Varúð á Fimmvörðuhálsi

Sælir félagar,
annars vegar er hér frétt úr Sunnlesnka.is
http://www.sunnlenska.is/frettir/6560.html
hins vegar efni af bloggsíðu Sigurðar Sigurðarsonar http://sigsig.blog.is/blog/sigsig/entry/1166671/

Enn lokað fyrir umferð upp að Fimmvörðuhálsi
13.05.2011 13:40
Leturstærð:
Skógaheiði. Baldvinsskáli á miðri mynd. sunnlenska.is/Guðmundur Karl „Sú lausn sem við höfðum hugsað okkur geng­ur ekki upp,“ segir Ísólfur Gylfi Pálmason sveitar­stjóri í Rangárþingi eystra. Sveitar­stjórn hyggst falla frá tillögu um nýtt vegstæði upp á Fimmvörðuháls frá Skógum eftir að sumar­húsaeigendur mótmæltu fyrir­hugðum framkvæmdum.

Ábúendur í Skógum hafa lokað fyrir umferð um bæjarhlaðið vegna álags sem þar hefur skapast. Á meðan er núverandi vegur inn að Baldvinsskála lokaður.

Sigurbjarni Sveinsson á Hvols­velli sem rekur fyrirtækið South Iceland Adventure segir að 90% allra fyrirspurna um ferðir komi frá erlendum ferða­mönnum sem vilja komast í nánd við eldstöðv­arnar. „Þetta er okkar gullnáma sem er alger­lega vannýtt,“ segir hann.

Sex milljónum hefur verið úthlutað úr styrkvegasjóði í nýtt vegstæði og segir Ísólfur Gylfi að í bígerð sé að finna það.

Bloggsíða Sigurðar Sig;

Friðum Fimmvörðuháls fyrir bílaumferð
14.5.2011 | 09:37

Vegurinn upp á Fimmvörðuháls hefur verið afskaplega slæmur undanfarin ár. Honum hefur ekki verið viðhaldið á eins og öðrum fjallvegum. Og til hvers á að hafa veg upp á Hálsinn? Hann á einfaldlega að vera lokaður nema fyrir lögreglu og björgunarsveitum.

Þeir sem áhuga hafa á að fara á Fimmvörðuháls eiga að ganga. Gönguleiðin er frábær og einstaklega falleg. Þeir sem vilja fara hraðar yfir geta sleppt því að gagna fossaleiðina með Skógá og farið eftir veginum.

Gönguleiðin frá Básum, um Strákagil, Kattahryggi, Foldu, Morinsheiði og Bröttufönn er líka stórkostleg og hún er styttri en að vísu nokkuð erfiðari.

Fimmvörðuháls á að friða fyrir bílaumferð. Svo einfalt og ágætt er það.

Lokað fyrir umferð að Fimmvörðuhálsi
Ábyrgðarmaður færslu
Tilkynna um óviðeigandi tengingu við frétt
.
Flokkur: Stjórnmál og samfélag | Facebook

« Síðasta færsla

Athugasemdir
Augnablik… Vakta athugasemdir Þú ert að vakta athugasemdir við þessa færslu. Hætta að vakta
1

Sæll Sigurður, tek undir málþitt. En veist þú hvað þetta borgmyndaða fjall hét, áður en farið var að kalla það Morinsheiði ?

Hrólfur Þ Hraundal, 14.5.2011 kl. 11:12
.2

Takk staf þinn og gakk!

Vissulega væri það frábært ef Sigurður gæti komið þeim sem ekki geta gengið eða ekki vilja ganga, til að skakklappast upp á Fimmvörðuháls. En það er bara ekki á allra færi!

Vegurinn frá Skógum er hvorki betri né verri en hann hefur verið, en er ákaflega leiðinleg gönguleið og mér óskiljanlegt að göngufólk skuli endilega velja hann í stað þess að halda aðskilnaði við vélknúna umferð.

Einhver ljótari náttúruspjöll seinni tíma (fyrir utan Suðurstrandarveginn nýja frá Selvogi og vestur úr) er einmitt á gönguleiðinni upp á Fimmvörðuháls frá Básum. Það væri búið að loka leiðinni, kæra viðkomandi og sekta ef skurðirnir væru eftir vélknúna umferð.

Virðum rétt ALLRA til að ferðast um landið okkar góða, og vinnum að því að gera það í sátt og samlyndi.

Ingi

Þorvarður I Þorbjörnsson, 15.5.2011 kl. 08:39
.

Já ok, maður skellir sér þá kannski bara yfir jökul eins og þegar gosið var í gangi. Þetta er nú annars meiri forsjárhyggjan í þessu samfélagi okkar að stjórna umferð með svona hætti. Ég hefði haldið að það væri nær að leggja bara smá í að laga þennan veg upp Fimmvörðuhálsinn fyrir akandi umferð svo fólk kæmist þetta bara hver með sínum hætti. Og hinir sem vilja lappa gætu bara gert það áfram.

Kv. Sigurþór

sælir,
veit einhver hvort það er alveg lokað fyrir bílum upp Fimmvörðuháls ?, erum að fara að ganga nokkuð mörg Fimmvörðuháls næstu helgi og ætlunin er að hafa einn jeppa með hópnum upp að skála með vistir og eins til að ferja þá sem ekki ganga alla leiðina.
kv.
Siggi Pálma.