This topic contains 30 replies, has 1,656 voices, and was last updated by 
-
Topic
-
Sælir,
bíllinn minn hitar sig óeðlilega upp brekkur og ef ekið er hraðar en 95 … (og á móti vindi eins og í gær), en er eðlilegur með vindi, á fjöllum og í innanbæjarsnattinu.
Án þess að vera búinn að rannsaka þetta mikið meir en að lesa mér til hér á spjallinu, þá langar mig að vita hversu mikið mál er að skipta um vatnsdælu í þessum bílum (2.8 1994 módel).
Það er búið að fara í heddið – en fyrri eigandi var ekki viss um hvort það hafi verið skipt um vatnsdælu og datt það helst í hug, því hann kannaðist ekki við þetta vandamál …
kv. Siggi
-
Replies
-
Það er gat á blokkinni – þ.a. hún er ónýt, spurning hvað meira er ónýtt ? Á ég t.d. heilt hedd og ventla ?
Nágranni minn á vél þar sem tímastrekkjari fór – þegar slíkt gerist, fer þá blokkin líka ? Borgar sig að spá í þá lausn ? (þ.e. heddið mitt og sú blokk).
Á einhver vél handa mér ?
Svo þetta sem Vals segir, ég kem eins og glópur og bið um þá um að finna út hvað er að, lýsi vandanum og eftir mikið humm er greiningin heddið. Svo reynist heddið heilt þ.a. spurning er hvort þeir hafi skoðað þetta nógu vel – þar sem þetta er nokkuð stór aðgerð , eða hvað?
Getur þetta gerst ef tímareimin fer ?
En, í fyrramálið mæti ég til þeirra og væntanlega fæ einhver svör – ráðleggingar ?
Siggi
Tek það framm að ég er ekki bifvélavirki.
Þau dæmi sem ég hef heyrt um að gat kemur á blokk eru vegna þess að vatn hefur komist inn á vél, gegnum loftinntak, t.d. ef ekið er í djúpri á. Sá meira að segja í sumar fólksbíl drepa á sér í á, var svo píndur í gang og eftir ca. 10km á þjóðvegi kom klingklang og járn/olía/vatn kom undan honum.
Á hvaða cylender gekk stöngin út? Mér skilst að patrol heddið sé hættast við vandræðum á 1 cyl. Segjum að vatn hafi komið úr kælirás inn á cylinder, myndi þjappan ekki blása því aftur út í kælirás eða hvað.
Var sett nýtt hedd úr því að viðgerðin kostaði 216þ?
-haffi
Heddið var planað, ventar og ventlasæti rennd, skipt um dísur, eitt glóðarkerti, vatnsdælu, tímareim og strekkjara (2stk) – svo er þetta bara eins og vísa reikningurinn … hellingur af línum sem safna sér saman.
Það var ekki djúpt í ánum inn og úr mörkinni, fór ekki yfir stigbretti – þ.a. ég sé það ekki fyrir mér að hafa tekið inn vatn, í það minnsta ekki í gegnum loftinntakið – eru fleiri möguleikar ?
[url=http://www.austurgata.net/up_files/00049.jpg:185r9efz]Svona[/url:185r9efz] lítur gatið út.
kv. Siggi
Það er greinilega búið að "stimpla" sig út hjá þér. Vélin er ónýt hjá þér, en heddið gæti hafa sloppið, ef þú ert heppin.
Batakveðjur
Hlynur
Það er eins og að ventlar hafi stíflað útöndun á uppslagi stimpils. Það bendir til að tímareimin hafi farið í sundur og ventlar þar af leiðandi stopp og við það hafi myndast þrýstingur… og bang. Annars er þetta bara kenning hjá mér og þar sem ég er enginn expert þá… (það ættu allir bílar að vera með tímakeðju.)
Vélaland tóku vel á móti okkur eins og við var að búast, nokkuð öruggir og sannfærandi um að þetta sé aðskilið mál og ekki við þá að sakast.
Á morgun (þeir þurfa víst að klára annan Patrol ?!?!), kippa þeir vélinni úr og kíkja á þetta – kannski er ég heppinn og það er hægt að sjóða og skipta um stimpil – fréttir síðar.
Takk fyrir hjálpina,
Siggi
p.s. auðvitað eru [url=http://www.austurgata.net//article.php?story=20050829102012679:3gil83il]ferðamyndir[/url:3gil83il].
Þetta er nú ljóta sagan hjá þér, Siggi.
Ég er ekki bifvélavirki svo að skoðun mín er minna virði fyrir bragðið, en ég myndi í þínum sporum afskrifa vélina strax. Til að svona gat myndist hafa verið svo miklir innri kraftar á ferðinni að það má reikna með að allir stóru hlutirnir hafi laskast, bognað eða brotnað. Þar á ég við blokk, sveifarás og hugsanlega heddið lika.
Eftir lýsingunni að dæma myndi ég halda að upphaflega bilunin hafi verið 100% viðgerð. Góð vinnsla, jafn gangur, engin ofhitnun og olía hætt að koma í vatnskassann.
Mín tilgáta er sú að við sullið inn í Mörk hafi gusast vatn upp í lofthreinsarann og setið þar þangað til seinna þegar komið var út á þjóðveg. Við góða gjöf á þjóðveginum hafi vélin síðan farið að sötra vatnið inn á sig og bang gamanið búið.Það hafa margir lent í svona tjóni, jafnvel í tiltölulega litlum sprænum þar sem of geist var ekið. En ég er bara fúskari svo að þú skalt ekki taka of mikið mark á tilgátunni.
Kveðjur
Ágúst
Er ekki besta ráð fyrir þig að láta óháðann aðila(verkstæði) opna vélina og meta skemmdirnar? Nema Vélalandsmenn séu stálheiðarlegir og viðurkenna fúslega eigin mistök, ef það er þeirra…
Ef það er olía í vatninu þá er væntalega vatn í olíunni og hugsalega hefur þessi stimpilstöng brætt úr sér og svo þegar vélin hitnar og fær álag á sig þá festist stöngin og rest af stimpli og stöng yfirgefa vélina. Var skift um smurolíu eftir að það var farið í heddið, það er auðvelt að taka smurolíu prufu og olíufélugin sá hvort enhver efni eru í olíunni, vatn, sót eða svarf.
Kveðja Magnús.
tja – til að ljúka þessu (vona ég), þá er veltikortið 300 kúlum þyngra í dag en bíllinn kominn í lag.
Stöng og stimpill voru brotin þ.a. þessu var ekki viðbjargandi, fékk aðra blokk sem var svo tekin í nefið og skipt um allt sem hægt er að skipta um …
Bíllinn er mikið þýðari, enda varla furða
Tindfjöll á morgun til að tékka þetta almennilega af.
kv. Siggi
P.s. einhver ódámurinn sá sér færi að sparka í liggjandi mann og fara inn í bílinn hjá mér þar sem hann svaf fyrir utan Vélaland (aðfararnótt föstudags) og ræna spilaranum (MP3 Pioneer spilari), einhver hefur verið þarna á ferðinni því verksumerki benda til þess að kvikindið hefur horfið í skyndi – en með spilarann. Ef einhvur félagi hefur verið á ferð og rámar í eitthvað þá væri gott að heyra af því …
You must be logged in to reply to this topic.