Veltu vangaveltur

Undir með Hjalta ,þetta er þörf umræða og full ástæða til að gera eitthvað rótækt í þessum málum,Láta gera spurningarlista sem lagður yrði fyrir tryggingarfélögin og fá svo fulltrúa þeirra á mánudagsfund og svara spurningunum lið fyrir lið.
Kv klakinn

Mér finnst alveg stórgóð hugmynd að stjórn klúbbsins fari vel yfir það hvort svona fundur gæti ekki verið til bóta og enn betra að hún boðaði þá kannski á eftir til fundar við sig til að ræða það sem fram hefði komið á fundinum og hvernig þeir hygðust mæta því. Er ekki fullt af lögfræðingum í klúbbnum sem gæti verið á slíkum fundi til að halda þeim við efnið?

FÍB Trygging – keyrir niður kostnaðinn

Félag íslenskra bifreiðaeigenda er með samning við Vörð – Íslandstryggingu., um að bjóða félögum FÍB Tryggingu. FÍB Trygging er heiti á tryggingarvalkosti þar sem iðgjöld ábyrgðartrygginga, kaskótrygginga og heimilistengdra trygginga eru í flestum tilvikum hagkvæmari en hjá öðrum tryggingafélögum.

Með því að bjóða FÍB Tryggingu sem valkost vonast FÍB til að stuðla að öflugri samkeppni í bílatryggingum. Iðgjöld bílatrygginga stórhækkuðu þegar FÍB Trygging hjá Lloyd´s hætti að vera valkostur á markaði. Með samningnum um FÍB Tryggingu hjá Íslandstryggingu hafa viðbrögð markaðarins verið á þann veg að iðgjöld bílatrygginga hafa lækkað um tugi prósenta. Enn sem fyrr hefur innkoma FÍB Tryggingar áhrif á markaðinn neytendum til hagsbóta.

Vörður Íslandstrygging er íslenskt tryggingafélag sem fékk starfsleyfi þann 30. júlí 2002. Vörður Íslandstrygging býður allar hefðbundnar tryggingar fyrir einstaklinga og fyrirtæki. Sérstaða Varðar Íslandstryggingar er m.a. fólgin í því að félagið nýtir sér þjónustu vátryggingamiðlara til að koma á viðskiptum. Slíkt fyrirkomulag tryggingaviðskipta er mjög algengt á meginlandi Evrópu og hefur þar stuðlað að lægri iðgjöldum vegna aukinnar samkeppni tryggingafélaga.

FÍB trygging stendur til boða fyrir alla félaga í FÍB. Bíleigendur geta skipt um tryggingarfélag þegar núverandi tryggingartímabil er útrunnið eða þegar bifreið er keypt. Segja þarf tryggingunni upp með minnst eins mánaðar fyrirvara áður en nýtt tryggingatímabil hefst.

Það er skoðun FÍB að virk samkeppni komi neytendum alltaf til góða. Skortur hefur verið á samkeppni í bifreiðatryggingum frá því að FÍB Trygging hjá Lloyd’s hætti haustið 2000 en nú er lag til að hafa áhrif á markaðinn. Með því að fylkja sér um FÍB Tryggingu geta bíleigendur tryggt eigin hag og fest hagstæðari iðgjöld í sessi.

Samningur FÍB og Varðar Íslandstryggingar tryggir félögum í FÍB að jafnaði betri kjör í bifreiðatryggingum og fleiri tryggingum samanborið við kjörin sem öðrum bjóðast á markaðnum hér á landi. Þeir sem eru skuldlausir félagar í FÍB njóta þessara sérkjara og eiga rétt á að fá útgefið vátrygginga-skírteini hjá FÍB Tryggingu.

Aukinn bílaleiguréttur og 50% lægri eigin áhætta!

Stórlækkuð sjálfsábyrgð í kaskótryggingum bíla!

FÍB Tryggingartakar bera nú (október 2005) lægri sjálfsábyrgð á kaskótryggingum bifreiða, komi til tjóns. Þetta virkar þannig að þeir sem eru með FÍB Tryggingu og borga iðgjald miðað við 80.000 króna sjálfsáhættu í kaskótryggingu bifreiða, þurfa aðeins að borga 40.000 kr. komi til kaskótjóns. Til viðbótar njóta FÍB félagar sem fyrr eftirfarandi vildarkjara:

Félagi sem eingöngu ábyrgðar- og kaskótryggir bifreið hjá FÍB Tryggingu nýtur bílaleiguréttinda vegna kaskótjóns í allt að fimm daga.

FÍB félagar sem eru með heimilistengdar tryggingar hjá FÍB Tryggingu bera í tjónstilfellum hvorki meira né minna en 50% lægri eigin áhættu í heimilis- og húseigendatryggingum samanborið við almenna skilmála um eigin áhættu hjá Verði Íslandstryggingu.

Sé reynt að verðmeta þessi sérkjör þá þýða þau, fyrir venjulega fjölskyldu sem býr í eigin húsnæði og á og rekur einn bíl, sparnað sem er að minnsta kosti álíka mikill og fjögur eða fimm félagsgjöld í FÍB á hverju ári. Í þessu sambandi er rétt að geta þess að hagstæðustu tryggingar sem völ er á á Íslandi í dag eru aðeins einn af kostum þess að vera félagi í FÍB

FÍB hvetur félagsmenn sína til að gera verðsamanburð á iðgjöldum trygginga. Eitt símtal getur skilað sér ríkulega. Tryggjum virka samkeppni og ódýrari tryggingar.

FÍB Trygging, Sætúni 8, 105 Reykjavík, sími: 511 6000.

Nýtt og sterkara vátryggingafélag:

Vörður Íslandstrygging

Vörður Íslandstrygging sem vistar FÍB Tryggingu varð til við sameiningu félaganna Varðar vátryggingafélags og Íslandstryggingar. Fyrrnefnda félagið var stofnað árið 1926 undir nafninu Vélbátasamtrygging Eyjafjarðar, síðar Vélbátatrygging Eyjafjarðar. Félagið sérhæfði sig í báta- og skipatryggingum og hefur mikla reynslu á þeim markaði.

FÍB hvetur sína félagsmenn til að gera verðsamanburð á iðgjöldum trygginga. Eitt símtal getur skilað sér ríkulega. Tryggjum virka samkeppni og ódýrari tryggingar.

————————————————
ALKASKÓ – sj.áb. 40-80 þús.kr.
————————————————
2. gr. Það sem vátryggingin bætir ekki

Félagið bætir ekki eftirtalin tjón, er varða einstaka hluta ökutækisins:

a) Skemmdir, er aðeins varða hjól, hjólbarða, fjaðrir, rafgeymi, gler (annað en rúður, sbr. 1. gr ) svo og tjón vegna stuldar einstakra hluta ökutækisins.

b) Skemmdir á rafbúnaði ökutækisins, er hljótast af skammhlaupi, sem ekki veldur eldsvoða.

c) Skemmdir á strokkum, kæli eða öðrum hlutum ökutækisins, er stafa af því, að kælivatnið frýs, eða af öðrum áhrifum veðráttu.

d) Skemmdir af akstri á ósléttri akbraut, hér með talin bilun á ásum, fjöðrum, gírkassa, drifi, rafgeymi og öðrum hlutum í eða á undirvagni ökutækisins, skemmdir vegna þess, að hreyfillinn bráðnar saman, skemmdir á undirvagni, sem hljótast af því, að ökutækið tekur niðri á ójöfnum akbrautum, svo sem hryggjum eftir veghefla, jarðföstu og lausu grjóti á akbraut eða við akbrautarbrúnir. Einnig skemmdir, er verða þegar laust grjót hrekkur upp undir ökutækið í akstri.

e) Skemmdir á hvers konar aukaútbúnaði ökutækisins, t.d. tengivögnum, farsímum, lóran, talstöðvum, vörulyftum og krönum vörubifreiða, máluðum auglýsingum, lausum toppgrindum o.s.frv., nema um annað sé samið.
———————————————
3. gr. Undanskildar áhættur
Félagið bætir ekki tjón, er verða á ökutækinu við þær aðstæður eða með þeim hætti, sem hér greinir:

a) Skemmdir, sem verða þegar ökutækið er notað til annars aksturs en þess, sem getið er í vátryggingarskírteininu.

b) Skemmdir, sem verða þegar ökutækinu er ekið af þeim, sem ekki hefur gilt ökuskírteini fyrir ökutækið og notkun þess.

c) Skemmdir af ásettu ráði eða sakir stórkostlegs gáleysis ökumanns og/eða vátryggingartaka. Hafi ökumaður valdið tjóni af gáleysi, sem þó telst ekki stórkostlegt, má félagið draga 5% frá tjónsbótum.

d) Skemmdir, sem orsakast af ófullnægjandi viðhaldi ökutækisins (ryð o.fl.), eða það reynist vera í svo slæmu ástandi, að notkun þess hafi verið óheimil af þeim sökum.

e) Þegar ökumaður vegna undanfarandi neyslu áfengis, æsandi eða deyfandi lyfja telst ekki geta stjórnað ökutækinu eða vera óhæfur til þess, sbr. ákvæði umferðarlaga.

f) Skemmdir vegna kappaksturs, aksturskeppni eða reynsluaksturs, nema um annað sé samið.

g) Skemmdir við akstur á vegum eða vegarköflum, þar sem bannað er að aka ökutækjum samkvæmt fyrirmælum réttra yfirvalda, svo og skemmdir við akstur yfir óbrúaðar ár og læki, um fjörur, forvaða eða aðrar vegleysur. Þó bætast skemmdir á ökutækinu, ef það sannast, að þær verða, þegar ökumaður hefur orðið að fara út fyrir akbraut, t.d. vegna viðgerðar á akbrautinni.

h) Skemmdir af göllum í smíði eða gerð, broti eða af annarri skyndilegri bilun í ökutækinu. Þó bætast skemmdir, sem hljótast á öðrum hlutum ökutækisins ef bótaskyldur atburður hlýst af þessum sökum.

i) Skemmdir af óspektum, óeirðum, uppreisn og hernaði.

j) Skemmdir sem stafa af öðrum náttúruhamförum en þeim, sem um getur í 1. gr., svo sem flóðbylgjum af sjó og flóðbylgjum sem stafa af jarðskjálftum og/eða eldgosum.

k) Skemmdir, sem verða er kjarnorka leysist úr læðingi.
.
——————————————————————–
UTANVEGAKASKÓ – sj.áb 270 þús. kr. – gjald 5.000 kr./ári
——————————————————————–
Almennir skilmálar Al-kaskótryggingar félagsins undanskilja áhættur þegar almenn ökutæki aka utan vega.

Í 3 gr. g lið skilmála segir:

"Skemmdir við akstur á vegum eða vegarköflum, þar sem bannað er að aka ökutækjum samkvæmt fyrirmælum réttra yfirvalda, svo og skemmdir við akstur yfir óbrúaðar ár og læki, um fjörur, forvaða eða aðrar vegleysur."

Hægt er að fá hjá félaginu viðauka við almenna kaskótryggingar gegn viðbótargjaldi þar sem kveðið er á um að vátryggingin gildi í akstri yfir óbrúaðar ár, læki, fjörur, forvaða og aðrar vegleysur.

Þessi trygging er nauðsynleg fyrir þá sem nota ökutæki sín til akstur utan vega, fara til dæmis í jeppaferðir á jökla, fara yfir óbrúaðar ár og þess háttar. Ekki þarf að taka þessa tryggingu á vélsleða eða fjórhjól, þar sem kaskótryggingar þeirra eru miðaðar við akstur utan vega.
—————————————————–
Úr þessum skilmálum má lesa allt sem þurfa þykir varðandi þessa tryggingu, t.d. að vélar, drifrás, undirvagn, dekk og fjöðrunarbúnaður er aldrei bætt. Annars finnst mér það bara nokkuð skýrt hvar utanvegakaskó gildi og fyrir hvað.
.
kveðja
Agnar

[i:3tl2h453]" k) Skemmdir, sem verða er kjarnorka leysist úr læðingi."[/i:3tl2h453]

Það er sko hugsað fyrir ÖLLU hjá þessum köllum

sorry rangur þráður
kv:kalli þráðlausi