Vígalegur krúser í smíðum

Væriru til í að útskýra þetta aðeins nánar :s

Eins og ég sagði þá er þessi bíll algjörlega smíðaður eftir Felguboltanum, Hilux sem Kristján í Bíltak á Selfossi átti, alveg sömu hásingar og alveg eins upp byggt, verður gaman að sjá hvort Lúserinn meðtekur þetta jafn vel og Lóluxinn, sá bíll er allavega að svínvirka.

Eitthvað kannast ég nú við þessa framhásingu….þetta var undir Hilux, að framan, ef þetta er sú sem ég held. Var ekki styrkt að ástæðulausu reyndar….
Hann er nú frekar hár samt, styrkingin á hásingunni rakst í olíupönnuna í síðasta bíl sem hún var í, þangað til að samslagið var stytt aðeins

ég veit það nú ekki, en þetta lítur nú ekkí út fyrir að vera neitt svakalega traust.

Þ.e. sætið fyrir púðann

[img:1o8m4fsp]http://www.augnablik.is/data/500/809brynjar_154-med.jpg[/img:1o8m4fsp]

Það er nú svosem engin ein töfralausn til að halda hæð hóflega lítilli á jeppa með hásingu að framan, þetta snýst um að færa til og hliðra því sem annars rækist saman þegar hásingin gengur upp. Ef allt gengur upp þá lendir hásingin í grindinni eða olíupönnunni fyrst. Vandasamast er að koma hliðarstífunni og vasanum fyrir hana fyrir þannig að hún rekist ekki í millibilsstöngina í (oftast hægri)beygju+samslagi.
Einnig getur togstöngin farið að rekast í grindina farþegamegin ef það er notaður armur fyrir hana á liðhúsið, og bíllinn misfjaðrar saman farþegamegin+sundur hinumegin.
Stundum er pláss innangrindar meðfram mótor fyrir stífuturna sem efri 4-link stífurnar geta komið í. (Ég er reyndar bara með eina núna, bæti sennilega annarri við til skrauts hinumegin). Neðri stífurnar geta þá komið beint aftaná hásinguna, þannig að þær skaga ekki langt niðurúr henni. Athuga ber að 4-link uppstilling gefur sömu útkomu hvort sem stífurnar eru í lóðlínu hver við aðra eða ekki, að því gefnu að þær séu allar jafn langar OG samsíða. Það sem er kannski varasamast er að hafa of stutt bil á milli þeirra og líka að miðlína hásingar sé langt frá ímyndaðri línu milli stífuendanna(þá er ég að tala um meira en kannski 10-15 cm, sem getur alveg verið í lagi).
Hafa ber í huga að mikil átök eru á framhásingu þegar hemlað er á t.d. ósléttu þurru malbiki, þá snúast öll átök við miðað við þegar verið er að spóla og skemmta sér, en okkur hættir til að miða oftar við það þegar verið er að smíða…..
Ég heyrði ansi gott heilræði um daginn til þeirra sem eru í jeppabreytingahugleiðingum:

HLUSTAÐU á alla sem hafa eitthvað til málanna að leggja, gerðu svo bara eins og ÞÉR FINNST!!!

Þannig verða nú nýjungarnar til í þessu drasli

kv
Grímur, fyrrverandi smíðakall hjá Drifskaftinu