi heldur að reyna að gera hann sem líkastan LC80 í fjöðrun og fl. Þá kannski verður hann þolanlegur, að afli undanskyldu…. eins vantar allt í þessa dollu eins og spilbita, kastara, etc…svo verður hann seldur hæðstbjóðanda í haust. Toyota LC80 er minn ferðabíll og verður það áfram þangað til eitthvað betra kemur, hvort sem það verður Nissan Toyota eða ?
Seldur hæstbjóðanda já…..þá sjáum við kannski Patrol með LC 80 verðmiða sem er einhverstaðar á bilinu 5-7 millur…..nei ég segi bara soonnnaaa.
Ef þessi Patrol verður kominn með eitthvað af Toytou hæfileikunum þá verður hann kannski þess virði, hver veit (dreym, dreym…).
Já svona er þetta. Málið er að hún Alma, konan hans Benna, vildi nú vera góð við hann á 40 ára afmælinu hans og gaf honum þennan líka eðal Patrol í afmælisgjöf. Við félagarnir mættum í afmælið sem var hin besta skemmtun og mikil veisla og urðum vitni að atburðinum. Alma samdi meira að segja lag til heiðurs þessum tímamótum en það er einhvernvegin svona:
Hann á Patrol í dag,
hann á Patrol ídag.
Hann á Patrol hann Benni,
hann á Patrol í dag.Texti þessi, svo undarlega sem það kann að virðast, er sunginn með laginu "Hann á afmæli í dag".
Kveðja:
Erlingur Harðar
You must be logged in to reply to this topic.