This topic contains 14 replies, has 1 voice, and was last updated by 
-
Topic
-
AnonymousÞannig er að ég var að skifta um vatnskassa hjá mér, þar sem sá sem var í var of lítill og vélin ofhitnaði. Sá sem ég setti í staðin er pottþétt nógu stór, sennilega á við tvo orginal. Nú ég setti í gang bara helvíti góður með mig að vera búinn að koma þessu fyrir. Nema hvað, að hann var varla búinn að ganga í mínútu þegar það byrjaði að hækka í kassanum og eftir ca. 10 mínútur var farið að sjóða á vélinni en vatnið kalt í kassanum og farnir ca. 3-4 lítrar af honum.
Þetta er 302 ford, vatnslásinn er ekki í, vatns kassinn er reyndar kominn afturí bíl.
Getur verið að dælan sé ekki að ná að dæla upp í kassann aftur eða er bara ónýt heddpakning og hann er að blása út í vatnsgang?
Fyrir fram þakkir fyrir góð svör
Kv. Siggi
Ps. einhverjar myndir hér
-
Replies
-
Miðaðvið lýsinguna myndi ég skjóta á að það sé ekki næg hringrás á kælivatninu. Hvert ertu búin að setja vantskassan segirðu ? kemurðu ekki kassanum fyrir framan rokkinn.
ef þú settur gamla kassan í eða setur þann nýja með styttri lögnum á betir stað sérðu strax hvort heddpakkn sé farinn.
en ég segi 99% að hringrásin hjá þér sé málið.
Gefur augaleið að ef hringrás er léleg þá ertu bara að sjóða sama vatnið 😉
Vatnsdælan í lagi ?
Anonymous- Umræður: 0
- Svör: 16404
Er þá vatnsdælan ekki nógu öflug ef það er vandamál með hringrásina?
Orginal kassinn rétt slapp fyrir framan, en hann sprakk, þá setti ég kassa úr volvo 740 og það spýttist annar stúturinn af honum.
Það er einsog það sé að myndast einhver óhemju þrýstingur í kerfinu, en það er kannski bara farið að sjóða á honum þá. Ég hef ekki geta séð að það komi loftbólur, sem ættu að vera ef hann blæs útí.Kassinn er fyrir aftan framsætin
Kv. Siggi
Þekki ekki þessa vél sem þú ert með en það hefur þekkst víða að ef að það er loft inná kerfinu að þá getur verið erfitt að eiga við hringrásina, þetta er vandamál sem er mikið til dæmis í 2.8 patrol. en ertu búinn að opna vatnsdæluna ??? er ekki bara dælan algjörlega farin… spaðarnir fyrir innan ónýtir eða lausir á öxlinum … dælir ekki mikið svoleiðis. annars geturðu alltaf farið útí að fá þér rafmagnsvatnsdælu eins og menn setja á racerana, mun öflugri dæling
Anonymous- Umræður: 0
- Svör: 16404
Mér finnst frekar ólíklegt að það sé loft á kerfinu, miðað við að kassinn er það mikið hærri en vélin.
Frekar spurning um vatnsdæluna, að hún sé annað hvort ónýt, þ.e spaðarnir farnir eða lausir á öxlinum, eða hún hreinleg sé ekki nógu öflug til að ná að dæla afturí og upp í kassan.Ég þakka fyrir góð svör, en ef þið hafið einhverjar fleiri hugmyndir endilega látið mig vita.
Kv. Siggi
Er ekki bara málið að kassin er of ofarlega þá? Þegar ég var að smíða Willann þá var mér sagt að passa það að hafa kassan ekki of ofarlega því dælan gæti átt í erfiðleikum með að halda hringrás á kerfinu, en hvað veit ég?
Líklegustu ástæður fyrir stöðvun hringrásar eru að vatnslásinn opnar ekki eða að lofttappi stöðvar hringrásina.
Vatnslásinn getur einfaldlega bilað, misst út gasfyllinguna sem opnar hann, eða að lítið gat sem á að viðhalda lágmarkshreifingu á vatninu stíflast og kemst þá heita vatnið ekki að hitanema vatnslássins, sem opnar hann.
Þegar breytt er um vatnskassa þar að hafa í huga að loftlás geti ekki myndast. Lotflás getur auðveldlega myndast ef vatnskasssin er lægri en vatnsslangan frá vélinni, eða að hlykkur er á vatnsslönguni upp á við.
Vatnsdæla getur bilað, en að hún hætti alveg að dæla. þá þarf dæluhjólið að losna af öxlinum, eða vanti hreinlega reymina sem snýr dælunni.
útilokunaraðferðin virkar oft vel.
reyndu að koma kassanum fyrir á sem eðlilegastan máta.
td setja hann bara fyrir framan stuðarann á bílnum í eðlilegri hæð. og prufaðu svo. þá ertu búin að sjá hvort dælan ráði við það. ég held bara að dælan nái ekki að dæla þessu eins og þú setur þetta upp. Og tel ég það vera skýringuna, reikna með því að dælan sé í lagi.
Ef þú finnur það út að vatnsdælan sé ónýt þá á ég nýja og ónotaða dælu handa þér ef þú vilt.
Samson
690-0475
Það er gengur ekki að vera með vatnskassann inni í bíl. Ef það er ekki hægt að gera pláss fyrir hann fyrir framan vél, þá mætti hugsanlega setja hann upp á toppinn. Af etthverjum ástæðum er ekki hringrás á vatninu, þegar vatnslásinn er ekki í, þá á að sjást hreyfing á vatni í vatnskassa, strax og sett er í gang.
-Einar
Afhverju ekki að saga grillið úr framstykkinu og færa það fram um þykktina á vatnskassanum. Þá ætti kassinn að komast fyrir, veit um eina súkku sem var svoleiðis með 289 ford.
https://old.f4x4.is/new/photoalbum/?file=breytingar/3893
Þessi er að gera svipaða hluti og þú, og honum er pottþétt sama þó að þú hringir i hann og fáir upplýsingar. Ragnar Karl Gústafsson, hann er í símaskránni.
Anonymous- Umræður: 0
- Svör: 16404
Ég vil byrja á að þakka fyrir öll svörin og hugmyndirnar, ég var orðinn allveg viss um að hann væri að blása útí (var meira að segja byrjaður að rífa). En nú ætla ég aðeins að skoða málið betur.
Afhverju gengur ekki að vera með kassann inni í bíl og rafmagnsviftu?
Ég var búinn að "láta" orginal bronco kassann passa en hann sprakk hjá mér, er ekki hægt að skifta um elament í honum?
Dælan virðist vera í lagi, hún lekur ekki og hjólið er ekki laust á öxlinum.
Ég ætla að prufa að setja kassann á sem "eðlilegastan" stað, og sjá hvort það er að virka.Kv. Siggi
Fyrst að vatnsdælan er í lagi (og vonandi reim á henni) og vatnslásinn er ekki í þá er líklegast að það sé lofttappi sem hindrar hringrásina á vatninu. Ef vélin blæs út í vatnsgang þá verður erfiðara að fá hringrásina af stað, en hún þarf að blása fjári mikið til að það takist alls ekki.
Hæðin á vatnskassanum er ekki svo krítísk, hæðin á kassanum eykur vissulega þrýstinginn á vatnskerfi vélarinnar, en þrýstimunurinn sem dælan þarf að yfirvinna er sá sami. Öðru máli gegnir um langar lagnir, og e.t.v hlykkjóttar. Hversu sverar lagnir ertu með í kassann?
Að vera með vatnskassann inni í bíl er líklega mögulegt, en menn þurfa að vera ansi harðsvíraðir til að nenna að nota slíkt fyrirkomulag. Í einföldun og örstuttu máli þá fer c.a sama orka út um vatnskassann í formi varma, og fer aftur úr sveifarás vélarinnar í formi hreyfiorku.
Það þýðir að þegar þú þeysir í góðum snjó með fordinn í botni, þá ertu með 150 hestafla miðstöð aftur í súkkanum, þar sem er vatnskassinn. Ég tel að þær dömur sem sitja brosandi undir svoleiðis hita teljist seint húslegar.
Kv
Óli.
Forsenda þess að vatnskassi þjóni sínu hlutverki er að það fari kalt loft í gegnum hann. Þetta loft hitnar við að fara í gegnum kassann. Ef kassinn er inni í bíl, fer að mestu sama loftið í gegnum hann aftur og aftur, sem verður fljótlega komið í svipað hitastig og er á vatninu.
Eins og Óli segir, þá getur svona vél sett varma í kælivatnið sem samsvarar 150 hestöflum, sem er yfir 100 kW, sem myndi duga til að kynda nokkur einbýlishús í 20 stiga frosti.-Einar
hugsaðu svo aðeins útí það hvað gerist ef kassinn springur inní bíl hjá þér fyrir aftan bílstjórasætið… gætir hreinlega brennst sæmilega af öllu vatninu sem mundi gusast yfir þig ….. svo maður tali nú ekki um hitann af þessu drasli, þyrftir alltaf að vera með opna glugga og mundi ábyggilega ekki duga til…
You must be logged in to reply to this topic.