This topic contains 14 replies, has 1 voice, and was last updated by 
-
Topic
-
Sæll öll.
Ég er með smá hugmynd um þessa síðu til að bæta hana og hún er sú að setja hér á síðuna uppl um skála á hálendinu þ.e.a.s hvað þeir heita, hvar þeir eru og þá staðsetningu á gps og við hverja maður þarf að tala við til að fá þá leigða.
Þessi hugmynd kviknaði vegna þess að ég og fleiri erum hugsum að fara uppá hálendið yfir áramótin en erum frekar hugmyndasnauðir hvaða skála við eigum að fara í og þá við hverja maður á að tala.
Var verið að benda mér á skála sem heitir ef ég man rétt Ingólfsskáli, en annars eru ábendingar vel þegnar , vegna þess að ég þekki ekki nöfn eða staðsetningu á svo mörgum skálum á norðanverðu hálendinu eð þá hver er með þá á sínum snærum.
Ferðaplanið er þetta keyra eftir vinnu á föstudeginum norður í Skagafjörð og ná þar í eina manneskju fara þaðan uppá hálendið, vorum að hugsa um Kellingarfjöll eða Fremstaver en það finnst mér full löng keyrsla svona að kvöldi til og nótti.
Kv
Snorri Freyr
-
Replies
-
Anonymous- Umræður: 0
- Svör: 16404
Þetta er að sjálfsögðu góð hugmynd og upplýsingar sem vel ættu heima á þessum vef. En þangað til svo verður langar mig að benda þér á bækurnar hans Jóns Snæland (Ofsa). Þar er hægt að fletta þessu upp. Meira um það [b:3q2s57ta][url=http://this.is/rotta/?p=bokin:3q2s57ta]hér[/url:3q2s57ta][/b:3q2s57ta].
ÓE
Ég á nú alla skálaskrána hans Ofsa á tölvutæki formi (um 200 skálar í einni skrá) en ég veit ekki hvort höfundarréttur banni dreifingu á henni
??kv
A
Það er að sjálfsögðu höfundarréttur á efni úr bókum og hvað varðar t.d skálaskrána eða annað þá gæti ég persónulega ekki fengið leifir til slíkrar byrtingar enda er Edda miðlun búinn að leggja stórfé í þessar bækur. T.d fékk ég leifi hjá Eddu til þess að nýta upplýsingar úr skálaskránni í Súper-Setrið. Kv Ofsi
Ingólfsskáli norðan Hofsjökuls er ekki þægilegur skáli að gista í að vetri til. Hann er í eigu Ferðafélagsins og sennilega rekinn af Skagfirðingadeild. Alla vega hef ég sent skálgjöldin þangað. Skálinn er ílla enangraður ef ekki algjörlega óeinangraður og er það alveg ótrúlegt að eigendur hafi ekki gert þennan annars ágæta skála viðverubetri en hann er í raun og veru að vetri til.
Mæli með að menn finni betri náttstað t.d. Laugarfell.
Kveðja
Elli.
Ingólfsskáli er fínn skáli, í eigu [url=http://www.ffs.is/Default.htm#Ing%F3lfssk%E1li:3hfiiuyf]Ferðafélags Skagfirðinga[/url:3hfiiuyf] .Ingólfskáli er kannske ekki hlýjasti skáli á hálendinu en hann er þó mun betri en Nýjadalsskálarnir.
[url=http://skagafjordur.net/4×4/?p=7&sid=7:3hfiiuyf]Skiptabakkaskáli[/url:3hfiiuyf], sem er í umjón Skagafjarðardeildar 4×4, er líka fínn skáli, sem er nær byggð í Skagafirði.-Einar
Það er bara málið að kaupa bókina hans Ofsa og þá erum við í leiðinni að styrkja kauða svo hann geti haldið áfram þessari vinnu sinni í að skrá vegi og vegleysur, ekki er þetta ódýrt. Það eru ekki margir sem mundu nenna þessari vinnu sem karlinn er búin að leggja í.
Áfram Ofsi
er hreinlega snildar skáli og þess utan skáli 4×4. og skemmtilegt að gista í honum sama má nú segja um Laugafell góður og hlýr skáli. En frá báðum þessu skálum eru skemmtilegar akstursleiðir til ýmissa átta. góða ferð
er engu betri en Nýjadalsskáli, óeinangraður og heilsuspillandi ef um marga gesti er að ræða. Betra er að gista í bílunum.
Ferðafélagið ætti að sjá sóma sinn að gera þessa skála viðunandi. (eða að lækka skálagjöld í þessum "köldu" skálum að vetri til)
Kveðja.
Elli (félagi í ferðafélaginu)
Það virðist vera stefna FÍ hérna í Reykjarvík allavega að lækka verð að vetrarlagi. Og hefur það komið til tals að það verði sér verð að vetrarlagi. Sem er jú gott mál. Reyndar mætti flokka þessa skála svolítið eftir gæðum og samræma skálagjöldinn til samræmis við það, Og held ég að það kæmi nú vel út fyrir Réttartorfu, Skiptabakka, Setrið og Sultafit. en það eru nú ekki margir skálar sem standa þessum snúninginn
Alveg sammála. En við erum hálfdrættingar í innheimtu skálagjalda, og þegar á heildina er litið er spurning um að setja "svokallaðar" stjörnur á skálana. Setrið, Réttartorfa, Skiptabakki, Sultarfit, Laugarfell, sem dæmi.
Það er ekki í neinum takti við nútímann að t.d. Ingólfsskáli sé að taka sama gjaldi og Skiptabakkaskáli.
Kveðja
Elli
Ég er sammála Ella félaga mínum. Ég vil þó lýsa undrun minni á nýja skálanum í Drekagili. Þetta er mikill dýrðarskáli á flestan hátt en þó eru nokkur atriði sem verður að laga. Í fyrsta lagi er hann ókyndanlegur vegna stærðar skála á móti kyndingunni. Sólarrafhlaðan er efst á mæni hússins sem gerir það að stórmáli að hreinsa snjó af henni. Það er enginn sjálfvirkur útsláttur á 12 voltunum sé þá eitthvað á geymunum yfirleitt. Svo er hann læstur eins og margir aðrir skálar sem mér finnst hreinlega skelfilegt. Semsagt ómögulegur að vetri.
Annars væri gaman að spyrja; hver eru skilyrðin fyrir leyfisveitingu á skálabyggingu. Er ekki eitt þeirra að fjölga skjólum á hálendinu. Hver væri ábyrgur ef ferðalangur yrði úti við læstann skála sem hann kæmist ekki inn í? Hefur einhver velt þessu fyrir sér?
Kveðja Erlingur Harðar (félagi í FFA)
Ég hef nokkrum sinnum komið þarna að vetrar lagi og ekki fundist neitt að því að kynda hann.
Maður er bara í smá tíma í úlpunni meðan hann hitnar og þegar maður eldar.
Mér finnst skondið að fólk skuli komast til fjalla að vetrarlagi og síðan kvarta undan smá gólfkulda í skála. Svoleiðis lið á bara að vera á Kanarí.
Ef þig vantar skálaskrá og leiðir að þeim myndi ég fjárfesta í bókum drengsins hans Ofsa. Fínar bækur og góð uppspretta af hugmyndum í ferðir.
Kveðja Fastur
Ég samála Fasti, en ef ég ætti að flokka fjallaskála eftir hita, þá gæti sú flokkun verið eitthvað á þessa leið:
[b:3g9fg7fp]A * * * *[/b:3g9fg7fp] Skálar sem hitaðir eru með Jarðhita.
[b:3g9fg7fp]B * * *[/b:3g9fg7fp] Olíu eða viðarkynding
[b:3g9fg7fp]C * *[/b:3g9fg7fp] Gas eða Rafmagn
[b:3g9fg7fp]D *[/b:3g9fg7fp] Óeinangraðir skálarHér eru svo nokkur dæmi:
A: Landmannalaugar, Hveravellir, Grímsfjall, Laugafell, Dalakofinn og Hrafntinnusker (þegar hitaveitan er í lagi).
B: Skálar FFA (nema Laugafell), Skálar 4×4 (flestir), Skálar Ferðafélags Fljótsdalshéraðs, Hvanngil, Jökulheimar, Skálar á Hrunamannaafrétti.
C: Skálar Ferðafélags Skagfirðinga (Ingólfsskáli, Hildarsel, Trölli og Þúfnavellir), Þverbrekknamúli, Þjófadalir, Rottuholan í Illugaveri, Kerlingarfjöll.
D: Nýidalur, Smáhýsi Austurleiðar í Húsadal.Ástæða þess ég set rafmagnkyndingu í flokk með gasinu er hávaði og það að 80% af orku olíunnar fer til spillis, sem að mínu mati er ekki forsvaranlegt af umhverfisástæðum.
-Einar
Það er ágæt pæling að gistiverð í skálum taki mið af aðbúnaði og þá skiptir kynding auðvitað miklu máli á veturnar. Ég held að það sé samt ekki hægt að draga svona einfaldar línur í því. T.d. er Dalakofinn þarna í A flokk en stendur tæpast undir því eins og hann er núna, jafnvel þó kyndingin væri í lagi. Olíukyntir skálar sem hafa fengið gott viðhald og eru í góðu standi eru betri kostur en jarðhitakyntur skáli í slæmu standi.
Það er líka annað sem þarf að taka inn í verðlagningu og það er aðgengi og hversu kostnaðarsamt er fyrir eiganda að þjónusta skálann. Það kostar t.d. mun meira að fara með gaskút á Grímsfjall en í Landmannalaugar og því finnst mér réttlætanlegt að gistiverð á Grímsfjalli sé hærra en víða annars staðar.
Kv – Skúli
You must be logged in to reply to this topic.