VHF loftnet

Sæll Fastur

Mér skylst að rétt lengd VHF loftneti sé 21 cm, ef þú færð stærra loftnet þarftu að skera það niður í þá lengd einmitt til að sendistyrkurinn og móttakan sé sem réttust.

Eftir að ég flutti mitt net uppá topp 10 cm aftan við framrúðu snarlöguðust öll gæði í sendi og móttökustyrk.

Kveðja Lúther

Ég held að staðsetningin hafi meira að segja en lengdin. Besta mögulega staðsetningin (eftir því sem mér hefur verið sagt) er á miðjum toppinum á bíl með álþaki…

Kveðja
Rúnar (með loftnetið á miðju þakinu aftantil, og alveg bullandi fínum skilyrðum)

Sæll Bolli!

Mér þykir þetta nú ekkert sérstakt það sem þú ert að ná með þínu litla loftneti. Eftir að Siggi Harðars sagði mér að hafa loftnetið 121 cm og staðsetti það á toppi bílsins tala ég frá Hveragerði og upp í Setur. LIGGA,LIGGA LÁ.

Kv. Lúther

Já Lúffi, það kann að vera að þetta sé ekki einsog það á að vera, nema Jón Garðar hafi rétt fyrir sér. Vona það. A.m.k. meikar það sens þetta með gorminn! Þetta kemur í ljós um helgina, erum að fara í Emstrur og heyri þá vonandi það sama og næsti bíll, sem er með langan drjóla!
Annars vil ég miklu frekar hafa lítinn stubb ef það heyrist jafnvel í honum og hinum.
bv

Það eru þá allar líkur á að þú hafir 1/2 bylgju loftnet á bíl þínum.
Hóli

Lengd á loftnetum skiptir öllu máli, þ.e. að hún sé rétt. Yfirleitt er byrjað á að klippa þau í ca lengd annaðhvort útreiknað eða eftir forskrift sem fylgir netinu og síðan notaður standbylgju mælir til að setja það rétt. Það að hafa standbylgju sem minsta er mikið atriði annars tapast mikið af útsendu afli í loftnetinu og fer aldrei út í loftið.
Flöturinn sem loftnetið er festur á er í raun hluti af netinu (jarðnet/ground plane) og hefur áhrif á útgeislunina frá netinu, þess vegna er best að hafa málmflöt í ákveðinn radíus hringin í kringum netið. Það eru reyndar til net sem ekki þurfa jarðnet, Siggi Harðar minntist m.a. á eitt fyrir vhf ið sem hann ætlaði að fara að prófa á bíl á síðasta fundi í Rvík.
Loftnet geta verið í misjöfnum stærðum þ.e. hlutfalli af bylgjulengd. Algeng hlutföll eru: 1/4, 1/2, 5/8 af bylgjulendinni. Mér skilst að algengustu netin í vhf inu hjá okkur séu 5/8, löngu fiber stangirnar sem voru nokkuð algengar í cb áður fyrr eru t.d. 1/4 ca 2,6 m byljulengdin í cd er um 11 m.
Sum loftnet eru með spólum í til að stytta físiska lengd þeirra án þess að stytta raffræðilega lengd, þetta er frekar gert þar sem bylgulengdin er löng og t.d. 1/4 loftnet yrði mjög langt. Gufunes loftnetin eru dæmi um það, þar er bylgjulengdin um 150 m.
Bylgulengd er fundin út með því að deila tíðninni upp í ljóshraða 300000000/tíðni=bylgjulengd, til að fynna út rétta lengd þarf síðan að margfalda með stuðli sem er aðeins fyrir neðan 1.
Besta leiðin til að fá bestu virkni er að láta einhvern sem þekkir og hefur til þess tæki mæla og stilla loftnetið, en trúlega er þekkt hvað áhveðnar gerðir loftneta eiga vera langar fyrir okkar not.
Hvað varðar það sem Lúther sagði um að ná frá Hveragerði upp í Setur, varstu ekki á einhverri endurvarparásinni.

Kv. Helgi

Ef um 1/2 bylgjunet er að ræða ætti það að vera91,5 cm en ef þetta er 5/8 net þá á það vera 121 cm. Samkvæmt því sem Siggi Harðar sagði á síðasta fundi þá eru mest af 5/8 netum í umferð á jeppunum. Gormurinn neðst á netunum er mældur með í lengdinni.

Kv. Helgi

Og er það þá jafn gott og þau sem lengri eru, eða veikara??
BV

Sælir.

Það virðist alltaf koma betur út að nota lengri loftnet. Bæði í sendingu og móttöku.
Með standbylgjuna, þá ætti hún að vera nærri lagi, en því er naðsynlegt er að mæla hana til að vera viss.

Eitt hefur ekki komið fram hér enn, en það er að ef loftnet er sett t.d. á framhorn bíls er hann stefnuvirkur, þ.e. skilyrði eru best í þá átt sem er lengst í burtu frá loftnetinu. það á bæði við um sendingu og móttöku. Þetta hefur kanski ekki gríðarleg áhrif, en er vel þess virði að athuga.

Emil