This topic contains 10 replies, has 1 voice, and was last updated by 
-
Topic
-
Það hefur viljað brenna við að þegar ég er að sulla í ám hafa rafmagnstengin inn í sjálfskiftinguna viljað blotna, hefur reyndar ekki skeð nema einu sinni en þá ruglaði það boðin inn í skiftinguna þannig að hún festi sig í þriðja og vildi ekki þaðan fyrr en tengin höfðu verið þurrkuð. Getur einhver þarna úti sagt mér hvernig best er að vatnsverja þessi tengi, á að vefja þau með einhverju eða er til eitthvað efni til að úða á þau, (svona bifvélavirki í spraybrúsa) sem virkar vel.
Kveðjur Logi.
-
Replies
-
Það er til sérstök feiti til að setja í/á tengi. Getur líka notað sílikonfeiti (feiti-ekki spray).
Freyr
Þakka fyrir þetta Freyr, ætla að prófa þetta. Kveðjur, L.
Ég held að þetta heiti dielectric grease. Sama efni og er notað til að smyrja rafmagnstengin fyrir flautur í stýrum.
Sæll Logi.
Einfaldast og einna best er að nota Vaselin á tengin. makaðu vel af því bæði inn í og utaná tengin, og þá ættu þau að þola sullið. Þetta tollir á í mjög langan tíma.
En er ekki eitthvað los á tengingunum hjá þér fyrst vatn er að trufla þau? Ég myndi byrja á að athuga það. Ef tengin eru í lagi og allir pinnar ná góðu sambandi, á vatn ekki að vera vandamál.
Kv. Emil Borg
"Einfaldast og einna best er að nota Vaselin á tengin"
Jæja? Vasilín hefur marga ágæta eiginleika og einn þeirra er sá að það einangrar rafurmagn, enda td notað til að einangra símalagnir. Þess vegna er ekki skynsamlegt að bera það innan í tengingar sem eiga að leiða. Það er ágætt utan á en innan í ávísun á vandræði; það veit ég af eigin raun, m.a. eftir að frændi minn smurði geymasamböndin á rútunni sem ég var á innan og utan með spenafeiti. Það var ekki mjög traustvekjandi þegar túrhestarnir voru settir í að ýta í gang. Kvöldið fór svo í að þrífa pólana og skóna með bensíni, svo farþegarnir þyrftu ekki morgunleikfimi daginn eftir, og hefur sá bíll farið í gang síðan. Kanverjar og sjálfsagt einhverjir Mörlandar selja rafleiðandi feiti, dielectric grís, og er sjálfsagt að nota hana.
Libbðu svo heill
Þ
Anonymous- Umræður: 0
- Svör: 16404
Það sem á að nota á rafmagnstengingar í bílum eins og t.d. geymapóla er sýrulaus feiti (eins og t.d. vaselín). Sýrulausa vegna þess að þannig feiti leiðir illa rafamagn, er með öðrum orðum [b:1gi96hiz][url=http://en.wikipedia.org/wiki/Dielectric:1gi96hiz]Dielectric[/url:1gi96hiz][/b:1gi96hiz]. Rafleiðni tengingarinnar er málm í málm, feitin er eingöngu tæringarvörn til að tryggja að góð tenging haldist.
ÓE
Það er auðvitað hið versta mál að vera staðinn að því að bulla, en ég hef það mér til afbötunar að vera illa að mér í grísku. Hitt er svo annað mál að einangrunarfeiti á ekki heima inni í tengi heldur utan á. Þótt það sé auðvitað alveg rétt að rafleiðni fæst með því að málmur snerti málm þá er alltaf einhver hreyfing á tengjum sem stungin eru saman og þar með á feitin möguleika á að renna á snertifletina og koma í veg fyrir rafleiðni; ekki endilega strax heldur þegar verst gegnir.
Þ
Anonymous- Umræður: 0
- Svör: 16404
Það er rétt hjá þér að tæringarvörnin á ekki að einangra snertifleti tengingarinnar. Feitin sem notuð er þarf að vera meira en bara sýrulaus, hún þarfa að líka hafa þann eiginleika að víkja frá undan þrýsting frá bolta, fjöður eða öðru því sem heldur málm í málm sambandinu saman. Því er öruggast að nota feiti sem ætluð er í þetta, þó svo hægt sé að nota annað sem ekki er beinlínis framleidd í þetta en virðist hafa réttu eiginleikana.
ÓE
Hreint vatn leiðir ekki rafmagn (Það er semsagt Dielectric) Skítugt vatn leiðir hinsvegar rafmagn. Ef maður hellir hreinu vatni á á skítug tengi þá verður vatnið ekki lengur hreint. Svo lausnin er fyrst og fremst að hafa tengin hrein nema maður ætli að nota þetta í sjó, þá er oft nauðsinlegt að grípa í vaselínið. Alla veganna er venjulega nóg fyrir láspennu eins og 12 og 24 Volt að hafa tengin hrein.
við að bæta að þegar mann setur svona "biffélavirkja í brúsa" á tengin safna þau enn meiri skít og drullu á sig og verða þar mep jafnvel enn viðkvæmari þegar síst skyldi…
Kv Óli
You must be logged in to reply to this topic.