verð á LAND ROVER !!

þú færð miklu fleiri kíló af bíl fyrir sama pening í patrolnum, þannig að í þeim samanburði lítur patrol alltaf betur út.
landroverinn er líka leiðinlegur í varahlutum, því það hefur eiginlega ekkert breyst síðan 1980, svo spennan úr þeim innkaupum er líka farin.
í varahlutunum er verð/kg hlutfallið líka patta í vil, en það slær landroverinn kaldann.

Ætli að það megi ekki skýra verðið á marga mismunandu vegu. Haustið 1997 stóð ég í sömu sporum og þú líklegast. Þá stóð valið í mínum huga á milli Defender Patrol. Munaði óverulega á verði. Á endanum keypti ég Land Rover Defender 110 CSW og sé ekki eftir því. Á þeim tíma kostaði Defender nánast uppá krónu það sama og staðalbúinn dísel Discovery. Í dag munar einhverjum milljónum á þessum tveimur bræðrum, enda ólíkir bílar orðið. LR Defenderinn er einn af fáum fjöldaframleiddum bílum sem er settur saman í höndunum. (handsmíðaður) það gerir hann ma. kostnaðasamari í framleiðslu. Þá þykir mér það hughreystandi að vita að maður fær eingöngu nauðsynlega hluti eins og kram og fjöðrun, þegar maður kaupir LR. Það fer engin hluti kaupverðsins í "nauðsynlegan" annan jeppabúnað eins og rafmagnsrúðuupphalara, og hvað þetta allt heitir. Heldur er hverri krónu varið í það sem skiptir máli. Etv. er þarna komin skýringin á endingu og styrk þessara jeppa. Berið td. saman grind og stýrisgang við annað sem í boði er. Etv. ætti spurningin að hljóða hvar er hægt að spara í hinum jeppunum þannig að þá má búa svona miklu betur þegar kemur að huggulegheitadeildinni. Eitthvað kostar leðrið, öll elektrónikin og dippedútarnir sem prýða plussjeppana. Ekki ætla ég að reyna að sannfæra þig um að LR Defender sé þægilegri, hljóðlátari eða hraðskreiðari en Asíu-jepparnir sem þeir oftast eru bornir saman við. En þeir verða örugglega eldri og eru sterkari en flest ef ekki allt sem hingað kemur og verða með þér á fjöllum löngu eftir að búið er að framleiða niðusuðudósir úr brotajárninu úr Asíujeppunum. (þetta ætti að koma af stað líflegri umræðu)
Santana jeppinn er reyndar einungis örlítið móderniseraður LR framleiddur á Spáni. Hann hefur etv. betur leyst boddý en hefur blaðfjaðrir og eldri útfærslu á hlutum eins og hjólalegum og fl.

Kveðja

Steini

Hér eru ágætis umræður um málið https://old.f4x4.is/new/forum/default.as … ingar/7520
Það eru nokkrar ástæður fyrir dýrleika Land Rover Defender.
M.a. sú að mikið af vinnu við samsetingu og annað fer fram í höndunum. Og það er dýrt ásamt því að hamla afköstum. Sem leiðir það af sér að verksmiðjurnar hafa ekki undan. T.d. var síðast er ég frétti rúmlega 6-8 mánaða bið eftir nýjum bíl í umboðinu. Þannig að þó dýr þá fá víst færri en vilja.
M.a. er 110 bíllinn viðurkenndur sem minivan í london þar sem hann tekur 9 manns, sem gefur honum víst einhver mengunarvarnarleg forréttindi. Sem aftu þýðir að Upparnir í UK hafa verið að kaupa þá í stórum stíl, þar sem sportbílar þeirra hafa ekki sama forgang.
Enda eru verksmiðjurnar búnar að reyna lengi að breyta bílnum og gera "nútímalegri" og ganga svolítið í áttina með 2007 módelinu sem væntanlegt er næsta vor hef ég heyrt. Þá m.a. með nýja FORD vél og aðrar misvinsælar nýjungar.

Málið er að markaðurinn þar sem Defender er og hefur verið hvað sterkastur Ástralía/Afríka og aðrir álíka afskekktir útnárar. Vilja hafa bílin einfaldan áfram þannig að einfalt sé að gera við hann ekki síst þar sem langt er til siðmenningar oft á tíðum. Og tölvutengjanlegir verkstæðistölvunördar ekki beint á hverju strái.

Hérlendis virðast menn hanga lengi á sínum bílum og skipta þeim ekki gjarnan út, enda lítið framboð af þeim notuðum að því er virðist. Ein ástæða þess er sú að þetta eru einstaklega umhverfisvænir bilar þ.e. þeir eru með all "replaceable" og því sem skipt er út. Má fá varahliti á tiltölulega lágu verði ekki síst þegar miðað er við aðra jeppategundir, ég tala nú ekki um að það sé hægt að fá það yfir höfuð.
Að auki er ódýrara að breyta þessum bilum sökum þess hve einfaldir þeir eru. Og tiltölulega ódýrt að gera við, einfaldlega vegna þess hve einfaldir þeir eru.

Hönnunin er "tímalaus" þannig að 10 ára gamall bill lítur ekki út eins og 10 ára gamall bíll. þannig að ekki þurfa menn að eltast við að fá sér þennan með nýja laginu á 3-4 ára fresti.
Sumir vilja meina að 70% allra Land Rover bíla sem framleiddir hafa verið séu enn í notkun, af hverju skyldi það nú vera. hlýtur að vera einhver góð ástæða.
En svo má ekki gleyma lykilatriðinu að mínu mati, og það er "Þrillið" sem er kannski ekki auðvelt að skýra út nema að upplifa. Á sama hátt og Harley Davidson og Ferrari, þ.e. hrátt lo-tech og hávaðasamt..en upplifunin er það sem málið snýst um.
Þegar upp er staðið verða menn bara að upplifa þetta. Og þegar á hólminn er komið þá vill maður einfaldlega ekki fara til baka í aðra bila, þrátt fyrir ýmsar kenjar og karaktereinkenni sem sumir vilja nefna galla.

En ég viðurkenni að svona í fyrsta samanburði þér er þetta svolítið sjokkerandi verð þ.e. standard LR Defender í samanburði við Luxus Pajero.
En þegar upp er staðið er líklegra að endingin í LR verði mun lengri.

En fyrir mig er þetta ekki einu sinni valkostur, mér dytti ekki í hug að skipta Defendernum út, hvað þá fyrir Patrol ;o)

Og af hverju að skipta einhverju út ef það virkar og það vel og á eftir að gera um ókomna framtíð.

…hvernig getur maður endað uppi með 7 stk. af bíl sem maður "mundi aldrei fá sér"

Þú veist að þú ert stoltur landrover eigandi þegar:

Þú ert að keyra í mótvindi og Defenderinn á eitthvað erfitt með upptök.

Þú ert að keyra í meðvindi og Defenderinn tekur frammúr öllum.

Þú ert að keyra í hliðarvindi virkar miðstöðin eftir vindkviðum ekki stillingum.

Þú ert að keyra í myrkri og þú sérð aðeins bílinn fyrir framan þig í baksýnisspeglinum.

Ef að allt virkar og sýnist vera í lagi… þá er eitthvað að.

Ég er stoltur Land Rover eigandi og hef ég aldrei átt skemmtilegri bíl á ævinni, hann er með sál og lætur allveg vita af því að hann sé með hana.

Þegar þú eignast Land Rover veistu að hann er PRICELESS.

Ef það er kalt er honum kalt.
Ef það er rigning þá lekur allt nema pollagallinn.

Síðasti ræðumaður fær aftur frá mér HEYR HEYR