This topic contains 4 replies, has 1 voice, and was last updated by 
-
Topic
-
AnonymousVegna skrifa félagsmanna.
Ég er nú hlynntur því að menn geti skrifað frjálslega hérna á spjallinu. En það er þó ekki sama hvernig það er gert. Stjórn klúbbsins hefur orðið fyrir því oftar en einu sinni, að þurfa að hlusta á kvartanir vegna skrifa manna hérna á vefnum og einnig vegna sms og meila.
Nýjasta dæmið er, þegar Skúli H Skúlason og Benedikt Magnússon heimsóttu sýslumann á Selfossi. Hluti fundarins fór í það að ræða dónalegar sendinga til sýslumanns, áður en komið var að merg málsins. Þ.a.s hagsmunarmálum jeppamanna. Það liggur í hlutarins eðli að það eru ekki gott að hefja fund á þeim nótunum.
Ég er að hefja máls á þessu núna vega þess að þetta virðist hafa færst í vöxt, eða allavega verðum við meira vör við slíka hluti í dag.
Ég vona að þeir taki til sín sem eiga.
-
Replies
-
Þræðir hér virðast almennt vera stofnaðir í "handahófs" flokki. Hefur vefmynd auðveldan aðgang að því að bjarga þráðum sem eru komnir á þessa braut sem Ofsi nefnir undir "Innanfélagsmál" til að draga úr þessum vanda? Ég fékk t.d. í dag póst frá aðila sem var að lesa umræðu hér á vefnum, alls ótengdur f4x4 en greinilega að fylgjast með af hliðarlínunni.
Hitt, þætti vefnefnd úr vefi að breyta robots.txt með þeim hætti að banna skriðkvikindum leitarvélanna að indexa skrár sem eru undir "new/profile" ? Eða jafnvel loka hluta persónuupplýsinga (s.s. heimilisfang og símanúmer) svo aðeins skráðir notendur (jafnvel bara félagsmenn) geti séð. Ef maður t.d. "gúgglar" fullt nafn einhvers félagsmanns er mjög líklegt að á topp 5 verði upplýsingarnar hans, farsímar, heimilisfang og ýmislegt fleira. Mér persónulega er sama um þetta en get ímyndað mér að þetta þyki einhverjum óþægilegt.
Mbk
Tryggvi R. Jónsson reporting live from Akureyri
Ég get staðfest þetta sem Jón vísar til að upphaf umrædds fundar fór í að okkur voru sýnd all misjöfn skeyti sem sýslumanninum hafa borist. Sum auðvitað málefnaleg þar sem einfaldlega var bent á góð rök í málinu en önnur síður til þess fallin að styrkja málstað okkar. Það versta er þegar menn senda slíkt og kynna sig sérstaklega sem félagsmenn í klúbbnum. Stóryrt og jafnvel dónaleg skeyti, eða eigum við að segja skeyti þar sem reiði stýrir stílþrifum, gera í raun ekkert annað en torvelda baráttuna fyrir málstað okkar. Þetta á bæði við um það sem skrifað er hér á vefinn og það sem menn senda beint til ráðamanna eða annarra sem tengjast málum.
Staðreyndin er sú að við höfum gríðarlega góð rök og málefnastöðu í málum sem tengjast ferðafrelsinu og það getum við nýtt okkur. Það sem þarf til þess að það gangi er að halda þessum rökum á lofti með málefnalegum hætti og vera opin fyrir öllum hliðum málsins. Ómálefnalegur málflutningur hleypir hins vegar upp kergju og þá verður oft erfiðara að komast í gegn með röksemdirnar. Við þurfum að skapa og viðhalda þeirri ímynd að Ferðaklúbburinn 4×4 standi fyrir málefnalega og skynsama umfjöllun um þessi mál öll. Þannig náum við bestum árangri, stóryðrin eða fullyrðingar um að þessi eða hinn sé hálfviti hjálpar okkur ekki.Kv – Skúli
Ég tek undir það að skrif þurfi að vera málefnaleg.
Hins vega þykir mér þessi vörn sýlumanns vera veik, hann er bara að nota þekkta aðferð þeirra sem hafa veikan málstað að verja til að beina athyglinni frá því sem þeir vilja ekki ræða.
Ég furða mig í sjálfu sér ekki á því að maðurinn fái ófáguð skeyti, skiljanlegt að menn missi stjórn á skapi sínu yfir svona aðförum. Þó er betra (til að andstæðingar okkar geti ekki reynt að gera sig að píslavottum eins og í umræddu tilviki) að reyna að hemja sig og lesa allt 3 áður en ýtt er á send og anda 10 sinnum á milli.
Fyrst farið er að ræða þetta á innanfélags spjalli:
Kom fram á umræddum fundi hvort sýslumannsembættinu virðulega sé kunnugt um að um tveim mánuðum eftir að hann kærði strákana óku ca 3 landsþekktir einskalingar á nær sama staða og ca jafnmikið utanvega og strákarnir?
Ef svo er, kom fram á umræddum fundi hvort hann ætlar að rannska málið og kæra þessa menn til að halda trúverðuleika sínum ?
(ég tek það fram að þessi umræddu menn gerðu ekkert rangt að mínu mati, þetta undstrikar bara ofstæki sumra gegn tilteknu fólki)
Snorri
Ekki skal ég segja til um hvaða skeyti sýslumaðurinn hefur fengið persónulega í tölvupósti eða með öðrum hætti, en hitt veit ég að það hefur held ég eingöngu verið skrifað um hann hér á vefnum með tilhlíðilegri virðingu.
Menn uppskera eins og þeir sá.
Kv.
Glanni
You must be logged in to reply to this topic.