Vatnajökulsþjóðgarður enn

Það sem þarna var á ferðinni var nefnd sem hafði það hlutverk að fjalla um þjóðgarð norðan Vatnajökuls, en hann mun væntanlega renna inn í Vatnajökulsþjóðgarð ef/þegar það kemur til. Þetta er semsagt ekki sama nefnd og var í fréttum fyrir nokkrum vikum og vildi setja akstursbönnin sem frægt varð. Ég hef reyndar ekki lesið skýrsluna en hún er kominn á vefinn hjá ráðuneytinu. Ég held ég fari rétt með að í þessum tillögum eru ekki neinar tillögur um takmarkanir á frelsi til að ferðast á eigin vegum, allavega kom það ekki fram í kynningu á þessu. Það jákvæða sem ég sé hins vegar í þessu er að með þessu er komið í veg fyrir að uppbyggð hraðbraut verði lögð þvert í gegnum þetta svæði, en slíkar hugmyndir hafa verið uppi. Það eru hins vegar einhverjar hugmyndir um vegabætur á meginleiðum í gegnum þjóðgarðinn, sem myndu þá verða látnar fylgja landslaginu, en að því mér hefur skilist tók nefndin ekki afstöðu til þess hvort ætti að vera bundið slitlag á þeim.

Þarna kemur semsagt ekki svar við því hvort tekið verði tillit til athugasemda okkar við hugmyndir um akstursbann á ákveðnum svæðum á jöklinum frá apríl til sept. sem er kannski stóra áhyggjuefnið í þessu.

Eiginlega finnst mér verst í þessum tillögum að þjóðgarðurinn sé ekki stærri. Frá upphaflegu hugmyndunum er búið að taka sneið af honum að vestan verðu vegna hugmynda um að tengibraut yfir Sprengisand yðri látin liggja austan við Skjálfandafljót. Þar með færi vænn biti af þessu svæði (í hunds kjaft ef menn vilja orða það svo) og skáli Eyfirðinga á Réttartorfu gæti breyst í hamborgarasjoppu.

Kv – Skúli

Já mig grunaði nú að við værum ekki sammála þarna. Þetta er hins vegar ósköp einfalt Björn, ef fram væri komin reglugerð um Vatnajökulsþjóðgarð þar sem akstur væri bannaður eða háður leyfum væri ég, eik og flest annað ferðafólk á móti því en ef það er ekki, né nein önnur grein sem takmarkar ferðalög, þá horfir málið allt öðru vísi við. Það að landslag þessa tiltekna svæðis þarna fyrir norðan Vatnajökul fái að vera laust við uppbyggða vegi eins og sumir vilja fá þarna (eða önnur stórfelld mannvirki) finnst mér vera töluvert gott mál, allavega fyrir þá sem hafa áhuga á að ferðast um rauverulegar óbyggðir. Ég geri mér grein fyrir að þetta skapar Landsvirkjun ákveðið óhagræði og einhverjir þarna fyrir austan verða fyrir vonbrigðum, en samviskuleysi mitt gerir það að verkum að mér er slétt sama, fyrir mig skiptir meira máli að hafa þetta svæði áfram náttúrulegt.

Af því þú nefnir skyldur í opinberri umræðu, þá skal taka fram að hér á heimavelli klúbbsins skrifa ég undir eigin nafni og tjái mig því sennilega sterkar en þar sem ég væri titlaður sem formaður klúbbsins. Hins vegar tók klúbburinn afstöðu með þeirri hugmynd að Vatnajökull verði þjóðgarður árið 2000, þá undir forystu Þórarins Guðmundssonar. Þar kom ég hvergi nærri, enda var ég þá býsna óvirkur félagi, en hins vegar vitnuðum við til þeirrar yfirlýsingu á fundi með ráðherra á dögunum. Án þess að ég hafi undir undir höndum gögn um þessa yfirlýsingu frá 2000, aðra en Farið (bls. 35), þá finnst mér ekki ólíklegt að hugsunin þar hafi verið sú að með þessu aukast líkur á að sú náttúra sem við erum að sækja fái frið fyrir skemmdum t.d. af völdum mannvirkjagerðar.

Ólsarinn hefur örugglega mikið til síns máls varðandi öfgafólk (ætlarðu að fara að etja okkur saman!!!). Okkur stafar örugglega ákveðin hætta af þeim eins og sást í tillögunum sem komu fram fyrr í vetur. Ég leyfi mér hins vegar að vera bjartsýnn á að okkur hafi tekist að hafa áhrif á afstöðu núverandi umhverfisráðherra til þess máls og trúverðugleiki öfgamanna sé ekki mikill. Gleymum því hins vegar ekki að okkur og okkar sporti stafar ekki síður ógn af sífelldri sókn til láglendisvæðingar hálendisins eins og ágætur maður orðaði það svo snilldarlega hérna á vefnum. Þar eru dæmin ansi mörg, Þórsmerkurvegurinn, Sprengisandur, Kjölur, Stórisandur og Blöndalsvegur, jafnvel Fjallabak er ekki óhult hvorki fyrir vegagerð né vikjanaframkvæmdum. Það er því gott mál að þarna eigi að afmarka ákveðið svæði sem fái að vera í friði, þó það hefði óneitanlega mátt ná alveg austur að Skjálfandafljóti.

Kv – Skúli

Velkominn á fætur Bjössi, ég þarf ekki lýsa því í smáatriðum hversu smmála ég er þér. En þó leggst núvarandi þingnefnd nokkuð vel í mig þar sem þeir minnast á "hefbundnar landnytjar" það hljómar þó sæmilega. En þeir minnast einnig á " Nánu samstarfi við heimamenn og hluteigandi" það hljóta að vera VIÐ. Þar sem VIÐ nýtum sennilega jökulinn manna mest.
Og nú er bara að leggjast lobbýisma og míga utan í Steingrím J, Össur Skarphéðins, Magnús Jóhannsson, Arnbjörn Sveinsson og Magnús Sveinsson.
Það sem vekur óhug í þessu máli er að fara á eftir mælikvarða U.C.N Alþjóðlegu náttúruvendarsamtökinn um þjóðgarðinn, og við vitum hvernig skilningur pleppana einhverstaðar í mið evrópu er þegar fjallað er um vildmarken, tja svei.
Þingnefndin segir einnig í álitinu að Vatnajökullsþjóðgarður verði með öðrum hætti er hinir þjóðgarðarnir.

Jón Snæland.