This topic contains 3 replies, has 1 voice, and was last updated by 
-
Topic
-
Tekið af mbl.is
„Ég er búinn að fá óvenju margar ábendingar um gangtruflanir í bensínbílum síðan um áramót,“ segir Leó M. Jónsson véltæknifræðingur í samtali við Morgunblaðið í dag.Leó heldur því fram að olíufélögin flytji inn lélegra bensín en áður og gæðaeftirliti með innflutningi þess sé ábótavant. Hann segir þessar bilanir kosta bíleigendur stórfé. Samkvæmt sínum upplýsingum frá bílaumboðum séu þessar truflanir raktar til eldsneytisins.
Leó, sem skrifar reglulega um bílamál í aukablað Morgunblaðsins, Finnur.is, hefur komið ábendingu um þetta á framfæri við FÍB, Félag íslenskra bifreiðaeigenda. Í umfjöllun um mál þetta í Morgunblaðinu í dag segir Runólfur Ólafsson, framkvæmdastjóri FÍB, að þetta verði kannað nánar. Hann tekur undir með Leó að svo virðist sem brotalöm sé á eftirliti með innflutningi á eldsneyti.
Strangar gæðakröfur
Herbert Herbertsson, tæknisérfræðingur hjá N1, segir bensíninnflutning fara fram eftir ströngum gæðakröfum samkvæmt samevrópskum reglum, en bensínið er keypt inn beint frá Statoil í Noregi. Efast hann stórlega um að gangtruflanir í bílum megi rekja til eldsneytisins en öllum sé velkomið að láta kanna innihald þess nánar sem N1 flytur inn.Jóhann Þorsteinsson, verkstæðisformaður hjá Toyota, segist kannast við þessar bilanir og þær megi mögulega rekja til eldsneytisins. Hann geti þó ekki fullyrt um það. Jóhann segir umboðið ekki hafa fengið marga bíla til sín út af þessu, innan við tíu.
http://mbl.is/frettir/innlent/2011/02/19/veldur_gallad_bensin_bilunum/
-
Replies
-
Þetta er satt og rétt að hluta til a.m.k. Það bar mikið á þessu í júlí, ágúst og september, mun minna eftir það. Í stuttu máli þá var flutt inn ómerkilegt bensín með lága oktan tölu sem var leiðrétt með oktan booster (bætiefni sem sett er út í bensínið). þetta bætiefni myndaði rauða útfellingu á kertum og súrefnisskynjurum og í einhverjum tilfellum skemmdi það spíssa. Er í tímaþröng núna en skal lýsa þessu betur seinna.
Freyr Þórsson, bifvélavirki hjá B&L-Ingvar Helgason
Ég lenti í þessu á mínum Pajero V6 í júlí þegar ég fór að taka V power bensín. Ég tók 3 tanka minnir mig á júlí og ágúst og fann fyrir gangtruflunum í hægagangi. Ég hætti þá að nota v power og þá lagaðist þetta hægt og rólega og svo varð bíllinn eðlilegur á ný. Skeljungur hafði engin svör við þessu þegar ég leitaði til höfuðstöðvanna.
Ég er einn af þeim sem sendi Leó póst um daginn vegna lausagangstruflana í súkkunni hjá mér.
Hann benti mér á að setja fyrst ísvara í bensínið áður en lengra væri haldið, en við það steinhættu öll vandamál.
Hann sagði að þetta mætti rekja til mikils raka í loftinu undanfarið en auk þess held ég að geymsla bílsins inn í bílskúr allar nætur, auki rakamyndunina.Við þetta má bæta að ég hef aldrei áður notað ísvara á þennan bíl eða aðra sem ég hef átt í gegn um tíðina, né lent í gangtruflunum í einhverjum mæli.
Þess vegna mætti draga þá ályktun að eitthvað sé varhugavert við bensínið.
You must be logged in to reply to this topic.