This topic contains 38 replies, has 1 voice, and was last updated by 
-
Topic
-
Ég verð bara að láta aðeins heyra frá mér varðandi þennan óskapnað sem hefur verið settur í gang.
Það að taka einhvern besta og skemmtilegasta vef sem fyrirfannst á netinu og henda honum í ruslið og skipta svo út fyrir þessa gríðarlega illa uppsettu, óaðgengilegu og ótilbúnu vefsíðu er náttúrulega bara vítavert.
Auðvitað var gamla síðan ekki alveg fullkominn en hún var nú samt ansi nálægt því og með smá breytingum hefði hún getað orðið það.
Ég hef talað við marga fastagesti F4X4 og hafa þeir allir sömu sögu að segja….GLATAÐ.
Það sem gamla síðan hafði var að hún tók vel á móti nýjum notendum, var einföld og skýr sem er algjör andstæða við nýju síðuna.
Í kerfisfræðinámi er course sem heitir notendaviðmót, það er alveg augljóst að þessir vefhönnuðir eru ekki kerfisfræðingar.Ég veit að það eru margir búnir að tuða yfir þessu en ég bara verð að fá að vera með líka
Mér finnst klúbburinn hafa farið mörg skref afturábak með þessu framtaki sínu.
Kv: Kátur
sem er bara ekkert kátur.
-
Replies
-
gott mál…
Fatta nú ekki alveg hvað þú átt við kallinn
Slæmt við þessa síðu:
1. Áhugaverðar myndir = mislukkað
2. Hefja nýjan spjallþráð = lesa sig til í 2 klst. +
námskeið í viku og þá er kannski hægt að skrifa tvö orð.
3.Það að hafa ekki myndaröð eins og var áður = fúlt
4….
5….
1000……….Og svo það sem er gott við þessa síðu
1. Uhhhhmmmm já ehhhh, það er svolítið erfitt að finna það.Að lokum það sést að sífellt fleiri bætast í hópinn sem finnst þessi heimasíða vera léleg. Hvað eru þessir menn að gera eiginlega sem sjá um þessa síðu. Árangurinn er hreinlega ekki að skila sér. Hvernig væri að virkja bara gömlu síðuna aftur og hætta þessu bulli.
Svo að lokum þá virðist þessi síða vera að þróast yfir í auglýsingapésa. Hundleiðinlegt að sjá sömu auglýsingarnar 100 sinnum. Það er allt í lagi að setja inn auglýsingu, en að uppfæra hana einu sinni á dag þannig að hún er alltaf númer eitt er fáránlegt. Ef ég þarf að versla mér slitin dekk þá fer ég inn i viðeigandi auglýsingadálk og fæ yfirlit.
Eins ef ég vill kaupa eldgamla druslu á yfirverði þá fer ég inn í tilheyrandi dálk og skoða úrvalið. Þessi gamla beygla þarf ekki að blasa við á hverjum degi.Og hana nú.
Kveðja Theodór.
Mér finnst nú "Áhugaverðar myndir" einmitt eitt af því fáa sem er vel heppnað á þessari nýju síðu. Ég stend mig oft að því að ýta á "Refresh" bara til að fá nýja mynd, maður dettur oft ofan í skemmtileg albúm þannig.
Það mætti reyndar líka setja nýjustu myndina á forsíðuna.Bjarni G.
Ekki verð ég var við að það sé eitthvað búið að lagfæra innskráninguna, það eina sem ég sé er að það er komin hnappur við mínar upplýsingar þar sem boðið er upp á að tengja við gamalt efni, viti menn það virkar bara ekkert frekar en þegar ég reyndi þetta í upphafi þessarar síðu. Villumeldingin sem kemur upp er alltaf sú sama (Notandi finnst ekki) ég sé í fljótu bragði ekki hvað er búið að lagfæra.
Kveðja Gunnar Már
þetta er það sama hér get ekki notað gömlu uppl og get ekki sett inn augl hver ber ábyrð á vefnum og á ekki að laga þetta svo þetta nytist félagsmönnum? kv bjarni
Sí og æ er kvartað og kveinað
út af vefsíðuvillunum veinað
En vitið hvað?
Nú er sko lag.
því vefnefndin lætur það lagað
Greinilegt að vefnefndin er kominn á fullt en ef hún klúðrar þessu, þá gæti f4x4 fengið leigt vinstra hornið neðarlega á Rottusíðunni gegn vægu gjaldi.
Það má alltaf skoða það ef allt fer á versta veg.
Annars á ég sjálfur nóg af lénum sem ég get lánað eða leigt gegn vægu gjaldi.
Lénum ert þú þá lénsherra, ég sem hélt að þú værir eyjajarl.
Það ku vera "moi" Eins og sagt er í ugglandinu einhverju.
Þar sem ég er einn þeirra sem eru meira fyrir aðfinnslur en hrós þá ætla ég að lýsa nokkrun af þeim "eiginleikum" sem ég hef séð á nýju vefsíðunni:
1. Við skráningu á auglýsingu er gefinn möguleiki að setja inn mynd. Gott og fínt, en ég gat ekki með nokkru móti fengið hann til að virka fyrr en ég valdi tvær myndir, þá loksins komust þær inn.
2. Ég finn enga leið til að finna (allar) eldri myndir sem ég hef sett inn á vefinn undir notandaheitinu mínu, líkt og var á gamla vefnum. Er einhver leið til að gera það ?
3. Prósentureikningurinn í skoðanakönnunum er öðru vísi en ég lærði, a.m.k. fæ ég ekki 100% út ef ég legg prósentutölurnar saman.
4. Loks er alltaf jafn pirrandi ef maður vandar sig og tekur sér góðan tíma í að skrifa spjallið að þá er manni hent út og þarf að byrja upp á nýtt og skrá sig inn og vona að það sem maður skrifaði sé enn á klemmuborðinu. Ctl+A og Ctl+C verða að kæk hjá manni í þessu kerfi.Nöldurkveðjur
Wolf
Alltaf gott að fá ábendingar. Það verður að sjálfsögðu farið í að skoða alla þessa hluti sem talað er um og meira til.
51,6+45,7=96,7 athygglisvert vefstjórinn hefur ákveðið að hafa smá skekkjumörk í þessu. Skemmtilegt, en best að hafa þetta ekki lengra svo maður detti ekki út, PS Keli það verður nóg að gera. læra prósentu reikning og alles.
Reikningur er ekki mín sterka hlið, en það hlýtur að vera til einhver einföld formúla sem lagar þetta. Þarf að fara að rýna í kóðana á síðunum hjá mér og kanna hvernig það er gert.
En það er satt. það verður nóg að gera í að koma þessu í viðunandi horf. Að sjáfsögðu verða ekki allir ánægðir, en ef meirihlutinn verður það og síðan virkar eins og hún á að gera, þá er tilgangingum náð.
Sennilega eru það díselkarlarnir sem valda þessum skekkju, þegar þeir velja dísel jeppa en meina það ekki. Heldur langar þeim innst inni í bensín jeppa. Þar held ég að sé kominn útskýringinn á þessu prósentu vandamáli
Ertu að meina þetta? Getur það verið að grútardelarnir eigi alla sök á þessu?
Er þetta ekki það sem er kallað að "koma út úr skápnum"?
You must be logged in to reply to this topic.