VHF loftnet

Ég fékk 1/4 loftnet hjá Nesradíó, því að ég er með það á toppnum. En þeir sögðu einmitt að það þyrfti að vera lengra ef það væri ekki á toppnum.

Kveðja
Þengill

Ég held að það sé svosem ekki alveg við starfsmenn N1/RSH að sakast… Við förum eftir ákveðnum töflum þegar við klippum net. Í lang flestum tilfellum (þar sem þokkalegt ground plan er, og jarðtenging góð) virka þessar töflur bara mjög vel. T.d. 1/4 toppur á toppnum á bíl með amk 250mm radíus að næstu brún gildir taflan næstum því alltaf.
.
Hinsvegar, getur verið í einhverjum tilfellum, og mjög oft með net á brettum eða á fáránlegum stöðum t.d. á þakbogum og öðru slíku þar sem ground planið er eitthvað útí hött, að það þurfi að klippa eftir mæli, þá duga engar töflur til.
.
Reglan er þó sú að mæla alltaf við ísetningu á þessu dóti. Flestar radíóþjónustur bjóða meiraðsegja uppá fría standbylgju mælingu ef það þarf ekki að tæta hálft mælaborðið í spað til að komast að lögnum.
.
Einnig má til gamans geta, að tíðnisvið 4×4 tíðnana er yfir svo fáránlega breitt svið að erfitt getur verið að fá standbylgju góða á öllum tíðnum, tala nú ekki um 5/8 net sem eru með enn þrengra tíðnisvið í "mestu virkni" og þar að auki stefnuvirkari en t.d. 1/4 toppar.
Þannig að mæling á t.d. rás 46 getur sýnt toppstandbylgju (sem næst 0W) en töluvert hærri á t.d. rás 50.
Einnig má þess geta að 5/8 toppar eru oftast 4dB mögnun, en stefnuvirkari, en það er stefnuvirkt lárétt og grípur verr merki fyrir ofan sig eða í meir en c.a. 45 gráður frá neti upp á við. Þetta kemur oftast ekki að sök á jeppum en það sem er enn bagalegra við þetta er það að ground planið á t.d. brettum, sem er vinsæll samkomustaður 5/8 toppa að þá er netið stefnuvirkara frammá við en grípur verr merki sem eru fyrir aftan bílinn.
Ég er með 5/8 topp aftarlega á toppnum, og það hefur hingað til svínvirkað. Ég lenti í veseni með að þakbogarnir voru að mynda leiðinlega skermingu en þau áhrif hurfu eftir að ég setti 5/8 toppinn, gætið þess samt að vera með almennilega og sterka botna fyrir lengri netin, annars brotna þeir bara.
.
Ég vil svo ekkert vera endilega að auglýsa Múlaradió eitthvað fremur öðrum fyrirtækjum, en það vill svo til að ég vinn þar, og þar er gríðarleg þekking á þessum málum og starfsmenn sem alltaf eru til í að líta á og mæla net og talstöðvar ef einhverjum þykir það ekki vera að standa sig nógu vel.
En svo eru fullt af góðum fyrirtækjum líka í þessum bransa, Nesradió, Aukaraf, Radióraf og ef mig misminnir ekki er R. Sigmundsson með aktívt radióverkstæði.
Ég verð ekkert sár útí vefnefnd ef þeir ritskoða þennan póst, telji þeir óþarfa auglýsingu liggja í honum. =)
.
Vonandi að þetta gagnist einhverjum,
kkv, Úlfr
E-1851