This topic contains 17 replies, has 1 voice, and was last updated by 
-
Topic
-
Hvað finnst mönnum um þetta – Er þetta eitthvað sem menn geta sæst á í virkjanamálaum ?
Mér líst nokkuð vel á þetta – nema að ég er ekki hlyntur neinum virkjunum í Skaftá.
-
Replies
-
Ekki hugnast mér Skatfárveita (Langisjór), virkjun í Skaftánni eða hvað með hólmsá á syðra fjallabaki?
Var ekki búið að hafna Norðlingaölduveitu?.
Hellisheiði verður samfelld rörasúpa ef virkjað verður þetta 420MW.
Brennisteinsfjöll- síðasta ósnorta háhitasvæðið á Reykjanesskaganum.
Við virkjun við Búðarháls hverfur Dynkur ofl.
Fljótshnjúkur? er þetta í Vatnajökulsþjóðgarðinum? eða virkjun í Skjálfandafjlóti?
Ég nenni nú ekki að fara að skanna þetta í strimla. En ef áhrifa svæði þessar vikjana væru merkt á kortið með einhverjum lit. Þá sæju menn hversu stutt væri á milli áhrifasvæðanna og svo táknar þetta að það þyrfti að byggja upp marga vegi á miðhálendinu.
Ég held að Benni verði að rýna betur í kortið áður en hann lýsir yfir ánægju sinni.
Það væri einnig fróðlegt að vita hvaðan hugmyndirnar eru komnar.
Það sem mér finnst jákvætt í þessu er að þetta er dæmi um það sem þarf að gera, þ.e. taka ákvarðanir um hvað verður verndað og hvað ekki. Það verður sennilega seint sátt um alla virkjanakosti en það verður einfaldlega að taka ákvarðanir. Umræðan snýst alltaf um það sem Landsvirkjun lætur sér detta í hug að gera næst og svo ef einhverjum af þeirra hugmyndum er hafnað virðist þurfa að láta þá fá eitthvað annað í sárabætur (sbr. Kárahnjúkar sem voru samþykktir af því Eyjabökkum var hafnað). Þannig hefur Landsvirkjun algjörlega stýrt umræðunni fram að þessu.
Svo er ég ánægður með rauðu punktana en myndi þó vilja sjá þá allnokkuð fleiri. Tek undir þeim sem að framan skrifa um Skaftárveitu og Hólmsárvirkjun. Langasjó má bara ekki eyðileggja og allavega efri virkjunin í Hólmsá með stíflu neðst í Hólmsárbotnum myndi eyðileggja ótrúlega flotta perlu sem alltof fáir hafa séð (Rauðibotn og fallegir fossar í Hólmsá neðan við lónið).
Norðlingaalda hélt ég að væri úti, menn væru hættir að láta sig dreyma um það. Ætti að vera hægt að setja rauðan punkt þar og tryggja Þjórsárverin þar með endanlega. Enda vart nema formsatriði að taka þá ákvörðun.
Upphrópunarmerkið ofan við Vonarskarð er væntanlega Skjálfandafljót, eða hvað? Einhverjar framkvæmdir við það þarna lengst inni í landi er gríðarleg eyðilegging á svæði sem er ósnortið í dag. Það fellur hins vegar ekki inn í þjóðgarðinn, mörkin voru snyrtilega sniðin að því að loka ekki á möguleika á eyðileggingu þar. Þess vegna hef ég sagt að það versta við Vatnajökulsþjóðgarð er að hann er ekki nógu stór.
Jökulsárnar í Skagafirði, þýðir virkjun í þeim ekki lón upp undir Hofsjökul? Það er ýmislegt undir þar á svæði sem í dag er ósnortið og sannkölluð öræfi.
Með aðeins fleiri rauðum punktum gæti þetta orðið málamiðlun sem ég gæti sætt mig við. Auðvitað má setja spurningamerki við margt fleira þarna, árnesingar sjá t.d. ekki glóru í því að eyðileggja falleg svæði við Þjórsá í byggð, Þeystareyki þekki ég ekki en skilst að sé nokkuð fallegt svæði og svo auðvitað blessað Reykjanesið. Þetta er náttúrulega einskonar prútt og í svona áætlun er ekki hægt að hafna öllu.
Kv – Skúli
Þessir flokksbræður Benna og Ofsa eru algerlega úr takt víð raunveruleikann. Í þessu korti felst í reynd að það verði vaðið áfram í trássi við almenningsálitið og það sem hefur verið að gerast undanfarin missiri.
Fyrir utan þau svæði sem búið er að nefna hér að ofan, þarf að bjarga Ölkelduhálsinum (Bitruvirkjun, grænt á korti) og Brennisteinsfjöllum, sem er nánast eini bletturinn á suðvestur horninu sem hefur ekki verið raskað nú þegar með mannvirkjum.
Annars hafa fréttir síðustu daga varpað ljósi á árangurinn af stóriðjustefnu undanfarinna áratuga, nú er búið að byggja álver á Reyðarfirði, en það það er ekki til neitt rafmagn handa því. Það er c.a. hálft ár í að hægt verið að setja vatn á Kárahnjúkagöngin (eftir að Vinnueftirlitið leyfir þeim að halda áfram). Framleiðslutap álversins vegna þessara tafa er álíka og allt egið fé Landsvirkjunar, sem eigendur Landsvirkjunar (við) erum ábyrg fyrir.
-Einar
Ég er reyndar sammála ykkur með Norðlingaöldu – ég hélt að það hefði verið komið úr umræðu og ég tók bara ekki eftir henni þarna.
Hins vegar eru margir af þessum kostum þegar komnir vel af stað. Sbr. Þeystareyki, Kröflu, Hellisheiði o.s.frv. Og það er það sem ég er hlyntur – að klára það sem byrjað er á en láta annað vera líkt og Skaftá o.fl.
Þannig er ég mjög ánægður með þetta á þeim forsendum að þarna eru menn að setja rauðan punkt á staði sem aldrei verður hróflað við – en líkt og Skúli þá myndi ég vilja hafa rauðu punktana aðeins fleiri.
Benni
Sælir félagar
Við búum á eldfjalli eins og Eik mun sína fram á með fjölgeyslamælingum sínum.
Við eigum að nýta þær auðlindir sem okkur hefur verið úthlutað.
Það mætti fækka þessum rauðu punktum og setja nokkra blá í staðinn.
ykkar vinur gundur Ford V-8 351 W
Við búum á eldfjalli eins og Gundur bendir á. Við eigum að nýta þær auðlindir sem okkur hefur verið úthlutað og njóta þeirra, en þær liggja í ótrúlega fallegu og fjölbreytilegu landslagi og þeirri frábæru upplifun að ferðast um land sem er í mótun með kraumandi jarðhita, hrauni, litríkum vikri og svo gróðurvinjar inn á milli á ótrúlegustu stöðum. Einstakt um alla veröld. Auk þess höfum við ennþá þokkalega stór svæði laus við mannvirki og rask af völdum manna, maður getur ennþá fundið hérna fjallstinda þar sem hægt er að horfa í allar áttir án þess að sjá mannlegt rask (allavega ef skyggnið er ekki þeim mun betra).
.
Varðveitum þessa auðlind með því að fjölga rauðum punktum og helst breyta öllum upphrópunarmerkjum á hálendinu í rauða punkta. Í þessu liggja raunverulegar gullnámur íslendinga.
Anonymous- Umræður: 0
- Svör: 16404
Skil nú vel að Gundur sé fylgjandi þessum virkjunum ! þar sem hann hefur séð svo lítið af okkar nátturuperlum,vegna þess að hann er svo upptekinn af því að keyra í förum eftir næsta mann á undan að hann má ekki vera að því að líta í kringum sig…
Kveðja
Fljótshnjúkur er austan Skjálfandafljóts, rétt innan við þann stað þar sem Kiðagilsá rennur út í Skjálfandafljót.
Í sambandi við Rammaáætlun um nýtingu vatnsafls var unnið tilraunamat á 10 virkunarkostum. Þar var kostnaður áætlaður á bilinu 15-25 Mkr/GWh/ár fyrir alla staðina, nema við Fljótshnjúk. Þar er kostnaður áætlaður 38 Mkr/GWh/ár.
Þetta er því einn alóhagkvæmasti virkjanakostur landsins og mjög undarlegt að hann skuli ekki vera afskrifaður í þessari tillögu.
Sjá http://www.landvernd.is/natturuafl/vinn … amat_3.pdf
Það má taka út allt varðandi Skaftá og Hólmsá ásamt Skagafirði og Skjálfanda,einnig mætti staldra við virkjanir í neðri hluta Þjórsá.
Hvers vegna má ekki efla þær virkjanir sem eru komnar og auka afkastagetu,ásamt því að efla gufuaflið meira og betur.
‘eg var og er með Kárahnjúkavirkjun einfaldlega vegna þess að ég vil að landsbyggðin lifi áfram og eflist,og nýta þurfi landið en það má gera með gát og um leið er ég hundleiður á að þjóðlífið sé látið snúast að vilja 101 rvk og þær rauðvínslegnumokkakaffishugmyndir sem miskilin eitthverskonar skáld láta flæða yfir okkur vegna þess að þetta lið hefur auðgengnari aðgang en aðrir að frétta og ljósvakamiðlum landsins.
Klakinn.
Það er undarlegut málflutningur skoðanir settar fram af fólki sem ekki er sammála manni sé minna virði. Ég er af landsbyggðinni en upprunninn í Reykjavík og hef alltaf talið að álver og stórvirkjanir séu ekki framfaraspor. Það er undarlegt að á Íslandi er umræða um náttúruvernd eða skoðanir á að ekki eigi að standa í stórframkvæmdum fyrir stóriðju talin árás á landsbyggðina. Ég hefði nú haldið að það væri mestur hagur landsbyggðarinnar að vernda náttúruna. Tillögur framsóknar eru varla umræðuverðar að mínu mati.
Kveðjur bey
Eru margar og misjafnar,ein sett fram af Flistamanni að það mætti efla atvinnu á landsbyggðini með því að byggja heilsugæslustöðvar á þeim stöðum sem verst væru settir atvinnulega séð????.
Ég held að það sé hvaðan af landinu fólk er,það hlýtur að gera sér grein fyrir því að það þarf að nýta landið og efla atvinnu á landsbyggðinni,ég tel það ekki vera bjarta framtíð ef stóreignamenn kaupa upp jarðir og leggi þær undir beitarlönd fyrir hesta sína,nú þegar er verð td á laxveiði slíkt að ekki er nema efnuðum að nýta.
Ég tel líka það vera af hinum slæma þegar ekið er í gegnum þorp úti á landi og annað hvert hús er tómt.
Þess vegna og af fl ástæðum tel ég rétt að nýta gæði landsins og gera það vel og landi og þjóð til sóma,er mér þá nokkuð sama þótt atvinnumótmælendur komi hingað til að mótmæla á þeirri forsendu að það sé okkur fyrir bestu,eins er ég fylgjandi hvalveiðum og selveiðum og sé engan mun á að drepa hval með skutli eða rollu með loftbyssu,fótumtroðið land og kamrar á um 500m millibili fyrir túrista tel ég ekki vera bjarta framtíð,þó svo að ég telji að efla eigi þá þjónustugrein og vanda þar til verks.við eigum að nýta landið okkar og gera það á okkar forsendum ekki annara.
Kv Klakinn
Skil nú ekki alveg þessa umræðu.
Veit ekki betur en mikill meirihluti af þessum virkjunum sé nú aðalega að fæða stóriðjurnar í kringum höfuðborgina. Landsbyggðin græðir nú ekki mikið á því.
kv
R.
http://gesturgudjonsson.blog.is/blog/gesturgudjonsson/
Svo má auðvitað fara inn á síðuna hjá framsóknarmanninum, þar eru betri upplýsingar um þessi mál
Okurvexti áfram—Ekkert stopp…..XB
Var ekki formaðurinn ( Geir Gufa ) þinn á sömu skoðun í kvöld.
Hlynur veit ekki rassgat af hverju hann kýs x-d, en gerir það bara að því að hann heldur að það sé Inni.X-D = seljum útsæðið við sjáum svo til hvernig við reddum okkur síðar.
Fyndnast af öllu er að einn minnsti flokkur landsins skuli stjórna einu stærsta fyrirtæki landsins….
-haffi
Líklega skilar maður auðu í komandi kosningum. Ekki hægt að kjósa neitt af þessu bulli sem er í framboð.
Verðbólga áfram—-Ekkert stopp—-XB
You must be logged in to reply to this topic.