Vegakort 4×4 ???

Það hafa nú þegar farið fram heilmiklar umræður um þessi mál hér á vefnum, á félagsfundum og eins var fjallað um þessi mál í síðasta landsfundi – en það er það apparat innan klúbbsins sem á að vera stefnumarkandi fyrir starf hans.

Þau sjónarmið sem hafa komið fram í þessum umræðum hafa flest öll verið tekin með í reikninginn og við reynt að koma þeim sem best á framfæri. Það er hins vegar ekki trúverðugt að koma fram með svo mörg sjónarmið og stefnur að engin viti í raun hver reunveruleg stefna okkar er. Því höfum við í okkar vinnu haldið á lofti þeirri hugmynd að best væri ef hægt væri að hverfa aftur til þess tíma er mönnum var treyst til að virða náttúruna. EN við gerum okkur hins vegar líka grein fyrir því að það eru mjög fáir sammála okkur og flestir sem að þessum málum koma telja að skilgreining slóða eftir notkun og veghaldi sé það sem koma skal og því viljum við vera skrefinu á undan og vera búin að vinna þessa vinnu þegar kemur að því að stjórnvöld fara af stað. Þannig tryggjum við að okkar sjónarmið komist sem best til skila.

En eins og Jón segir þá eru málin í vinnslu og á viðkvæmu stigi eins og er. Við munum hins vegar kynna það sem við erum að gera um leið og það er tímabært.

Benni

Sælir félagar!
Gott að fá upp eftirfarandi frá formanni vorum;
"EN við gerum okkur hins vegar líka grein fyrir því að það eru mjög fáir sammála okkur og flestir sem að þessum málum koma telja að skilgreining slóða eftir notkun og veghaldi sé það sem koma skal og því viljum við vera skrefinu á undan og vera búin að vinna þessa vinnu þegar kemur að því að stjórnvöld fara af stað. Þannig tryggjum við að okkar sjónarmið komist sem best til skila."
Ditto!!! Þetta er akkúrat það sem ég er búinn að vera að reyna að segja, síðan á síðustu öld en e.t.v. kem ég hlutunum ekki vel frá mér. Þetta snýst um að vera skrefinu á undan, til þess að geta tekið örugga forystu til farsælla hluta þegar kallið kemur frá stjórnvöldum, hvort sem það eru ráðherrar, misvitrir sýslumenn eða spilltir lögreglumenn!
Ferðakveðja, BÞV

Hér er engin að rjúka upp minn kæri Ólsari ( kannski hefur maður farið á flug ) en það er allt annar hlutur he he. Því ég veit að við erum sennilega allir algjörlega sammála, við erum bara svona einstaklega óheppnir að koma frá okkur orði, í þessum þræði. Og svo bætist það við hversu menn eru hræddir um að missa ferðafrelsið. Því sjáum við óvini í hverju skúmaskoti.
Leiðirnar sem við höfum eru heldur ekki neitt sérlega margar eða val okkar mikið. Til þess að ná fram settu marki. En við reynum að nota þá kanala sem eru opnir hverju sinni.

Ég sá allt í einu eitt í innleggi Ólsarans sem er brýnt að svara, en þar segir hann eftirfarandi: ( Jón "Ofsi" Snæland þarf því ekki neitt endilega að rjúka upp á nef sér út af því þótt ég og aðrir sem standa utan innsta hrings beri fram kjánalegar spurningar! ).
Í mínum huga eru ekki til neinar kjánalegar spurningar, við erum stanslaust í þessari sömu stöðu og Ólsarinn, þ.a.s alltaf er eitthvað óvænt að gerast og kemur það úr óvæntustu áttum úr stjórnkerfinu eða frá frjálsum félagasamtökum. Og þurfum við því oft að bera upp svipaðar spurningar. Auk þess mætti bæta því við að stjórnin ef að sjálfsögðu ánægð með það þegar félagsmenn sína þessum mikilvægast málaflokki félagsins áhuga, og stjórnarmenn og umhverfisnefndarmenn finni það að þeir standi ekki einir í barátunni.

Hugmyndir Snorra og Dagnýjar og fleiri eru okkur hvað mest þóknanlegar í stjórninni en af fenginni reynslu þá er ólíklegt að hægt sé að hverfa aftur til fortíðar. Þetta vitum við sem ekki erum fæddir í gær. Það virðist vera nánast lögmál að þegar eitthvað er komið í reglugerðir, lög, skattar eða aðrar álögur, þá er erfitt að hreifa við þeim, alveg sama hversu vitlausar þær eru. Það er einhvernvegin þannig að góðir hlutir gerist hægt í þessu þjóðfélagi en hinsvegar gerast slæmir hlutir stundum hratt. Einsog gerðist með Vegakortið í vor. Vegna ummæla einhverra hérna framar í þræðinum um aðkomu Landmælingar að því. Þá er rétt að geta þess enn einu sinni að ekki er hægt að kenna landmælingum um þann gjörning. Þá ákvörðun verður Sigríður Anna fyrrverandi umhverfisráðherra ein að axla. Enda var það hún sem þurfti á bautastein að halda. Eins og oft gerist við brotthvarf stjórnmálamanna. Sigríður Anna flaggaði því einnig ótt og títt að hún væri í góðum og miklum tengslum við frjálsfélagasamtök, það var bar einfaldlega ekki rétt. Núverandi umhverfisráðherra er hinsvegar einn af þeim sem tekur tillit til frjálsrafélagasamtaka og getur sagt það með góðri samvisku að hún sé í góðu sambandi við okkur og fleiri félagasamtök t,d vélhjólamenn.

Það eru reyndar fleiri í ríkisstjórninni sem hafa staðið sig vel, þegar skoðuð eru samskipti ráðamanna og ferðaklúbbsins. T,d er það ekkert leyndarmál að Siv Friðleifsdóttir hjálpaði klúbbnum mikið þegar unnið var í því að koma vhf málaunum á fjárlög og á hún og Björn Bjarnason heiður skilið fyrir það hvernig þau stóðu að málum. Sama má segja um Geir Haarde í þungaskattsmálunum, hann gaf sér tíma til þess að hlusta og svara bréfum félagsmanna sem er virðingarvert. Því má segja að við höfum ávalt mætt velvilja í pólitískum armi stjórnsýslunar, en hinsvegar höfum við átt á brattan að sækja í embættismannakerfinu og þar þurfum við að koma okkar sjónarmiðum frekar á framfæri og það ætti að geta orðið sátt um það hvernig ber að bera sig að hlutunum, en þá megum við ekki vera jafn þverir og einstaka embættismenn.

Þvermóðskan hefur t,d leitt til þess að ekkert var stikað þetta árið. Sennilega vegna þess að menn nenna hreinlega ekki að standa í því að þurfa sækja um leifi út og suður. Við erum allir sammála um það að stikun sé besta leiðin til þess að koma í veg fyrir það að það myndist villuslóðir og utanvegarakstur því fylgjandi. En þessum rökum eru ekki allir sammála og mætti t,d benda á skýrslu um Vatnajökulsþjóðgarð. En þar kemur fram að halda eigi stikun í lámarki og kemur það því í ljós þegar sótt var um það að fá að stika Bárðargötu að einungis fékkst leifi til þess að stika hluta leiðarinar.

Ég vil taka undir flest sem Ofsi lýsir snyrtilega hér á undan. Umræðan hér er greinilega farin að sjá sameiginlegan "fócus".

Til þeirra sem kvarta undan skorti á upplýsingum, þá vil ég minna á að þrátt fyrir Internetið og spjallrásir, þá er enn til símakerfi sem virkar um allt land (í byggð) og símanúmer stjórnarmanna og nefndarmanna eru á vef f4x4. Þetta nýtti ég með góðum árangri og spjallaði við menn þegar mig vantaði upplýsingar sem ég síðan meltaði áður ég hóf skrifin hér. Einnig er áhrifaríkt að mæta á fundi og spjalla og hlusta. Ekki er hægt að ætlast til að allt sem máli skipti sé sett hér á vefinn, sumt er viðkvæmt og svo er það líka mikil vinna fyrir þá sem eru í forsvari fyrir málum félagsins

Snorri
R16

Sælir félagar.

Ég gleðst yfir þeim jákvæðu viðbrögðum sem þessi umræða á þræðinum hefur skilað – a.m.k. erum við nú betur upplýst um alla þá vinnu og kraft sem stjórn er með í gangi í málinu. Snorri á kollgátuna, síminn virkar vel og þar ræða menn meira en hægt er að setja á spjallið.
Auðvitað eru allir sammála um það sem sem Snorri lýsir, þ.e. að við þurfum að varðveita sem allra best frelsi okkar til að ferðast um landið, þó þannig að náttúran sé virt og henni ekki spillt.

Ferðakveðja, BÞV