Vatnajökulsþjóðgarður frestar !

Þetta er algjör endurtekning á aðferðafræði núverandi stjórnvalda í mótun á ferðstefnu hálendisins til þessa. Hlusta, biðja um frest til að vinna að málinu, óska eftir þolinmæði til að ná samráði og senda síðan út yfirlýsingu um að ekkert verði gert og fullt samráð hafi verið haft um að gera ekki neitt.

Þessi sömu vinnubrögðu verða viðhöfð um öll mál sem tengjast náttúru landsins út þetta kjörtímabil. Friðanir og lokanir svæða um allt land án samráðs við nokkra aðila og á sama tíma færir Ferðafélagið út sitt yfirráðasvæði í góðu samstarfi við stjórnvöld. Innan skamms tíma verður ekki hægt að ferðast um landið nema í skipulögðum hópum á vegum FÍ og greiða fyrir það og gistingu samkvæmt gjaldskrá sem þeir einir ákveða.

Það er verið að ferðamannavæða landið okkar fyrir erlenda ferðamenn og markvisst verið að loka fyrir frjálsa ferðamennsku hins almenna íslendings. Öllu verra er að okkar klúbbur er ekkert að gera til að spyrna við fótum í þessu. Að hafa fulltrúa í svæðaráðum og áheyrnarfulltrúa í stjórn Vatnajökulsþjóðgarðs skiptir engu máli, það er búið að festa þar allar ákvarðanir í lög og reglur í samráði við FÍ.

Guðmundur G. Kristinsson

Sælir félagar.

Það var mat okkar félaga sem starfað hafa í nefndum varðandi Vatnajökulsþjóðgarð að samþykkja þessa frestun, einfaldlega til að fá betri tíma til að ræða þessi mikilvægu mál. Reglugerðinni hefði aldrei verið breytt nú í sumar. Elín sem er okkar fulltrúi kemur okkar skoðunum á framfæri að miklum myndarskap, allavega trúi ég því 100%. Það er alltaf í samningamálum að ferlið tekur svolítinn tíma og við verðum einfaldlega að virða það.

Bestu kveðjur,
Elli.