This topic contains 11 replies, has 1 voice, and was last updated by 
-
Topic
-
Sælir félagar
Helgina 10-12 ágúst er seinni almenna vinnuferðinn í Setrið.Eins og kom fram í fréttapisli skálanefndar var í síðustu vinnuferð grafið fyrir súlum undir sökkulveggi , steypt í þær og mokað að þeim. Grafið fyrir leiðslum frá skemmu að skála og gengið frá skurði.(sjá myndir í myndasafni).Í seinni vinnuferðinni er fyrirhugað að slá fyrir sökkulveggjum og steypa í þá.Undirbúningsvinna fyrir uppsláttin er vel á veg komin.Einnig hefur skálanefndin verið að endurnýja glerlista í gluggum vegna leka og þéttilista í opnanlegum fögum en þá vinnu þarf að klára fyrir veturinn.Við í skálanefndinni hvetjum félagsmenn að skrá sig í vinnuferðina(hér á spjallinu) og taka þátt í að gera góðan skála betri.Sem fyrr verður sameiginleg máltíð á laugardagskvöldið að hætti skálanefndar eða Loga Más réttara sagt.Svo er það aldrei að vita nema að það verði boðið upp á súpu fyrir heimferðina á sunnudaginn.
Kv Rúnar skálanefnd.
-
Replies
-
Stefna tekin á Setrið þessa helgi. Það hlýtur að vera hægt að nota húsgagna og innréttingarsmið þótt komin sé yfir miðja aldur. Safna nú liði og allir í Setrið. Margar hendur létta starfið.
Kv. SBS.
Ég held það sé rétt… ég ætla að mæta. Arnþór
Stefnan tekin á setrið kemst sennilega ekki af stað fyrr en á laugardags morguninn
Ég heyrði í skálanefndarformanninum í dag. Þægileg vinnuhelgi framundan. Uppsláttur, járnavinna og steypa. Einnig skemmtilega gluggaviðgerðir og sitthvað fleira. Það vantar enn svo sem eins tvo eða fjóra vinnufúsa menn og konur í viðbót til að helgin heppnist vel.
Hvet til þess að menn slái nú til og komi í þessa vinnuferð.kveðja,
Arnþór
Set stórt "like" á það. Því fleirri sem mæta verður þetta þess skemmtilegri helgi. Það erfiðasta er komið. Undirstöður björgunarskýlisins eru komnar upp úr jörðinni. Nú er hægt að vinna þetta á sandölum og í sundskýlu ( Já eða í örþunnum G.streng.) Það eru margir félagsmenn sem hafa stoltir tekið þátt í byggingu skála okkar. Nú er lokahnykkurinn eftir að þessu sinni. Félagsmenn gerum vinnuna létta og helgina skemmtilega. Þetta er skáli okkar stoltra félsgamanna. Þeir gerast ekki glæsilegri skálarnir.
Kv. SBS. Ps. Ég ætla að bera það upp á næsta fundi í vefnefnd að það verði lokað á alla þá hér á vefsíðunni sem ekki verða mættir á hádegi á laugardag uppi í Setri til vinnu og hana nú.;(
Nú er lokið seinni almennu vinnuferð skálanefndar á þessu sumri. Í þessari ferð náðist að slá upp fyrir og steypa sökkulveggina undir skemmuna. Næsta skref er að flytja nýjan olíutank uppeftir, koma honum fyrir í gámnum og koma gámnum fyrir inni í sökklunum, tengja nýjar rafmagns og olíuheimtaugar og gera allt klárt fyrir landsfundinn sem að þessu sinni er fyrirhugaður í Setrinu. Er von okkar að það allt gangi upp en ef vid sjáum einhverja hnökra á því bíður gámafærslan næsta sumars. Skemman sjálf verður svo byggð í einingum í bænum i vetur og flutt uppeftir í einingum og reist næsta sumar. Í þessari vinnuferð voru þrettán manns, fimm úr skálanefnd en auk okkar voru þeir Steini "Lada", Helgi Ragnarsson, Arnþór gjaldkeri, Árni Ómars, Hlynur Ómars, Hjörtur "Jaki", Sigurður Bjartmar og svo auðvitað heimilskötturinn okkar, Einar Sól en það þarf nú vart að taka það fram. Hann er jú einskonar viðhengi við skálanefndina. Öllum þessum mönnum kunnum við bestu þakkir fyrir vinnuframlag þeirra þessa helgi því það var okkur ómetanlegt. Kerlingafjallamönnum kunnum við einnig bestu þakkir fyrir að ljá okkur traktorsgröfu og steypuhrærivél á meðan á framkvæmdum þessum stóð. Þess ber svo að geta að þegar Steini var á leiðinni með gröfuna yfir í Kerlingarfjöll í dag var farið í dálitlar vegabætur á Illahraunsleiðinni, m.a. eitt ræsi sett niður og vafasömum steinum í slóðanum fækkað nokkuð. Að lokum ber svo að geta þess að Logi Már varð eftir í Setrinu og ætlar að vera með skálavörslu þessa vikuna ef hann endist í einverunnni, rífa mótin og ganga frá ýmsu eftir steypuvinnuna. Síminn hjá honum er 893-6560 ef einhver þarf að komast í samband við Setrið.
Með skálanefndarkveðju.
Logi Már. Skálanefnd.
Húrra fyrir ykkur.
Maður situr nánast stjarfur heima yfir dugnaðinum, og með móral yfir því að hafa ekki rétt fram hjálparhönd (er samt með góðar afsakanir :))Snilldin ein að búið sé að fækka nokkrum egghvössum steinum í Illahrauni, manni stóð ekki á sama þarna um daginn.
Það er ekki af ykkur skafið, meiru dugnaðar forkarnir. Eigið heiður skilið fyrir þetta mikla framtak.
BIG LIKEKv Bjarki
Vinnuferð í Setrið. Hér eru þeir vinnuþjarkar sem voru í þessari ferð.
Kv. SBS. Smella í mynd til að sjá stærri.
Sælir félagar.
Þið eruð meiri snillingarnir, maður skammast sín fyrir að mæta ekki og aðstoða ykkur.
Logi Ragnarsson
Anonymous- Umræður: 0
- Svör: 16404
Blessaðir og sælir,
Ég tek undir með Loga, þið eruð sannarlega snillingar.
Takk fyrir myndirnar Siggi Sig. ofl..ÓE
You must be logged in to reply to this topic.