This topic contains 22 replies, has 1 voice, and was last updated by 
-
Topic
-
Þarf ekki að stofna vatnadeild innan klúbbsins? Meðal verkefna væri að fara þessi gömlu vöð og grafa upp menn sem eitthvað vita um þetta. Safna saman á einn stað sem mestum fróðleik. T.d. gæti Olgeir í Nefsholti tekið Hlyn og fleiri í smá kennslustund um Bjallavað.
Til er talsvert af myndum af trukkum á kafi en lítill texti við þær. Ein þessara mynda er af Bedford Bjarna í Túni á kafi í Krossá. Rétt sést í hornið á stýrishúsinu. Farþegarnir komust út um lúgu á farþegahúsinu og upp á eyri í ánni. Þangað voru þeir sóttir á hestum frá Stóru-Mörk og var faðir minn með í þeirri ferð. Bergur Sæmundsson frændi minn (frá Stóru-Mörk)keypti bílinn af Bjarna og gerði út í mörg ár. Gaman væri að hafa upp á þessari mynd og fleirum.
Kv. Árni Alf.
-
Replies
-
Er þetta þá ekki örugglega Maríufoss? Eða hvort vilja menn kalla fossinn Maríufoss eða Maríufossa, hvort tveggja virðist vera notað. Líklega samt sama rugl og með Þursaborg- borgir. [img:3jzeouiu]http://www.123.is/images/GenerateImageWatermark.aspx?fn=davidh&aid=-1480378432&i=001[/img:3jzeouiu]
Þetta er góð mynd hjá þér Davíð og nokkuð örugglega Maríufoss enda sést í vatnsmælishús. Þetta nafn er eitthvert seinni tíma nafn sem heimamenn kannast ekki við og mun vera tengt Maríu Mokk þeirri sömu og ort er um í Þórsmerkurljóði Sigurðar Þórarinssonar. Núna er rennslið þarna 116 rúmmetrar á sek. og Hófsvað því trúlega ófært nema alstærstu bílum. Ég hef spurt elstu menn sem kunnugir eru þessu svæði um nafn á fossinum eða flúðinni móts við pípuhliðið en enginn kannast við nafn á þeim fossi. Endilega komið með nafn ef einhver þekkir það. Kv. Olgeir
You must be logged in to reply to this topic.