Vatnsdæla í Patrol ?

Þetta er ekkert svakalegt mál, ég gerði þetta fyrir nokkrum vikum. Neyddist til þess þar sem dælan fór að leka. Eitt sem er leiðinlegt við þetta er að 2-3 boltar sem halda dælunni eru á bak við neðri hlífina á tímareiminni og hún er á bak við sveifarástrissuhjólið. Fáðu lánaða góða dragkló einhverstaðar til að ná trissuhjólinu af. Ég tók reyndar kassann úr til að komast betur að þessu öllu.

Hérna er þráðurinn þar sem ég spurði út í þetta:

https://old.f4x4.is/new/forum/?file=bila … ingar/5116

Skv. bókinni á maður að tappa af kerfinu gegnum krana sem er farþegamegin neðst aftan á kasssanum, slepptu því, tekur óratíma að leka þar út, losaðu frekar hosuna að neðan.

Meðan þú ert að þessu myndi ég þreifa vel kæliþynnunum á kassanum, þetta molnaði eins og sandur þegar ég skoðaði minn, keypti nýjan á góðu verði hjá stjörnublikk í kópavogi. Grettir vatnskassar eigi líka að vera góðir. Ef þú kaupir nýjan kassa, mundu þá eftir að herða aftöppunarventilinn áður en þú setur spaðann og trektina í.

Ef þú ferð út í 3ja raða kassa þá þarf að snikka trektina aðeins til. Hún kemst ekki alveg upp að kassanum eins og áður. Ég fékk mér bara aðeins lengri bolta og plastskinnur í byko.

Borgar sig sennilega að splæsa á nýjan vatnslás í leiðinni.

Síðast en ekki síst er það viftuspaðakúplingin. Ef þú heyrir ekki í viftunni á snúningi og bíllinn er heitur þá er kúplingin ekki að virka. Mín var ekkert að virka, tók hana af og liðkaði aðeins upp á öxulinn sem er framan á henni (er inni í gorminum). Hún er núna alltaf virk, sem er betra en ekkert (og ódýrara en 30kallinn sem ný kúpling kostar). Reyndar er þetta það sem þú ættir huga að fyrst af öllu, áður en þú rífur kælikerfið í sundur.

Gangi þér vel

-haffi

Linkurinn fyrir myndirnar ætti að virka núna.

Ég veit ekki hvort þeir geti eitthvað prófað kassann. En þeir taka hann upp í nýjan (skilyrði), því þeir endurnýta endana.

-haffi

Sæll Siggi, þar sem ég hafði rétt fyrir mér kemur önnur ráðlegging.
Ef þú ætlar að hafa möguleika að fá aðstoð frá fyrri eiganda, hvort sem er í vinnuframlagi eða fjármunum, skaltu hafa samband við hann áður en þú keyrir bílinn inn á gólf hjá Vélarlandi.
Það er stutt síðan ég seldi bíl og að mér vitanlega var bíllinn í topp standi. Upp kom bilun sem skilgreind er sem falinn galli, þó að ég gat með engu móti vitað af honum. Gert var við bilunina og þá var haft samband við mig og ætlast til að ég greiddi reikninginn eða allavega stærst hluta hans. Það er skemmst frá því að segja að ég varð æfur vegna þess að ég er fullfær um að gera við þessa tilteknu bilun sjálfur og var ekki tilbúinn að borga köllum út í bæ fyrir það.
Svo hafðu samband við fyrrieigandi ef þú ætlar að eiga séns á bótum.
kv.vals.

Það virðist oft vera þannig að þegar eitthvað byrja endar það með ósköpum. Á skrifum þína að dæma þá gerðu Vélarlandsmenn ekki við bilunina, ef það er olía í vatnskassanum þarf hún að komast þangað og er það oftast í gegnum sprungu á heddi eða í slífunum í blokkinni. Eins og þú segir, þeir slípuðu ventla, skiptu um tímareim og vatnsdælu og eitthvað slíkt. En þeir fundu ekki sprunguna, hvar sem hún var, ef þeir trukkuðu heddið og engin sprunga var þar hlýtur hún að hafa verið í blokkinni. -heyrðist eitthvurt klangklang-, það er alveg ljóst að stangir eða jafnvel sveifarás er brotinn og er það örugglega afleiðing að áður nefndu vandræðum sem þú hefur verið í, en þeir sem tóku upp herlegheitin gátu ekki greinnt. Það kæmi mér verulega á óvart ef vélarlandsmenn tækju þetta á sig en þetta þíðir að vélinn er ónýt og þú verður að fá þér nýja eða notaða.

Þetta eru mínar vangaveltur byggðar á lýsingum þínum en geta vissulega verið rangar, en ég vona að skellurinn verði ekki stór þó að mig gruni það.

Samúðar kveðjur vals.

Ég hugsa að vélalandsmenn ábyrgist þetta ekki, þeir voru bara að gera við heddið…