This topic contains 1 reply, has 1 voice, and was last updated by 
-
Topic
-
Ég verð að vekja athygli á grein í sunnudagsblaði Moggans um Kjalveg. Þar ritar Gísli Sigurðsson áhugaverða grein um þetta mál, en það er nokkuð ljóst að þessi maður hefur ekki hlustað á röksemdarfærslur 4×4 fyrir því að þessi vegur verði ekki byggður. Þetta er góð og vel skrifuð grein sem menn ættu að lesa, enda er þarna verið að fjalla um láglendisvæðingu hálendis íslands, og það er eitt að stærstu hagsmunamálum 4×4, að ekki verði lagðir malbikaðir trukkavegir um allt hálendi íslands.
Ferðakveðja
Hálendisnefndin
-
Replies
-
Vel hægt að viðurkenna að greinin er vel skrifuð og alltaf gaman að lesa greinar þar sem menn skoða málin frá mismunandi hliðum.
Það eru einkum tveir punktar þarna sem mér finnst fela í sér hugsanavillu. Annars vegar talar hann um að með tilliti til náttúrufegurðar og ferðamennsku væri mikill ávinningur ef nýr vegur yrði lagður vestan og norðan við Kjalhraun. Þetta eru í raun öfugmæli, það væri einmitt verra að fá veginn þangað sem náttúrufegurðin er mest. Þessi vegur er flutningsleið en ekki ferðamannavegur og þessar tvær tegundir vega eiga litla samleið. Uppbyggð hraðbraut í gegnum náttúruperlur verður ekki til þess að gefa fólki möguleika á að njóta náttúrunnar heldur þvert á móti. Hinn punkturinn er þessum skildur og það er sú fullyrðing sem oft hefur komið fram í þessari umræðu að með þessari vegagerð væri verið að gefa miklu fleiri landsmönnum tækifæri til þess að sjá og njóta þeirrar sérstæðu fegurðar sem menn upplifa á hálendinu. Þetta fellur raunar alveg á sömu rökum, þú gefur ekki fleirrum tækifæri á að njóta með því að eyðileggja það sem á að njóta. Ég fullyrði að allir sem vilja njóta hálendisstemningar á Kili geta það í dag, án þess að farið sé í meiri vegabætur. Eða hve margir upplifa hálendisstemningu á Holtavörðuheiði?
Sennilega ekki aðrir en rjúpnaskyttur og smalar.
Kv – Skúli
You must be logged in to reply to this topic.