Veðurfréttir í sjónvarpi

Ég var að horfa á þetta

Spurning hvort maður þurfi að venjast þessu og þeir jafnvel að aðlaga þetta ef þetta er ný tækni.

Stytting á tímanum getur ekki verið af hinu góða.

Einu sinni kom Einar Sveinbjörnsson í heimsókn á mánudagsfund og fór yfir veðurfræðina.

Hann nefndi Vatnajökul sem svæði sem ekki væri gerð spá fyrir en það ætti að vera lítið mál ef þeir fengju upplýsingarnar frá veðurstöð eða stöðvum á jöklunum, þannig gætum við panta spá frá þeim.

Er ekki rétt að klúbburinn beyti sér fyrir þessu?

kveðja
gundur á 4 cyl fisksalabíl sem er fremstur.

Ég verð að segja það að mér létti verulega við að lesa þetta… ég er þá ekki einn!
Veður og veðurféttir er eitt af aðal áhugamálum þjóðarinnar og fæ ég t.d. aldrei leið á þeim. Þetta er hlutur sem skiptir alla landsmenn miklu máli og flestir horfa á. Jafnvel þó að fæstir geti endurtekið veðrið munnlega eftirá. Veður skiptir okkar hóp afar miklu máli og því full ástæða til að kynna sér veðurfræði lauslega, ég hefði áhuga á því og mun leggja þetta til sem efni á einhvern af fundunum okkar hér að norðanverðu. Góð hugmynd hjá þér Gundur (ja við Hafnfirðingarnir (breyttist snögglega í Gaflara núna)). Allavega, þá finnst mér ég alltaf missa af veðurfréttunum, mætti alveg sleppa þessum andsk….. íþróttafréttum; hver hefur áhuga á þeim?

Veðurkveðjur:
Erlingur Harðar

Þór Jakobsson nakinn að segja veðurfrettir …… Æi nei takk.

En að öllu gamni slepptu þá er ég algerlega sammála ykkur, fyrst þegar þetta byrjaði þá hugsaði ég með mér að þetta liti bara vel út – nákvæmri spá en svo beið ég alltaf eftir yfirlitskortunum og hreyfimyndunum …. En svo var þett bara búið.

Þetta er reyndar í stíl við flest sem Páll Mgnússon hefur komist með puttana í og ég átti reyndar aldrei von á öðru en að RÚV myndi hraka verulega eftir að hann tæki við – og viti menn, fréttatíminn er orðinn hundleiðinlegur og Veðrið ónýtt – enda er ég nánast hættur að horfa á fréttir og veður á Rúv og horfi bara á stöð 2 og skoða veðrið á vefnum.

Theyr.net – lang besta veðurspáin….

Benni

Ég vandist því að hlusta á veðurspána í útvarpi og kanske þess vegna hef ég ekki lagt neitt upp úr sjónvarpsspánni sem er bara einu sinni á sólarhring á meðan hún er lesin á 4 tíma fresti í útvarpi og hefur oftar en ekki verið áreiðanlegri.

En maður skildi ættla að í sjónvarpi væri spáinn í heild yfir landið ekki brotin upp í landshluta eins og í útvarpi og ætti því að gefa heilstæðari mynd af veðri á komandi sólarhring,og þó ég geti tekið undir með Benna hvað varðar núverandi útvarpsstjóra og lengi haft þá skoðun á honum, Þá er mér til efs að hann ráði framsetningu spárinnar heldur er þar að sakast við Veðurstofuna sem virðist vera í eitthverju vinsældarkapphlaupi við Sigga Storm, En það er vert að hafa það í huga að fyrir sjómenn og bændur gæti verið betra að hafa spánna landshlutaskipta þó svo að flest öll stærri skip séu með veðurkortamóttakara og bændur að því er mér skilst hlusti frekar á útvarpsspánna.
En það er bara að láta rigna inn mótmælum til Veðurstofu og vita hvað gerist

Kv Klakinn

Sælir félagar

Ég veit ekki hvort þið hafið skoðað veður og sjólag hjá Siglingastofnun (sigling.is) en það gefur mjög góðan yfirsín yfir hvað er að gerast yfir lengra tímabil og tendensinn.

hægt er að smella á next þarna efst til að sjá framhaldið.

http://www.sigling.is/alda2.8/iw0510151204.htm

http://www.sigling.is/alda2.8/fcastindex.htm

góðar stundir

gundur

Var svo sjóhræddur að hann notaði allar afsakanir til að vera í landi enda seldi hann um leið og eitthver vildi kaupa.

En sama veðurspá eftir veðurbaujum í hafi er ekki svona fyrir aðra en þa´sem vita hvar þær eru staðsettar og svo eru þær líka alltaf að slitna upp

Klakinn

Ég veit hvernig Stjáni og bræður hans eru vandaðir menn allir.
Klakinn

Þótt hann Einar Kjartans vinni nú ekki beinlínis á spádeildinni þarna á Bústaðaveginum, efast ég ekki um að hann hefur aðstöðu til að koma sjónarmiðum okkar á framfæri og ég hef trú á að það yrði hlustað á það sem hann segir þar innanhúss, allavega meira en spjallið okkar hér. Hvað um það, þá hefur mér lengi fundist að þessi sjónvarpsspá komi eins og frá einhverri allt annarri stofnun en VÍ, því það er oft ótrúlega mikill munur á þeim spám og þeim sem maður á aðgang að hér á Netinu frá VÍ. En kortin frá þeim á Dunhaganum eru hinsvegar afskaplega vel útfærð þrátt fyrir að þau nái ekki jafn langt fram í tímann og spár VÍ. Annars finnst mér að þótt kortin frá wetterzentrale.de séu í stórum skala og séu þar af leiðandi í mjög stórum dráttum, þá gefi þau manni nokkuð góðar vísbendingar um þróun veðurlags næstu 9 sólarhringana og geta nýtst bærilega með öðrum spám. Togararnir nota mjög mikið veðurspár á kortum, sem mig minnir að þeir fái frá Reading á Englandi (ekki alveg viss um að þetta sé rétt, þeir leiðrétta mig þá sem betur vita) en ástæður þess liggja kannski meira í því að þeir eru oft á miðum þar sem illa heyrist í útvarpi og netsamband ótryggt. Hvað um það, við eigum að láta í okkur heyrast ef þessi þjónusta RÚV og VÍ er ekki í lagi, við erum nefnilega að borga fyrir hana í sköttunum okkar og afnotagjöldum, hvort sem við viljum eða ekki.

Sæll og takk fyrir svarið
ég sá eftir að þú bentir á, að það eru mun betri veðurfréttir í tíufréttum
að væri mjög gott ef það væri hægt að skoða þær á netinu hjá ruv.is ef maður missir af þeim.
Ég er alls ekki sammála ykkur að mikilvægi veðurfrétta sé dvínandi, ég held að mikilvægið sé vaxandi.
þó að bændum séu hlutfallslega að fækka þá er áhugi á alls konar útivist að vaxa. Golf, gönguferðir, jeppaferðir, mótorhjólaáhugi, skotveiði, skíðaáhugi, hestamennska, og þar að auki er fleira fólk sem sækir vinnu til Reykjavíkur daglega frá Suðurlandi eða Akranesi og Borgarnesi. Allt þetta fólk er háð veðri. Besta veðurspá fyrir Ísland kemur frá Veðurstofu Íslands, þessvegna er mjög mikilvægt að það sé hægt að koma þeirri veðurspá sem best til skila.
það er til dæmis auðveldara að fá betri íþróttafréttir á internetinu heldur en fæst í sjónvarpinu, þó að það sé eytt alltof löngum tíma í fréttatímanum í hinar ýmsu boltaíþróttir
Ég get líka bent á að það er eytt miklum dýrmætum tíma í að auglýsa þætti í eigin sjónvarpsstöð þar mætti klípa smá tíma
Nei! ýtarlegri veðurfréttir er framtíðin.

það hafa verið umræður á vefspjalli ferðaklúbbsins 4×4 (old.f4x4.is) um þetta mál. Er í lagi þín vegna að ég setji okkar samskifti um veðurfregnir á spjallið þar?

Með kveðju / Best regards,
Freyr Jónsson

svar um hæl:

Sæll aftur Freyr,

ég átti við að veðurfréttir í Sjónvarpi séu ekki jafn mikilvægar og þær voru áður vegna þess að það er orðið mjög auðvelt að nálgast veðurlýsingar og veðurspár. Ég er sammála að hinn mikli fjöldi útivistarfólks og þeirra sem sækja vinnu yfir Hellisheiði er háður veðri. En við teljum að það fólk vilji fyrst og fremst vita hvernig veðrið verður, ekki hvernig það hafi verið.

Raunar er enn verið að fínpússa útlit, innihald og lengd veðurfrétta í fyrri fréttum okkar og sjónarmið unnenda veðurfrétta skipta þar auðvitað miklu máli.

Það er hægt að skoða veðurfréttirnar í fyrri fréttunum á ruv.is og við erum að ræða við Veðurstofuna um að fá veðurkortin til birtingar á vefnum.

Þér er velkomið að setja þessi samskipti á vefspjallið. Ég sendi sjálfur afrit til Haraldar Ólafssonar , Þórs Jakobssonar og framkvæmdastjóra Sjónvarps.

Kveðja,

Bogi.