Vefsíðan

Það mættu vera sýnilegar síðustu 20 spjallþræðirnir og auglýsingar.
Hvet svo alla til að gera auglýsingarnar sínar óvirkar þegar þær eru ekki lengur gildar. Er kannski hægt að láta þær sjálfkrafa detta út eftir ákveðinn tíma?
Kv, ÓAG.

þeir í vefnefnd skoða þetta öruglega, en það væri líka alveg tilvalið ef það væri hægt að koma því þannig við að myndir sem eru með auglýsingum væru alveg sér. Þ.e. að þegar mynd er sett inn þá væri hægt að haka við hvort hún sé auglýsing eða ekki og ef hún er auglýsing þá birtist hún bara þar.

Ég veit ekki hvort að þetta sé bara eitthvað smáatriði sem maður á ekkert að vera að pirra sig á þegar flett er í mynda albúmi?
K.v. Siggi G

Það á ekki að setja auglýsingamyndir í myndasafnið, heldur beint í auglýsinguna. Það sem ábyggilega vefst fyrir fólki er, að fyrst verður að setja inn aulýsinguna og síðan nota "breyta" möguleikann en þá opnast möguleiki til að setja myndir á auglýsingu.

Listinn yfir spjallþræði var nú lengri fyrir nokkru en síðan styttur aftur, þetta verðu tekið til athugunar. Annars með því að smella á "Spjallsvæði" opnast langur listi.

ÓE Vefnefnd

Það eru aulaleiðbeiningar á auglýsingasíðunni um hvernig á að setja mynd með auglýsingunni.
–
Ég hef reyndar trú á því að menn séu að setja þetta í myndaalbúmið til að fá betri auglýsingu. En það er að sjálfsögðu á kostnað annarra mynda. Ef menn hætta því ekki þá kemur alveg til greina að fjarlægja auglýsingamyndir jafnóðum úr myndasafninu.
–
Ég er ekki sammála því að fjölga sýnishornum af spjallþráðum og auglýsingum á forsíðu. Það munar engan um að smella á annaðhvort "Spjallsvæði" eða "Smáauglýsingar" til að fá allan listann ef þeir hafa misst af einhverju.
–
Bjarni G.
Vefnefnd.

Síðan verður ekki notendavænni við það að fjölga "Virkum umræðum" og auglýsingum á forsíðu. Það fyrsta sem gerist ef þeim er fjölgað er að þá færu þeir að kvarta sem leiðist að "skruna" því auglýsingarnar sæust ekki. Það er vandlifað í þessum heimi og ómögulegt að gera öllum til hæfis
–
Bjarni G.

Ef það er of flókið fyrir meðal tölvumanninn að setja myndir með auglýsingu þá freistast hann til að setja myndirnar í album í staðinn þar sem hún er svo vistuð um ókomin ár.

Ég skil ekki alveg hvernig það getur verið minna vesen að setja mynd í myndasafnið en að setja mynd með auglýsingu. Það er talsvert einfaldara að setja inn mynd með auglýsingu. Ég held að menn séu að setja þetta í myndasafnið til að fá betri auglýsingu.
–
Að sjálfsögðu væri hægt að útfæra þetta allt á einni síðu en fara þá ekki þeir að kvarta, sem vilja ekki hafa myndir, um að ferlið við að setja inn auglýsingu sé orðið of flókið…
–
Bjarni G.

Þessi vefur er í heild óaðgengilegur og flókinn. Gamla vefsíðan var barn síns tíma – og hún var drasl m.v góða vefi í dag. Þessi hér er engu skárri, það eru of margar krókaleiðir að hlutunum, tengingin við gamla hlutann er t.d afar dularfull og nærri gagnslaus.

Spjallkerfið er óaðgengilegt, einungis html fært fólk getur sett hér inn linka, myndir og þessháttar. Fyrir nú utan að stækka letur, feitletra, setja inn tilvitnanir, breyta lit á letri til áherslu os.frv. Að auki er spjallið rassborulega lítið og illa læsilegt fyrir gamamlenni eins og mig. Svona spjallkerfi standa lang best ein og stök og nýta megnið af skjánum. Ég ætla ekki að rekja sérstök dæmi um góð spjallkerfi – þau eru út um allt og kosta slikk.

Mig grunar að nokkur hluti félaga í 4×4 klúbbnum forðist að pósta hér eða nota vefinn akkúrat fyrir þær sakir hvað hann er flókinn og óaðgengilegur. Það er ekki hægt að miða við fólk sem notar tölvur að staðaldri, sem á þó alveg fullt í fangi með að rata um vefinn og botna í honum.

Jæja, þá er ég búinn að vera leiðinlegur, vil taka það fram að ég er ekki að gagnrýna þá sem hafa þó komið þessum vef á lappirnar, þeir hafa að mér sýnist unnið gott starf, það var grunnurinn sem var ekki nægilega góður. Þar liggur vandinn.