Vetrarslúttið

Sæll Steinar

Ég og konan óskum þér og fjölskyldunni bestu kveðjur og við sjáumst við betra tækifæri.

kveðja
Jóhannes og
Matthildur.

Svona ef einhverjir eru að hika við útaf rigningu og rigningaspá á laugardag, þá er athyglisvert að skoða [url=http://www.vedur.is/vedrid/vedursparit.html?:i723txd9]veðurspáritin[/url:i723txd9]. Þarna sést að það byrjar fyrst að birta við suðurströndina, jafnvel á miðjum degi á laugardag. Svo eru það náttúrulega þekkt gatið sem getur verið yfir Þórsmörkinni þó það rigni allt í kring.

En ekki kenna samt mér um ef tjöldin blotna!!!

Kv – Skúli

Sælir Félagar

Þar sem bíllinn minn forfallaðist í dag,Vantar mig aðstoð við að koma tveimur 31" dekkjum inní þórsmörk í fyrramálið.
Ég er búinn að redda fari fyrir mig og konuna inneftir.
En sá farangur sem ég átti að taka verður deilt niður á aðra bíla.

Ef einhver hefur pláss fyrir dekkin má hinn sami hafa samband við mig í síma 897-1214.
Takk fyrir.

kveðja
Jóhannes

Sælir félagar

Fagurt er á fjöllum.

ps. núna er bara verið að vökva blómin.

kveðja gundur

Eru allar upplýsingar um ferðina dottnar út?

Hvar á að mæta og hvenær?

Gísli Ó.

Ég heyrði í Þórsmerkurförum núna fyrir stundu. Hópur 13 bíla voru að koma inn undir Valahnjúk, en einhverjir fóru inneftir í gærkvöldi og sjálfsagt einhverjir seinna á ferð. Það er búið að rigna talsvert á þau á leiðinni en Magnús (fyrrum umhverfisnefndarmaður) sagði að það væru merki um að það færi að birta til. Talsvert var í ánnum, allavega sumum þeirra.

Kv – Skúli

Við viljum þakka kærlega fyrir okkur þetta var meiriháttar
ferð og gerði ekkert til þó það dropaði einstöku sinnum.
Við yfirgáfum hópinn seint um kvöldið og héldum heim og var ekki meira í ánum en þegar við komum um morguninn og gekk allt vel.kv Jóhann og Birna.
ps. Laui reyndum að hringja í símann hennar Stefaníu annað
slagið frá því að við komum yfir árnar og vel framm yfir
miðnótt en gekk ekki.

Sælir Félagar! menn, konur, börn og hundar.

Ég og minn lýður (jákvæð merking = fólk), viljum þakka kærlega fyrir bráðnauðsynlega hleðslu á sálartetrin sem Vetrarslúttið í Þórsmörk/Bása var. Vil ég líka þakka Útivist fyrir mjög góða aðstöðu og ánægjuleg kynni.

Það var nú ekki hátt risið á manni þegar maður leit út um gluggann á laugardagsmorgun en bitið var á jaxlinn og lagt í hann. Krakkarnir mínir voru líka enn meiri hvatning því þau voru fljót upp úr rúminu, þvílík tilhlökkun.

Þar sem gleymst hafði að skrá CB-rásarnúmerið við undirbúning og ég komið of seint á Esso, náðist ekki í mig fyrr en í Hveragerði og small ég í hópinn á Selfossi og var greinilegt að góður hópur var þar á ferð. Hvergi var sút eða sorg að sjá eða heyra og mórallinn mjög góður.

Ferðinn gekk mjög vel alla leið og ævintýraþráin í algleymingi. Það var mikið í ánum en ekki stoppaði það okkur. Einn óbreyttur Musso lenti í því að fara ekki úr lágadrifinu en því varð reddað. Ökumaður þess bíls (kona, óreynd) þorði ekki að keyra yfir Steinholtsánna og var því líka reddað. Síðan stóð hún sig eins hetja. Hún var reyndar í Útivistarhópnum sem hélt 40 ára afmæli einnar konu þarna innfrá.

Eftir að fólk hafði komið sér fyrir var lagt af stað í ökutúr inn eftir undir stjórn Stefaníu sem verið hefur skálavörður í Langadal nokkrum sinnum. Góður fararstjóri þar og þrælvön. Ekki var komist alla leið vegna vatnavaksta og var því snúið við og stefnan tekin á Langadal. Kossá fór mikinn og fór Stefanía með stærri bílana á djúpu vaði yfir en síðan fann Emil Borg grynnra vað þar sem við hin fórum yfir. Stefanía fór síðan á traktornum og sótti Lindu mína (svakalega vatnshrædd)sem beið á hinum bakkanum og lóðsaði Jóhannesi, Matthildi og Magnúsi á óbreyttum Pathfinder yfir líka. Hann var smeykur um loftinntakið á vélina. Sjálfstraustið fékk byr undir báða vængi og ekki var neitt hik á neinum á leiðinni til baka.

Útivist var að breyta tjaldinu í útihús og því miður hélt það ekki vatni og var því borðað undir regnhlífum og í regngöllum. Rann hinn ljúffengi matur, sem Eyþór, konan hans (fyrirgefðu man ekki nafnið), Emil og Stefanía sáu um að mestu leiti, samt vel niður í alla. Flestir gátu ekki ráðið við puttana og lögðu því líka sitt af mörkum.

Eftir mat var ákveðið að fleyta kvöldvökunni inn í skála og myndaðist góð stemning þar. Sérstaklega má það þakka Kela úr Borgarnesi og Laugja fyrir góðann gítarleik.

En eins og gengur þá tekur allt enda og voru flestir gengnir til náða upp úr kl.0200 .

Sunnudagur vakti okkur með sólarkossi og þvílíkum hita að unaðslegt var. Eftir stírulosun, dögurð, morgun-liðkun ofl. var lagt saf stað í göngutúra.

Í hádeginu var slegið upp pylsupartýi með tilheyrandi drykkjarföngum sem voru ýmsar gerðir frá Agli ásamt Pepsi og borðað þangað til búið var. Flestir fylltu upp í háls og var jafnvel tíkin Bylgja hans Laugja farin að grafa mat út um allt fyrir næstu ferð.

Næsta kafla ætla ég að láta einhvern annann um.

Takk aftur
Sjáumst
Magnús G.