Vatnskældur intercooler LC80

Mér finnst þetta vera hálfgerð vandamálalausn, þar sem sennilega er verið að bregðast við plássleysi og ,,of" löngum lögnum að/frá millikæli, sem er best staðsettur framarlega í vélarrúmi, til að nýta trekkinn þar.

Sérstaklega á boddýhækkuðum bílum verður til fínt pláss ofan á vélinni fyrir millikæli, sem jafnframt er gjarna staðsettur þar original, en (vanda)málið með það er að losna við varma frá vélinni og lofta draslið sem best.

Það að loft-kæla vatn, til að kæla svo aftur loft, hljómar ekki skynsamlega í mínum eyrum. Bara aukið flækjustig held ég.

Hins vegar hef ég ekki prófað þess háttar búnað sjálfur, þannig að ég get ekki svarið fyrir neitt í þessum efnum, en varmafræðin segir manni að þrepin eigi að vera sem fæst í þessu tilfelli….

Hjá Atla þetta hefur marga kosti styttri lagnir minni biðtími eftir að túrbína blási það eru miklu minni þrýstitöp í þessum kælum en í stórum loft í loft kæli.
vatnið og góður varmaskiftir í coolernum svínvirka ég hefði ekki stóru áhyggjurnar af leka á þessum búnaði yfirleitt lítill þrístingur á kælivökvanum í coolernum þá er hægt að velja misstóra kæla fyrir framan vatnskassann og þannig ráða svolítið sjálfur hve mikil kæling verður í coolernum þetta tekur mun minna pláss en stóru kælarnir og oft hægt að setja í staðinn fyrir kæla ofan á vél eins og td í 3l pattanum þar sem coolerinn ofaná er vita gagnslaus á lítilli ferð og í hjakki upp brekkur. Jæja hættur rausinu
kv Gísli

Ég setti vatnkældan intercooler við vélina í 62 cruiser (12-ht vél) sem ég átti. Hann setti ég nú eingöngu þarna uppá grínið af því að ég fékk hann á góðu verði og mig vantaði eitthvað að gera. Ég hafði enga sannfæringu um að þetta væri betra en loft/loft kælir fyrir framan vatnskassann.

Áður höfðu ég og frændi minn gert mælingar á eins cooler í eins bíl, við teipuðum tvo eins hitaskynjara utan á stútana sitthvoru megin á coolernum, svo vöfðum við þetta með einhverjum einangrandi tuskum til að reyna að einangra hitann frá vélinni frá og ströppuðum allt draslið fast. Við vönduðum okkur vel við að ganga eins frá báðum skynjurunum.

Við notuðum hitamæli frá VDO því þeir eru með eins skynjurum fyrir inni og útihitann.
Þessar lagnir leiddum við inn í bíl og fórum út að keyra, ég man nú ekki tölurnar sem við sáum en það munaði einhverjum gráðum á þessu.

Þetta voru engin geimvísindi hjá okkur, geri mér grein fyrir þvi, en við allavegna sannfærðum okkur um að þetta væri að virka 😉

Á minn bíl setti ég líka nokkuð stórt húddscoop með það í huga að moka köldu lofti inn á ferðinni og moka þannig heita loftinu niður frá coolernum. Ég gerði engar mælingar á hitanum fyrir eða eftir scoopið.

Mér fannst ég finna mun á vinnslunni, ég var sannfærður um að þetta væri að gera góða hluti fyrir mig. Reyndar náði ég bara að fara í eina jeppaferð á bílnum eftir að ég setti kælinn í þannig að ég fékk ekki mikla reynslu á þetta. Það er alltaf gaman af svona tilraunum.

Afhverju eru menn ekki með dælu og freon til að kæla? Aircondition júnitið er að kæla alveg svakalega það loft sem fer inní farþegarými, afhverju breyta menn því ekki og kæla loftið inná mótor? Hver þarf loftkælt farþegarými á Íslandi?

Erlendis hefur maður heyrt um keppnisbíla með einhverskonar intercooler sem notast við þurís, það er líka sniðugt, ef maður er í styttri ferðum

Sko, mér hættir nú alltaf til að fara að tala um bátavélar og sjálfsagt allir orðnir leiðir á því. Hinsvegar er Yanmar mótor í bátnum mínum – sem er náttúrulega Toyota eins og allir vita – og coolerinn á honum er vökvakældur, en eins og þeir sem til þekkja vita, er ekki venjulegur kælikassi yfirleitt í bátavélum,heldur er á þeim sjókæling, sjó er dælt í gegnum búnað sem flytur varmann frá vélinni og svo fer þetta venjulega út með pústinu, en það er önnur saga. Hvað um það, þessi millikælar virka bara ágætlega í þúsundum bátavéla og því skyldi ekki vera sama að segja um bílvélar?

JÆJA!

nú kemur þetta daggarútfellingarröfl aftur. Er þetta eitthvað voða fansí orð sem allir fróðir menn um vatnskælda interkúlera verða að veifa í tíma og ótíma í kringum sig eða hefur þetta eitthvað að segja?

Er einhver sem getur útskýrt hvað þetta fyrirbæri er í alvöru? Hefur þetta eitthvað að gera með að það falli út raki og myndi dropa í soggreininni þegar kælt er niður fyrir umhverfishita? Hvers vegna eru menn að röfla um það í einni setningu og röfla svo um það í næstu setningu að þessir kælar geti ekki kælt jafn vel og loftkældir kælar? Myndi þá ekki falla út raki líka í loftkældum kælum? Breytist þetta strax og farið er í lofthita undir frostmarki?

Ég óska hér með eftir svari frá einhverjum sem -veit- hvað hann er að tala um og getur útskýrt það fyrir svona aula eins og mér.

afsakið óverðskuldaðan pirring,
Lalli

fyrir að bjarga geðheilsu minni

þetta er einmitt það sem ég vildi sjá, útskýringar á málinu…

En hvernig er rakastig lofts sem er undir frostmarki? er þetta bara alveg eins? er "raka-rýmd" lofts alltaf minna eftir því sem það kólnar meira? þarf maður að hafa einhverjar áhyggjur af þessu svo lengi sem maður nær ekki að kæla loftið í mótornum niðurfyrir umhverfishita?

Hvernig breytir þrýstingur loftsins þessum jöfnum? getur það haft einhver áhrif á þetta "daggarmark" að loftið er þjappað?

þar sannast hið fornkveðna stærra er betra.

settu bara eins stóran kæli og þú kemur fyrir. þegar umhverfishiti lækkar ætti vélin að skila meiru, en eins og áður, rakaútfelling verður ekki vandamál þó hitinn fari niður fyrir frostmark.

samkvæmt því sem ég veit best að þá er 100% raki alger bleyta, semsagt pollur af vatni.
Haffi