This topic contains 20 replies, has 1 voice, and was last updated by 
-
Topic
-
Sælir félagar.
Nú eru endurvarpar Ferðaklúbbsins orðnir 8 í það heila og má segja að flest fjölförnustu hálendissvæði landsins séu nú í sambandi. Auðvitað verður seint hægt að þekja öll svæði 100%, en nú er víðast hvar fínt samband á þeim hluta leiðanna sem liggja sæmilega hátt. Risa skref voru stigin í þessum málum nú í sumar og haust með uppsetningu endurvarpa á Vaðöldu, Háskerðingi, Gagnheiði og Strút.
Nú er svo komið að ýmsir aðrir hafa óskað eftir aðgangi að endurvörpunum okkar og er það vel. Um að gera að hleypa fleirum að kerfinu, að sjálfsögðu gegn sanngjörnu gjaldi sem nýtt verður til þess að viðhalda kerfinu og endurbæta það enn frekar.
Ég mæli með því við alla þá sem eru að velta fyrir sér fjárfestingu í talstöð að leita allra leiða til að komast yfir VHF fremur en CB, þar sem virkni og möguleikar þeirra eru miklu meiri/betri. Verð á VHF stöðvum hafa líka lækkað, auk þess sem hægt er að finna ágætar notaðar stöðvar (sjá t.d. heimasíðu Sigga Harðar rsh.is). Passið bara að þær séu helst með scanner.
Þó er einn skugga sem ber á þetta annars fína kerfi. Leigubílastöð hér í borginni truflar rás 44 ótt og títt á stórum svæðum, einkum í vesturhluta borgarinnar. Þetta verður þess valdandi að maður nennir ekki að hafa skannerinn á og jafnvel slekkur á stöðinni. Þar með hættir maður að hafa þau not af búnaðinum sem maður vill, en nú nást t.d. bæði 44 og 46 á höfuðborgarsvæðinu.
Spurning er hvort fjarskiptanefnd klúbbsins reyni að gera atlögu að Fjarskiptastofnun sem á auðvitað að passa að þessir hlutir séu í lagi. Það er hálf aumt til þess að vita að þeir aðilar (stofnunin) gæti þess ekki að þessir hlutir séu í lagi, en ég veit að það er oft búið að reyna að fá þá ágætu menn tila að vinna vinnuna sína og koma hlutunum í lag, en því miður án árangurs. Rétt er einnig að hafa í huga að stundum heyrir maður öll samskipti leigubílastöðvarinnar við sína menn, og augljóst er að þar eru í gangi samskipti sem menn reikna ekki með að við getum hlustað á.
Með ferðakveðju,
BÞV
-
Replies
-
Þetta er náttúrlega óþolandi að þetta skuli eiga sér stað
Einhverntiman fékk ég þær skyringar að sendirinn hjá leigubílastöðinni væri ekki nógu vandaður og sendi út á breiðara sviði en hann á að gera. Er ekki fjarskiftastofnun sem á að stoppa svona búnað? við borgum gjald fyrir stöðvarnar okkar til stofnunarinnar og hljótum að geta fengið einhverja þjónustu fyrir peninginn.
Annars er VHF kerfið alveg frábært og ég vona að menn fari almennt að hætta með CB. Allavegana fer það fljótlega að fjúka úr mínum bíl.
Kv. Freyr Arctic
Þetta er ekkert nýtt vandamál, truflanir á VHF sendingum í kringum Reykjavík. Á tímabili var t.d. hægt að hlusta á útsendingar Stöðvar 1 á einni af björgunarsveitarrásunum, undir ákveðnum aðstæðum.
Ég hef einnig heyrt af þessari leigubílastöð, og þá í tengslum við truflanir á björgunarsveitarrásunum. Einnig voru alltaf verulegar truflanir í kringum slökkvistöðina í Skógarhlíð, en þær gætu nú verið hættar í dag.
Ef menn ætla fara að bögga fjarskiptastofnun, þá væri eflaust ekkert vitlaust að spjalla við einhverja af þessum radíóköllum björgunarsveitanna, um sögu þessara vandamála.
Kveðja
Rúnar S.
Anonymous- Umræður: 0
- Svör: 16404
Það er rétt að VHF með öllu þessu endurvarpskerfi er frábært stökk í fjarskiptamálum og örugglega ekki langt að bíða að þessar stöðvar verða í öllum jeppum sem eitthvað eru notaðir fyrir alvöru. VHF stöð er allavega næst á forgangslistanum á mínum leikfangafjárlögum og þá sérstaklega sem öryggistæki. En sjá menn fyrir sér að CB dótið fái að fjúka eins og Freyr segir, frekar en það verði áfram notað á milli bíla í hóp? T.d. um páska þegar margir hópar eru á ferðinni hlýtur að vera hætta á að menn séu að trufla hvern annan þar sem langdrægnin er þarna mun meiri. Þetta er sjálfkrafa ekkert vandamál á CB þar sem í stærri hópum þykir gott ef aftasti bíll heyrir í þeim fremsta. Kv – Skúli H.
Sæll Rúnar.
Ég er sammála Frey. Við borgum fullt af peningum (árgjald af mörg hundruð stöðvum) til þessarar blessuðu Fjarskiptastofnunar og eigum að sjálfsögðu að fá þá þjónustu sem við eigum rétt á, þ.e. að það sé friður í loftinu á okkar rásum. Það er þeirra hlutverk að útdeila rásum, skipuleggja umferð í loftinu og gæta þess að menn séu ekki með ónýtan búnað í gangi.
Nú veit ég ekki hvað af ofangreindu er að valda okkur þessum leiðindum, en það er örugglega afleiðing mistaka þessarar vonlausu stofnunar.
Ég get upplýst það hér að meðan ég var formaður félagsins, þá hringdi ég nokkrum sinnum og gerði við þetta athugasemdir á mannamáli, en varð aldrei var við nokkurn vilja til að bæta úr þessu, einungis afsakanir um að búnaður uppfyllti staðla og bla bla bla.
Ef þú átt enn fleiri sögur um langvarandi slóðaskap þessarar stfnunar, þá er enn meiri ástæða til að spyrna ærlega við fótum og krefjast úrbóta.
Með ferðakveðju,
BÞV
Sæll Skúli.
Ég held að CB detti kannski aldrei alveg út. Hins vegar er það reynslan í mínum ferðalögum að ef allir eru með VHF er slökkt á CB. Þetta er einfaldlega ekki sambærilegur búnaður. Það eina sem þessar stöðvar eiga sameiginlegt er að báðar hafa míkrafón og kallast talstöðvar… : )
BÞV
Sæll Skúli.
Ég held að CB detti kannski aldrei alveg út. Hins vegar er það reynslan í mínum ferðalögum að ef allir eru með VHF er slökkt á CB. Þetta er einfaldlega ekki sambærilegur búnaður. Það eina sem þessar stöðvar eiga sameiginlegt er að báðar hafa míkrafón og kallast talstöðvar… : )
BÞV
Anonymous- Umræður: 0
- Svör: 16404
Sælir félagar
Björn Þorri hafði orð á því að verðið hefði lækkað á þessum stöðvum.
Ég var því nokkuð spenntur áðan þegar ég leit inn hjá Sigga Harðar og kíkti á bílastöð.
Uppgefið verð var 44.900 á stöðinni. Við það bætist ca. 7000 kr loftnet ofl.
Ársgjaldið er síðan 3000 kr.Ég get því ekki séð að þetta hafa lækkað nokkuð.
kveðja Árni Bergs.
Sæll Árni Bergs.
Verðin hafa lækkað…
Nú getur þú fengið 25W stöð í Aukaraf á 39.990,- og handstöð hjá RSH á 29.900.
ÞAÐ ER LÆKKUN Á VERÐUM.
Ef þú getur sýnt mér fram á annað, þá skora ég á þig að benda mér á feil í þessari ályktun minni, a.m.k. þekki ég ekki lægri verð úr fortíðinnin hér á landi. Annars tek ég pistil þinn sem hvert annað röfl!
Gaman væri líka að heyra skoðun þína á mismun á VHF og CB sem er megininntakið í minni grein, en kannski þekkir þú það ekki…
Með VHF kveðjum,
BÞV
Anonymous- Umræður: 0
- Svör: 16404
Já þetta er alveg staðreynd, stöðvarnar hafa verið að lækka svo um munar í verði og eru bara á ágætum prís. Ég er búinn að vera lengi að horfa löngunaraugum á þessar stöðvar í Aukaraf á 39.900 og þær voru á yfir 50 þúsund þannig að þær hafa lækkað um 20-25%! Þannig að nú er kominn rétti tíminn til að stökkva.
Kv – Skúli H.
Anonymous- Umræður: 0
- Svör: 16404
Sælir verið þið
Verðin hjá Sigga Harðar eru 44.900 og til að gera stöðina nothæfa þarf loftnet o.fl ca 7000 kr. Samtals eru þetta tæp 52.000 kr. sama og var í upphafi.
Hjá Aukaraf var verðið í morgun 39.900 og nauðsynlegur búnaður ca 7-8000 kr. samtals 46-7.900 kr.
Eða sama verð og var í upphafi.
Feillinn ykkar liggur í því að stöðin er auglýst sér ÁN
fylgibúnaðar.Varðandi munin á stöðvunum, leitaðu til EDDA, hann er mjög þolinmóður maður og getur sjálfsagt á endanum útskýrt þetta fyrir þér.
Gróf skýring er munurinn á dyrasíma og síma.kveðja Árni Bergs
Anonymous- Umræður: 0
- Svör: 16404
Ég vil benda mönnum á að stöðin frá Aukaraf er með textaskjá og ljósi í tökkum ! Hún heitir ICOM IC-F310.
Nýlega bættist við stöð sem heitir ICOM IC-F510, hún er með 256 rásir, 10 stafa textaskjá, fleiri forritanlega hnappa en 310 og ljósi í tökkum.
Þessi stöð kostar 63.145 en á tilboði til 4×4 félaga kr: 49.990.-
kveðja
Ásgeir Örn Rúnarsson
Aukaraf ehf
Anonymous- Umræður: 0
- Svör: 16404
Það er rétt Árni að stöðin er ekki nothæf nema með loftneti og því sem því fylgir. En þannig var það líka fyrir verðlækkun, þannig að þegar ég segi að stöðin sem Aukaraf er að bjóða nú á 39.900 hafi kostað áður yfir 50 þúsund, þá var hún áður með loftneti og því sem því fylgir væntanlega nærri 60 þúsund. Þannig að við fáum núna stöðina með öllum fylgibúnaði fyrir heldur minna en stöðin kostaði áður ein og sér. Sem er gott.
Svo er ég reyndar svo heppinn að vera með gamalt NMT loftnet á bílnum sem er ekki í notkun, með kapli og öllu og þarf því bara nýjan topp á það og er þá kominn með það sem þarf fyrir aðeins 3000 króna viðbótargjald.
Kv – Skúli H.
Ég er nú ekki hræddur um að það verði of mikil umferð á VHF þó menn hætti með CB. Við erum með 9 rásir til afnota núna og getum fengið fleiri ef þurfa þykir Svo er líka hægt að stilla flestar stöðvar niður í 5 wött ef maður vill að þær dragi styttra.
Nú er svo komið að Allir mínir félagar, sem ég ferðast með, eru komnir með VHF, svo fyrir mig er lítill tilgangur að eyða dýrmætu mælaborðsplássi í CB stöð(ég er á Hilux svo plássið er ekki yfirdrifið) Ég hef ekki einu sinni kveikt á henni í marga mánuði.
Anonymous- Umræður: 0
- Svör: 16404
Til viðbótar við þetta væri gott að fá komment frá þeim sem eru komnir með reynslu af þessum stöðvum, hvað maður á að kaupa og hvaða eiginleikum maður á að sækjast eftir. Mér sýnist allar þessar stöðvar vera með sama sendistyrk (25W sem er hámark), en Ásgeir talar um stöð sem kostar 10 þúsund meira en ódýrasta stöðin þeirra og er með 256 rásum, er maður að fá eitthvað fyrir þennan 10 þúsund kall sem skiptir máli eða er það bara húmbúk og óþarfa peningaeyðsla? Og stöðin hjá Sigga Harðar sem kostar 44 þús. hvað fær maður í viðbót fyrir þessi 4 þúsund sem þar munar.
Þið sem reynsluna hafið, hverju mælið þið með?
Kv – Skúli H.
Sælir félagar.
Þegar ég fékk mér VHF stöð 1998, minnir mig að hún hafi kostað ca. 48.000 kall, ekki með ísetningu. Þá kostaði handstöð um 50.000 kall og hefur mér sýnst að þær hafi hangið þar rétt undir þar til alveg nýlega að þær fóru að bjóðast á 29.900. Ég hef svosem ekki verið að fylgjast með þessu frá degi til dags, en mér sýnist klárt mál að verðin hafa lækkað, bæði í krónum talið og því til viðbótar m.t.t. almennrar verðþróunar (vísitöluhækkunar) á síðustu árum.
Mér finnst þú Árni hitta naglann á höfuðið þegar þú jafnar samanburðinum á VHF og CB við muninn á dyrasíma og síma. Þetta er nánast ekki sambærilegur búnaður, þótt vissulega hafi CB gagnast mörgum í gegnum tíðina. Mig grunar að CB með loftneti kosti nálægt 20.000 kr. Ef hægt er að fá VHF bílstöð í dag, með loftneti á rúmlega helmingi meira, þá er það að mínu viti miklu skynsamlegri fjárfesting.
Stöðin mín heitir Mororola, Skúli, ef ég man rétt og reynsla mín af þessu dæmi miðast bara við hana (árið 1998 fékkst engin önnur viðurkennd stöð (þ.e. ekki þerrar litlu) og Siggi Harðar var fastur með sína litlu Yesu stöð hjá Fjarskiptastofnun, til að fá gerðarviðurkenningu, í meira en heilt ár ef ég man rétt). Stöðin mín er með skanner (tveimur skilgreindum rásagrúppum á skanner) og möguleika á 99 rásum ef ég man rétt.
Ég sakna þess að geta ekki skilgreint skanngrúppurnar mínar sjálfur (þarf að fara í Hátækni til þess). Að öðru leiti kann ég vel við þessa stöð. Möguleiki á 256 rásum í nýju stöðinni hjá Aukarafi eru að mínu viti alger óþarfi. Klúbbrásirnar eru ekki nema 12 og ef menn eru líka í björgunarsveit með heimild til að hafa þær rásir, þá bætast ca. 10 rásir við held ég og svo eru nokkrir með einkarásir líka (t.d. jeppaferðaþjónusturnar). Möguleiki á 30 rásum er því meira en nóg fyrir þá sem eru með allt þetta. Að vísu er sniðugur þessi textaskjár sem hægt er að fá í stöðvum í dag. Það er gott að fá það á skjáinn hvað hver rás stendur fyrir. Nú fyrir tækjaóða jeppamenn er svo auðvitað eitthvað borgandi fyrir fullt af tökkum þótt þeir séu ekkert notaðir… : )
Ef menn eru að spá í notaða stöð (það hlýtur að vera fullt til af stöðvum úr leigubílum eftir að þeir hættu að nota þær…) þá er skanner lykilatriði til að menn fái það út úr þessum búnaði sem hann býður uppá. Rásafjöldi og takkafjöldi er aukaatriði. Að lokum ráðlegg ég mönnum sem fá sér veðurrásirnar í stöðvarnar sínar, að láta ekki setja þær í skanngrúppur.
Allir í VHF !
Ferðakveðja,
BÞV
Anonymous- Umræður: 0
- Svör: 16404
Sælir félagar.
Ég er nú sammála því að vhfið sé gott og ekki spurning um að kaupa það frekar en cb, stöðvarnar eru dýrari en líka mikið vandaðri, kraftmeiri og betri. En það er eitt sem ég hef ekki skilið það eru þessir sítónar sem eru á flestum rásum 4×4 þeir mættu missa sín og félagið ætti að sækja um fleiri rásir í staðinn. Rás með sítón gerir það að verkum að oft vantar fyrsta orðið sem sagt er vegna seinkunar í stöðinni og á sumum stöðvum fer sítónninn af í móttökunni ef míkrafónninn er ekki hengdur í festinguna(jarðsamband rofnar) sem gerir það að verkum að stöðin stoppar leitun á t.d. rás 48 en ekki 51.
kveðja Jón
Sæll R12.
Ég hef ekki heyrt fyrr um þessi vandamál sem þú lýsir. Ég hef svo sem ekkert sérstakt tæknivit á þessum VHF málum, í því er td. Eddi (Eðvald Geirsson) félagi okkar betri kostur, svo og aðrir félagar okkar í fjarskiptanefnd, m.a. okkar ástsæli formaður og Kalli (báðir símamenn til margra ára og þekkja þetta allt í smáatriðum).
Ég hef hins vegar staðið í þeirri meiningu að með því að setja sítónloka á rásir, þá sé í raun hægt að skipta hverri rás upp í fleiri rásir með mismunandi sítón (ég held að með því megi skipta hverri rás upp í a.m.k. fjórar).
Ég bið mér fróðari menn að leiðrétta mig ef ég er að fara með fleipur í þessu efni.
Ég held að þetta sé gert að tilstuðlan Fjarskiptastofnunar sem eins og ég lýsti í upphafi pistilsins er að mínu viti með allt niðrum sig í VHF málum hér á höfuðborgarsvæðinu.
Ég væri feginn ef fjarskiptanefndin léti okkur vita á síðunni hvenær við getum farið að kveikja aftur á skannernum á VHF hér á Reykjavíkursvæðinu án þess að vera með röflandi leigubílstjóra í eyrunum…
Ferðakveðja,
BÞV
Anonymous- Umræður: 0
- Svör: 16404
Sæll BÞV
Ekki er ég nú neinn sérfræðingur í þessu en kynnti mér þetta lauslega og eins var einn félagi minn með þetta vandamál að stöðin stoppaði á vitlausri rás.
Tónsquelch CTCSS =Continuous Tone Coded Squelch System er ætlað til að opna endurvarpa og er gott þar sem margir endurvarpar eru á sama stað t.d. Bláfjöllum.
Það er ekki hægt að fjölga rásum með þessu en hjá 4×4 eru nokkrar rásir á sömu tíðni,en síðan eru notaðir lágtíðni tónar til að opna squelchinn á stöðinni. Ef þú t.d. sendir út á rás 51 sem er með tónsquelch og leigubílastöð er á sömu tíðni, ekki með tónsquelch þá heyra þeir í þér en þú heyrir ekki í þeim.Ef þessum tónsquelchum hefði verið sleppt hefðu ýmsir félagsmenn sem ekki vilja eða geta lagt út í kostnað á nýrri og fullkominni vhf stöð getað nýtt sér gamlar leigubíla, sendibíla og rútu stöðvar fyrir lítinn pening.
Gaman væri að vita hvað rásir þetta eru hjá þér sem eru truflaðar.
kveðja Jon
Sæll R12.
Það er rás 44 sem truflast helst, en einnig verður þess vart á 46, þó mun sjaldnar (endurvarparásirnar okkar). Mér skilst að þegar þessi lélegi/ónýti endurvarpi leigubílastöðvarinnar byrjaði að trufla hér á svæðinu þá var hann staðsettur í Engihjalla. Menn voru að vonum pirraðir og virðuleg Fjarskiptastofnun brást skjótt við kvörtununum og ….. færði endurvarpann á Hótel Sögu…
…dæmigert fyrir fagmennskuna þar á bæ.
Kv. BÞV
Það er náttúrulega gjörsamlega óþolandi að við getum ekki notað VHF rásirnar okkar ótruflaðar! Það er alltaf jafn "gaman" að koma inn í bæinn með stöðina á "scan" og fá svo "það vantar bíl í Lönguhlíð, krrssss!" á fullu blasti í stöðina. Er ekki bara hægt að fara hljóðlega og slökkva á þessum helv… gallaða endurvarpa??? Það þarf að fara að skrúfa fyrir þennan dónaskap!
You must be logged in to reply to this topic.