VHF kerfið

er rekstur endurvarpana að sliga klúbbinn ?

Eina notkunin sem maður hefur orðið var við á endurvörpum klúbbsins voru samskipti á milli skálavarða á fjallabaki í sumar.

Það sem er skiljanlegt í þessari umræðu – eru kallmerkja pælingar. Ekki gott ef formaðurinn skilur þær pælingar ekki.

Ekkert smá einfallt að koma svoleiðis kerfi á. Notum bara félagsnúmerin okkar sem kallmerki. Gæti ekki verið einfaldara.

Aldrei hefur mér, eða nokkrum öðrum sem ég þekki til dottið í hug að nota björgunarsveitarrásir – þó að ég vilji hafa aðgang að þeim – til öryggis.

A.m.k. koma kallmerki björgunarsveita því að einhverju leit í veg fyrir misnotkun á rásum þeirra.

Misnotkun ?

Reyndar notaði lögregla og björgunarsveit endurvarpa 4×4 í sumar við samhæfingu björgunaraðgerða á fjallabaki. Bara hið besta mál.

Ég get ekki skilgreint slíkt sem misnotkun þótt einhver kannski noti slík hugtök.

held að Gummi hitti naglan á höfðuðið. Því fleiri sem hafa okkar rásir, því líklegra að einhver heyri í manni þegar á þarf að halda.

Einhver minntist á ferðaþjónustuaðila, hafa þeir verið að trufla einhvern ?

Ferðaþjónustu fyrirtæki hafa sínar eigin rásir að því ég best veit.

Kveðja,
JKK eða R-2306 (að mig minnir)

einar segir orðrétt"eftir að NMT kerfið verður lagt af, og SSB á 2790 kHz, verður aftur grunn kerfið til öryggisfjarskipta á hálendinu".
síðan segir einar orðrétt "Fjarskiptarás sem engir eða fáir hlusta á, er ekki mikils virði sem öryggistæki."
fleirri hundruð meðlimir 4×4 eru með vhf stöð og hlusta á vhf rásir þegar þeir ferðast.
örfáir radíóamatörar eru með ssb stöðvar.
eru þá ekki vhf fjarskiptin margfallt öruggari sem öryggistæki á fjöllum, með öllum endurvörpunum sem þar eru.
sem betur fer eru ekki margir sem nota endurvarpana að staðaldri því það myndi eyða af þeim rafmagninu og þá eru þeir ekki til mikils gagns þegar kalla þarf á hjálp til byggða.
af einhverjum völdum er einar alfarið á móti vhf kerfi 4×4 og hefur alltaf verið. honum virðist vera kappsmál að vhf kerfið verði 4×4 ofviða í rekstri og verði því að leggja það niður. hann hefur sjálfsagt sínar bizzare ástæður fyrir því sem hann gefur ekki upp, en þetta sífellda þref og ssb halelúja er svoldið þreitandi svona endalaust.
af hverju er einstaklingur sem er alfarið á móti öllu sem áhveðin félagasamtök gera yfir höfuð í þeim félagasamtökum?

15000 vhf stöðvar í landinu uhm humm ?????

Ég lít svo á að það sé eitt af markmiðum klúbbsins að auka öryggi félagsmanna og bæta aðstöðu þeirra sem ferðast um hálendið á jeppum. Þetta getur vel fallið að 3 lið í 2. gr. laga klúbbsins þar sem markmiðin eru skilgreind, gott öryggi eru jú hagsmunir okkar. Þetta gerir klúbburinn bæði með því að tryggja örugg fjarskipti og byggja og reka skála þó skáli og vhf-talstöð sé ekki sérstaklega nefnd í lögunum, ekki frekar en 49 tommu dekk eða kengúrugrindur.
Kv – Skúli

Þetta er ósköp einfalt mál í sjálfu sér og vonandi að menn skilji það á endanum.

Það er þannig að í landinu gilda lög og reglur – alveg óháð því hvort menn eru sáttir við þau eða ekki. Og eftir þessum reglum verða menn og félagasamtök að fara.

Þannig er það í reglum um fjarskiptamál að til að fá ákveðnar tíðnir í þína talstöð þarftu leyfi rétthafa þeirrar tíðni. Þannig þurfa allir sem vilja 4×4 rásirnar að hafa leyfi 4×4 til þess. Þetta leyfi öðlast menn með því að vera meðlimir í klúbbnum og eins hafa ákveðnir aðilar, eins og t.d. björgunarsveitir þessa heimild beint frá stjórn klúbbsins.

Þannig eru allir þeir sem nota tíðnir 4×4 án leyfis að brjóta lög – og brjóta á 4×4 klúbbnum með því að hafa af honum þær tekjur sem hann hefði annars haft ef viðkomandi hefði greitt fyrir aðgangin að tíðnunum.

Það eru þessi brot á 4×4 klúbbnum sem stjórn ætlar að bregðast við – það ætti ekki að þurfa að trufla félagsmenn verulega að við gætum líka hagsmuna klúbbsins en ekki bara beinna hagsmuna félagsmanna – það að klúbburinn sé öflugur eru óbeint hagsmunir félagsmanna hans.

Svo er nú eitt atriðið í viðbót, nú um áramótin taka gildi ný lög um þessi mál – þá hætta einstaklingar að borga sjálfir af stöðvunum sínum og í staðinn þurfum við þ.e. klúbburinn að borga ákveðið gjald til ríkisins fyrir allar stöðvar sem eru með tíðni 4×4 skráðar. Þetta þýðir að klúbburinn fær reikning upp á nokkur hundruð þúsund og stór hluti þess er vegna aðila sem hafa fengið rásirnar með óheiðarlegum hætti, eins og að gerast félagsmenn til að fá rásirnar en borga svo aldrei aftur til klúbbisns eða eiga viðskipti við óvandaða aðila sem setja rásirnar inn án þess að viðkomandi hafi til þess leyfi.

Það kostar mjög mikið að reka þennan klúbb – mun meira en menn gera sér almennt grein fyrir og sá kostnaður fer bara hækkandi með meiri umsvifum – sem er jú almenna krafan í klúbbnum. Ef vel ætti að vera þá þyrfti klúbburinn tvo starfsmenn í 100 % starf – en er þess í stað með einn í 50% og svo stjórnarmenn sem vinna a.m.k 25 – 50 % starf hver. Þessu þarf að breyta og til þess þarf að fá inn þær tekjur sem réttilega eru klúbbsins. Það hafa misvitrir menn margsinnis haldið því fram að klúbburinn eigi svo digra sjóði að hann geti bara leyft sé hvað sem er – þessir aðilar hafa ekki hugmynd um stöðuna og það að við þurfum á öllum mögulegum tekjum að halda til að geta sinnt því starfi sem félagsmenn ætlast til af klúbbnum. Hinn möguleikinn væri að hækka félagsgjöldin umtalsvert – sem ég reikna ekki með að veki almenna hrifningu.

Ég vona að þetta skýri aðeins afstöðu stjórnar í þessu máli og að lokum bendi ég Einari á að stjórn hefur almennt samráð við þær nefndir sem um málefnin fjalla en að lokum þá verður hann og aðrir að skilja það að á endanum er það stjórn sem tekur ákvarðanir – þannig er skipurit klúbbsins uppbyggt hvort sem mönnum líkar betur eða verr.

Benedikt Magnússon
Formaður 4×4

Þegar menn kaupa sér stöðvar eru menn þá ekki skráðir fyrir stöðinni og tíðninni sem sett er inní hana.

Er þá ekki rökrétt að þegar menn eru hættir að borga félagsgjald að menn séu skildugir til að fara og láta fjarlægja rásirnar úr stöðinni. ?

Þetta er mál sem póst og fjar ætti að geta hjálpað til með þeir eiga að vera að rukka þessa menn árgjald fyrir það að fá að vera með talstöð.

Eða er það kanski miskilningur hjá mér.?

Þskj. 441 – 397. mál.
http://www.althingi.is/altext/133/s/0441.html

Samkvæmt [url=http://www.althingi.is/altext/133/s/0684.html:2h4t1pag]þessum lögum[/url:2h4t1pag] sem þamþykkt voru á s.l. laugardag, þá þurfa einstakir félgasmenn ekki lengur að greiða árlegt gjald af stöðvum sínum, né klúbburinn af hverjum endurvarpa, í stað þess greiðir klúbburinn gjald fyrir hverja tíðni. Þetta gjald fer ekki eftir fjölda stöðva sem geta notað þessar tíðnir, eins og formaðurinn hélt fram hér að ofan. Mér sýnist að kostnaður klúbbsins af beinu rásunum verði 126 þúsund á ári. Vegna rása 44 og 46 veður hann líklega 252 þúsund samtals, en á móti kemur að ekki þarf lengur að borga af tækjabúnaði. Í heildina sýnist mér að hér sé um ríflega 80% lækkun á kostnaði félgasmanna og klúbbsins samanlagt, miðað þær tölur sem Jón Snæland gaf hér að ofan um fjölda skráðra stöðva.

Þetta breytir hinsvegar stöðunni fyrir einstaka ferðahópa sem hafa verið með sér rásir, án það að hafa þurft að borga fyrir þær. Gjald fyrir eina slíka rás verður tæp 16 þúsund ári.

Það stendur því óhaggað, að því fleiri sem geta hlutsað á rásir 4×4, því meira virði verður kerfið sem öryggistæki, án þess að af því leiði neinn viðbótarkostnað fyrir klúbbinn.

-Einar

Það eru fréttir ef við vhf eigendur þurfum ekki að greiða lengur af stöðvunum okkar,heldur klúbburinn.
En liggur þá ekki beinast við að skoða lista yfir félagsmenn sem ekki hafa greitt félagsgjöld nema einu sinni til þess væntanlega að fá inn rásirnar,og fá útskrift af stöðvareign þeirra,ætti að vera hægt um heima tökin að senda þessu fólki síðan bréf og eða pf þar sem farið er fram á að rásirnar verði teknar út.
Það að klúbburinn þurfi að fara að borga vhf notkun félagsmanna gjörbreytir stöðunni og ekki spurning um að gera átak í að ná til þeirra sem eru með rásirna í leyfisleysi á kostnað okkar hinna.
Kallmerki eru bara af hinu góða og ættu í raun að vera löngu komin í almenna notkun,það hefur sýnt sig að við notkun kallmerkja minkar misnotkun,og auðveldara verður að fylgast með notkun og þá hverjir eru að nota rásirnar,mér finnst beinast liggja við að nota félagsnúmerinn sem kallmerki og eða stjórn úthluti þeim og ætti þá að vera enþá auðveldara að fylgjast með notun.
Með almennri notkun kallmerkja myndast mjög fljótt aðhald frá félagsmönnum,sem væntanlega væru með undir höndum skrá um hvert kallmerki og hver sé með það,líkt og FR gerði á sýnum tíma,og um leið væri félagaskrá 4X4 uppfærð á hverju ári.

Svo er þetta með starfsmann klúbbsins,það er alveg ótrúlega mikil vinna sem ættlast er til að 50% starfsmaður inni af hendi,spurning um að breyta þessu og finna leið til að vera með 100% starfsmann.
Kv Klakinn

Benni þú ættir að vera farinn að venjast því að þeir sem eiga að framflygja lögum og reglum, þekkja þær ekki alltaf, hvor sem er um að ræða Selfoss lögguna eða starfsmenn Frumherja. Annars sýnist mér ekki vera mikill munur á því sem las úr gjaldskjránni og starfsmenn Póst og fjar. Ef rás 42 er tekin með veður upphæðin rétt um hálf miljón á ári, það getur líka verið að þeir hafi ekki tekið með í reikninginn að bandvíddin á beinurásunum er 12.5 kHz, ekki 25 kHz.

Varðandi framtíð og kostnað af fjarskiptastarfsemi klúbbsins, þá sýnist mér liggja í augum uppi að menn munu vilja halda í beinu rásirnar, enda fylgir þeim ekki mikill kostnaður. Hvort klúbburinn hefur bolmagn til þess að reka endurvarpa kerfið, er allt annað mál. Það væri gaman að sjá samantekt yfir það hvað rekstur og uppsetning endurvarpanna hefur kostað klúbbinn undanfarin ár. Notkun endurvarpanna virðist vera sáralítil og fáir sem taka eftir því þegar þeir bila. Þetta gæti breyst við brotthvarf NMT kerfisins.
Það er líka hugsanleg millileið, að fækka endurvörðum þar sem ekki er rafmagn. Mér skilst að fjarskiptanend sé raunar byrjuð á þessu.

-Einar