This topic contains 7 replies, has 1 voice, and was last updated by 
-
Topic
-
Þá fer að líða að almennri vinnuferð skálanenefndar um næstu helgi svo sem auglýst hafði verið á síðunni. Okkur vantar vinnufúsar hendur til ýmissa verka svo sem að taka Setuna í gegn, mála þakið á henni ef veður leyfir, þrífa og taka gluggann í gegn, bera á palla, bera á glugga hússins, klæða sökkulinn á húsinu, pússa og meðhöndla glugga á svefnlofti og eitt og annað fleira. Kamínan, sem tekin var niður um síðustu helgi og sett í viðgerð vegna leka þarf að fara upp aftur og mögulega fer nýja rafstöðin uppeftir líka um helgina en það ræðst á næstu dögum hvort svo verður. Eins og venjulega verður sameiginlegur matur á laugardagskvöldið fyrir þátttakendur ferðarinnar en drykkjarföng taka menn með sér sjálfir. Svo er aldrei að vita nema slegið verði í brennu á laugardagskvöldið fyrir yngri kynslóðina. Vinsamlegast skráið ykkur hérna á þessum spjallþræði fyrir fimmtudaginn þar sem við þurfum að gera rástafanir með matarinnkaup fyrir ferðina.
Kv. Logi Már. Skálanefnd.
-
Replies
-
Skálanefndarmenn!! Til þess að manna vinnuferðina í Setur verðið þið að nota sömu aðferð og var notuð til að manna skuttogarana hér í gamla daga. Menn voru teknir dauðadrukknir eða fylltir rækilega og skutlað um borð og svo vöknuðu þeir ekki fyrr en úti á ballarhafi. Samkvæmt þessum vinnulista eru skálanefndarmenn vinnualkar. Það góða við að vera vinnualki er að menn verða bara þreittir en ekki þunnir. Þannig að ég legg til að menn blandi þessum tveimur gerðum saman og verði hæfilega þreittir og þunnir. Tökum létta vinnuhelgi og skemmtum okkur í góðum félagsskap. Heyrst hefur að búið sé að koma fyrir litlum olíubrúsa innan eins km. fjarlægð frá Setrinu. Hans mega áhugasamir leita. Verðlaun er innihald hans sem er sambland af hráolíu og rigningarvatni.
Kv. SBS.
Kvöldið, Ég ætla að skrá mig og tvo krakka mína ef ég skyldi fá far einhversstaðar.
Kv. Magnús G.
Við Magnús ætlum að verða samferða upp í Setur eftir hádegi á föstudag um kl 2-4. Hann tekur með sér krakkana sína og er þá pláss fyrir einn til viðbótar í bílnum hjá mér. Ef eitthver hefur áhuga á skemmti. vinnu. og útivistarferð lætur viðkomandi mig vita. sbs@islandia.is
Kv. SBS.
Kemst því miður ekki að þessu sinni. Ætla að reyna að komast í síðari ferðina.
Kv. Pétur á Kommanum
Siggi minn , mig langar til að leiðrétta þig með skuttogarana þú hefur eithvað ruglast í ríminu með þetta.
Þú þarft að fara aftur í síðutogaratímabilið til að finna svona kúnstir og var þetta ekki algilt en fylgdi ákveðnum örlaga döllum og skaufa fiskurum sem aldrei fengu bein úr sjó.
Kv. S.B.
Já það er rétt hjá þér Stefán síðutogari skal það vera. Ég var fæddur nógu snemma til að muna eftir nokkrum þeirra síðustu. Eitthverjum þeirra var breitt í síldveiðiskip og öfluðu vel. Ég var nú svo frægur að ná í eitt síðasta síldveiðiárið þó ekki á breittum togara. Þá var veitt við suðvesturland. austurland og í Norðursjónum. Þetta voru eftirmynnilegustu tímar unglingsáranna. Nú þarf klúbburinn dugandi einstaklinga til að koma Setrinu í gott stand svo við allir getum notið verunar þar með tilheyrandi þægindum.
Kv. SBS.
Allt er breytingum háð og ófyrirséðir hlutir sett strik í reikninginn. Nú verð ég að afturkalla skráningu mína og krakkana. Boðinn í fimmtugsafmæli hjá mág mínum á Laugardag. Fyrirgefið það en það var einlægur ásetningur okkar að koma upp eftir.
Kv. Magnús og börnin.
You must be logged in to reply to this topic.