This topic contains 5 replies, has 1 voice, and was last updated by 
-
Topic
-
Sælir bensínkallar
Ég er með gamlann 3.3 patta og hef verið að spá í langann tíma að skifta um hjartað og bensínvæða fara í 350 chevi og setja hann upp sem togmótor hvað segja menn um eyðslu í bíl sem er um 2.8-3 tonn og 44″-46″ dekk 4:88 drif er ekki mikil hætta á hitavandamálum í þungu færi með svona mótor. Ég ætla að nota gírkassana úr pattanum sem passar mjög vel á kúplingshúsið á chevi því þá næ ég að halda lólóinu ekki vil ég sleppa því.
kv Þórir
-
Replies
-
Með góðan vatnskassa, vatnslás sem virkar og rétt stilltan mótor þá sé ég ekki afhverju það ætti að vera hitavandamál. Ég var með 350 með 272 ás (svolítið heitur) í Blazer K5 (reyndar aðeins léttari og á 38") og var með þriggja elementa kassa og það var aldrei hitavandamál. Það er svo hægt að fá stærri kassa að utan. Ég efast um að vélar sem að hita sig ekki í klettaklifri í 40 stiga hita fari að hita sig mikið í kulda í vetrarferðum :o)
Það var til útgáfa af "Small-block Chevy" sem var þekkt fyrir hitavandamál en það var 400 cid útgáfan en það var vegna þess að borunin var orðin svo mikil að það var ekki lengur pláss fyrir almennilega vatnsganga milli sílindrana. 350 cid vélinn er með nóg pláss á milli og ég hef aldrei heyrt að þær væru með hitavandamál.
Hins vegar gera menn stundum þau mistök þegar þeir setja stórar vélar í staðin fyrir litlar að nota áfram vatnskassann frá litlu vélinni og skilja svo ekkert í því að bílarnir fara að hita sig, vélinn þarf að sjálfsögðu vatnskassa sem passar henni.
Talandi um "Small-block Chevy" sem togmótor þá er líklega besta útgáfan af þeim vélum til að nota í jeppa 383 cid. Hún var aldrei til í neinum fjöldaframleiddum bíl en það mun vera hægt að fá hana sem varahlut frá GM og auðvelt er að búa hana til þegar menn eru að smíða svona vélar frá grunni. Hún er þannig að notuð er 350 blokk og 400 sveifarás. Við það verður hún slaglengri sem þýðir meira tog.
Ertu ekkert hræddur við styrkin í patta kassanum?
ekki að ég vilji vera neinn party-pooper, en erum við ekki að tala um einhverja tvöföldun í eyðslu við svona skipti??
3.3 línusexan getur nú ekki verið að súpa mikið og svo þegar því er skipt út fyrir 5.7 bensín V8 rokk þá held ég að þú þurfir að auka heldurbetur við tankaplássið.
…fannst líka skondið að í þessum 3 svörum hérna að ofan er ekki minnst einu orði á eyðsluna, sem er nú að verða soldið stórt issue á þessum síðustu og verstu.
en bíllinn yrði örugglega ekkert leiðinlegur með svona grip í húddinu 😉
Fyrst spurt er um eyðslu þá get ég aðeins miðað við hvað minn Blazer K5 án yfirgírs með 4.88 hlutföll á 38" var að fara með. Hann var að jafnaði að fara með 22-24 á hundraði miðað við skikkanlegan akstur (engan kellingaakstur samt). Það skipti engu hvort ég væri í langkeyrslu eða blönduðum akstri þar sem að bíllinn var á um 2500 rpm á 100 km hraða (lág hlutföll og enginn yfirgír). Ég pældi aldrei í hvað hann eyddi í hjakkinu en það var ekkert svakalegt (en mælt sem lítrar á hundraði hefur eflaust verið mikið án þess að það hafi truflað mig).
Og ég mældi eyðsluna þannig að ég fyllti tankinn alltaf og setti lítratölu og mílutölu í excel skjal þannig að þetta voru ekki tölur útí loftið (hann eyddi reyndar gott meiru þegar ég fékk hann, eftir að ég var búinn að laga bensínleka, skipta um kerti og þræði þá datt hann niður í eyðslu).
Vélin var með Edelbrock Q-jet (var þá almennt að vinna á litlu hólfunum en opnaði stóru hólfin við inngjöf) en það má vera að Holley dp hefði skilað hærri eyðslu.
You must be logged in to reply to this topic.