Varðandi auglýsingaflokka

Í gegnum tíðina hefur ég lesið ófáa auglýsinguna undir „jeppar“ eða „varahlutir“ hvort sem er í smáauglýsingum dagblaða eða á innlendum sem erlendum vefsíðum. Eitt er það sem angrar mig afskaplega á íslenskum vettvangi og ég hef aldrei skilið en það er sú viðleitni að gefa ekki upp verð á bílum sem eru til sölu. Hvað halda menn að þeir græði á því? Hvurskonar ranghugmyndir eru það að halda að þeir fái hærra verð með því að blaðra í síma? Ef menn ösnuðust nú til að gefa upp u.þ.b. verðið sem þeir vilja fá fyrir bílinn þá losna þeir við óþarfa blaður við menn sem voru ekki að sækjast eftir bíl í þessum verðflokki. Nú getur verið að menn sækist eftir slíku þvaðri en þá má benda á spjallrásir líkt og þessa sem ég er að misnota til gufuaftöppunar eða hreinlega að gera vefsíðu um sjálfan sig og bílinn…