This topic contains 8 replies, has 1 voice, and was last updated by 
-
Topic
-
Sælir,
Ég hef verið að kanna verð á breytingu fyrir bílinn, sem er af gerðinni mmcL200,og það sem kemur mér heldur mikið á óvart er verðmunur á milli fyrirtækja,
það er orðið svo að maður gleypir bara loft þegar sumar tölurnar eru nefndar,ódýrasta verðið sem ég fékk uppgefið er 547.000 kr.Þetta segir manni svolítið að hugsa sig um og hvort ekki sé betra að kaupa breyttan bíl.
En ég sá verð á breytingu á heimasíðu toyota fyrir Hilux 35″,Verð rúm 800.000 kr.
Fyrir það verð fæ ég 38″breytingu á minn bíl,
miðað við ódýrasta verð sem uppgefið var.Eru þetta virkilega svona dýrar breytingar eða er verið að leggja svona mikið á þetta,
Gaman væri ef einhverjir hafa skoðun um þetta og gætu jafnvel útskýrt þennan verðmun.
kveðja
JÞJ.
-
Replies
-
Sæll JÞJ.
Það er nú þannig í þessum breytingabransa, að það er nauðsynlegt að gera verðsamanburð áður en ákvarðanir eru teknar. Eins og þú segir sjálfur, þá er með ólíkindum hvað það munar oft miklu á verði á hlutum og vinnu.
Hins vegar er það nú líka þannig að margir sem fást við að breyta jeppum keppast við að bjóða sem allra lægst verð (stundum alveg furðulega lág) en skila vinnu og útfærslum í fullkomnu samræmi við verðin. Það er nefnilega stundum þannig að þú færð það sem þú borgar fyrir (hvorki meira né minna). Það er því alls ekki alltaf skynsamlegast þegar upp er staðið að taka bara lægsta tilboðinu.
Aðferðir og vinnubrögð skipta að mínu viti meira máli þegar upp er staðið. Ég hef sjálfur séð suður frá aðilum sem gefa sig út fyrir að breyta bílum, sem 10 ára barn hefði skilað betur frá sér svo dæmi sé tekið. Margir hafa lent í endalausum vandræðum með skjálfta og vandræði í stýrisgangi sem breytingaaðilinn gat á engan hátt náð í lag, fyrr en eftir að annar aðili útfærði breytinguna öðruvísi (rétt).
Það er því að mörgu að hyggja í þessu efni og varla skynsamlegt að láta dýran bíl í hendurnar á þeim sem þú þekkir lítið til, bara til að spara einhverja þúsundkalla og fá svo bílinn ómögulegan til baka. Þú skalt spyrjast fyrir áður en þú velur þér verkstæði til að láta breyta fyrir þig.
Ferðakveðja,
BÞV
Já þetta er skrítinn heimur og einnig jeppabreytingaráráttan okkar. Hver hefur ekki lent í því að fá ekki neitt fyrir breytinguna er maður loksins selur bílinn.
Veit að Aron í Jeppaþjónustunni er með góð verð í þessar breytingar, en hann er örugglega sammmála mér í því að það er nánast sama vinna og peningur að breyta bíl fyrir 35 eða 38 tommur.
Td er ég að reyna að selja minn gamla á 450.000 kr og sumum finnst það mikið, en eru samt að spá í að kaupa sér einn svipaðan (óbreyttan) á 250 – 300.000 kr og breyta sjálfur.. Þetta skil ég ekki heldur. Notuð dekk og felgur á 120.000 kr. Eiga þá allt hitt eftir og enda svo í 900.000 kr.
Kv
Palli
Anonymous- Umræður: 0
- Svör: 16404
Sæll JÞJ
Ég skoðaði þetta líka alveg helling áður en ég lét breyta Pattanum mínum, og það er sko alveg hellings munur á breytingum. Ef ég væri þú þá mundi ég vilja fá að vita hverju er breytt og hvernig og eins hvernig dekk á að nota og hvernig felgur, þar er einhver verðmunur á milli tegunda!
Þetta er alltaf spurning hvað ertu að fá fyrir peningin!!!
Lægsta verðið er endilega ekkert best og heldur ekki það hæsta!!Kv
Steini
Sælir.
Þakka svörin frá ykkur.
Ég talaði einmitt við Aron í jeppaþjónustunni eftir að ég sá dömuna hans þorra og einnig jóa,
Glæsilegir bílar.
Aron var einmitt með verðið sem ég gaf upp 547.000 krEn ég ættla að huga vel að þessu áður en ég læt verða af þessu.
kveðja
JÞJ.
Anonymous- Umræður: 0
- Svör: 16404
Verð á breytingum geta verið mjög rokkandi ,en oftast liggur það að mestu leyti í því hvaða hlutir eru notaðir (dekk,felgur og kantar)Vinnan er ekki ósvipuð í verði á flestum stöðum.Mismunandi útfærslur eru líka notaðar og þá geta verðin rokið upp til dæmis ef menn láta klippa mikið til,í stað þess að hækka bílinn upp.
Ef þessi L200 eigandi er að leita eftir nokkurnveginn standard breytingu (upphækkun,aurhlífar,stálfelgur,35"dekk,brettakantar málaðir og ásettir,hlífðarfrauð í kanta
,hraðamælisstillir,hjólastilling,sérskoðun,slökkvitæki,
sjúkrakassi,úrklipping og ryðvörn).
Þá er verðið hjá okkur á þessum pakka 490.000 með virðisauka.
Svo er endalaust hægt að bæta við"álfelgur,dráttarbeisli sílsabretti,grindur,kastarar og fleira".
Hvort að mitt verð er betra eða verra en hjá öðrum veit ég ekki,því að ég veit ekki hvernig aðrir pakkar er samsettir.
En ég mæli með því að menn geri verð og gæðasamanburð og passi sig á því að tilboðin séu skrifleg og að þar komi skýrt fram hvað skal gera við bílinn og hvaða hlutir verði notaðir.Plúsinn við það að láta breyta bílnum sínum í stað þess að kaupa breyttan bíl er sá að menn eru með nýja hluti í höndunum og vita í flestum tilfellum hvað verið er að fjárfesta í,í stað þess að kaupa notaðan breyttan bíl sem jafnvel hefur fengið misjafna meðferð og er orðinn slitinn.
Fyrir utan það hversu gaman er að aka um á fallegum nýbreyttum bíl.Garðar Gunnarsson
Bílar& Hjól
Reykjanesbæ
Fyrir 35" dekk er dugir yfirleitt að hækka boddy um 5 sm. Þá þarf ekki sérskoðun með skjúkrakassa og slökkvitæki. En það er æskilegt að lækka hlutföll, í marga MMC er hægt að nota hlutföll úr 87-90 L300 4×4 með 2 lítra bensínvél, þau eru 1:5.285. Nú veit ég ekki hver orginal hlutföll i L200 eru, en það er ekki ólíklegt að með þessum hlutföllum verði hraðamælisskekkja innan tilskilinna marka.
-Einar
Sæll Garðar (bogh)
Ég vil byrja á því að þakka þér fyrir að koma með þessar upplýsingar þar sem ég bara vissi ekki af ykkur suður frá,
En þetta er einmitt það sem ég er að leita eftir fyrir utan að það er alltaf fallegra að hafa álfelgur fyrir mitt leyti.Þó svo að það er alltaf hægt að fá þær seinna.
Ég verð bara að fá að koma með bílinn til þín og fá þig til að skoða hann og síðan ræðst það hvað verður,
Því eins og málið lýtur út fyrir mér lýsir þú því akkúrat í þínu svari, með það kaupa notaðan bíl veit ég ekki hvað er í lagi og hvernig meðferð bíllinn hefur fengið,sem mér finnst skipta höfuðmáli.
Þess vegna er ég að leita eftir verð samanburði á breytingum því ég veit í hvaða ástandi bíllinn minn er í.
þar sem hann er búinn að þjóna mér í 3 ár.kveðja
JÞJ.
Sæll eik
Ekki er ég klár á því hvað hlutföll eru í bílnum en þetta er ekki galin hugmynd,pældi ekki í þessu.
En hraðamælirinn vil ég hafa réttan þar sem ég er ekki alltaf að keyra hægt,en eins og ég hef sagt þygg ég allar skoðanir og best er að hafa sem flestar.Bara að fá bílinn sem best breyttan fyrir gott og sanngjarnt verð.
kv,JÞJ
You must be logged in to reply to this topic.