This topic contains 25 replies, has 1 voice, and was last updated by 
-
Topic
-
Ég var vanur að skreppa í Bílanaust til að kaupa hitt og þetta í bílinn minn. En eftir síðustu heimsókn til þeirra get ég ekki orða bundist lengur. Mig vantaði kapal í spil, 50 kvaðröt og skó á hann. Metrinn kostaði 1690 kr. en ég þorði ekki að athuga hvað skórnir kostuðu. Ég ætlaði að kaupa 9 metra (tengi að aftan líka) sem hefðu gert 15210 kr + skóna sem átti eftir að kaupa. Í heildsölu ekki langt þar frá fékkst kapallinn á 3500 með skónum (10 metrar). Kerti í 2,4 toyota kosta eitthvað um 550 kr/stk en í toyota kosta þau rúmar 400 kr/stk. Svipað með lok og þræði. Framljós ca 4700 í P.Samuelson en um 5800 í B.
Einnig ætlaði ég að breyta dempurum hjá mér, taka augað af og setja pinna í stað þess. Pinninn 2600 kr/stk. gúmmíið 900 kr/stk, skinnan 900 kr/stk sem gera þá 12.400 kr fyrir utan rærnar á tvo dempara. Sem er svipað og einn nýr.
Nú er svo komið að ég er farinn að taka á mig krók frekar en hitt þegar Bílanaust er í nágrenninu.Gaman væri að heyra frá Bílanaustmönnum hvort hlutirnir þeirra séu svona miklu betri að það skýri þennan mikla verðmun.
kv
Sölvi
-
Replies
-
Sælir strákar,
ja ljótt er ef satt er, ég veit ekki hvort að er við Bílanaust að sakast né veit ég við hvern, en ég gæti nú trúað að það muni vera svolítið erfitt oft á tíðum að finna út hvaða varahlutur á að vera í viðkomandi bíl. Þeir eru með úrval fyrir nánast hvaða bíl sem er og svo eru framleiðendur að breita hlutonum oft á miðju ári og stundum tvisvar, og þetta er nú ekki allt á hreinu í þessum bókum hjá þeim hefur mér fundist. Þess vegna ef það er eitthvað vafaatriði þá er ágætt að kaupa báða hlutina og skila svo þeim sem ekki passar. Nú verðin eru alltaf mismunadi ég hef ekki fundið að Bíanaust sé með hærri verð nema síður sé, annars kannar maður oft verðmun á milli fyrirtækja og fer þangað þar sem það er ódýrast.Kveðja Hjörtur og jakinn.
Anonymous- Umræður: 0
- Svör: 16404
Mér sýnist menn blanda saman ólíkum hlutum og hræra í einn stóran graut. Að bera saman orginal hluti og international gefur mjög ranga mynd. Auðvitað getur undir vissum kringumstæðum verið gott og blessað að kaupa ,,ódýrari" hluti á næsta horni, það fer eftir því hversu mikilvægir þeir eru í gangverkinu, hversu lengi þeir eiga að endast og svo framvegis. Það er hins vegar staðreynd að orginal hlutir, sem annað hvort eru framleiddir af framleiðanda viðkomandi bíltegundar eða í umboði hans og uppfylla gæðastaðla hans, endast langoftast betur.
Mismunandi verð er eðli markaðarins og þannig á það að vera. Það er mikilvægt að bera saman verð og gæði áður en keypt er og gera upp við sig hvaða kröfu maður vill gera til hlutarins. Það er einfaldlega ekki sama gúrka og gúrka, það er svo ótalmargt sem skilur á milli! Ef bílframleiðandi keypti aðeins ódýrustu íhluti í framleiðslu sína – hver haldiði að bilanatíðnin væri? Hvaða bíltegund kemur best út í slíkum rannsóknum – sbr. Mbl. í dag?
Að henda skít í þessa verslun eða hina, þetta umboð eða hitt, finnst mér dapurlegt að sjá og sýna betur en margt annað hversu leiðinlegur andi getur verið á þessum blessaða þræði 4×4.
bv
Anonymous- Umræður: 0
- Svör: 16404
Það er ekki skrítið að þessir menn vilji losna við okkur utanfélagsmenn af spjallinu.
"Vil minna menn á að Bílanaust bauð okkur félagsmönnum í heimsókn til sín í des sl, þar sem rúmlega 400 manns mættu og þáðu veitingar, sem heppnaðist mjög vel að flestu leiti. Ekki hefur verið talað um eftirmála þess kvölds ! Nei og þar megum við svo sannarlega skammast okkar. Þar voru nokkrir aðilar hnuplandi vörum um leið"
Þeir hafa eitthvað sem þeir skammast sín fyrir.
Sumarkveðjur frá óháðum
MaggiPS aldrei er neitt svona röfl á Kvartmíluspjallinu þar eru allir velkomnir og enginn sem þarf að skammast sín.
Ég hef verslað í Bílanaust lengi og ef varan sem mig vantar er á góðu verði þar þá versla ég þar.
Þessi umræða finnst mér bæði vond og góð. Aðallega vond vegna þess farvegar sem hún virðist stundum sækja í þegar sest er í sandkassann.
Auðvitað eigum við að leggja að fyrirtækjum að bjóða okkur sem og öðrum góða vöru á sanngjörnu verði. Gott er að bera saman verð hér á vefnum, en gæta verður sanngirni.
Ég grillaði mína ágætu kúplingu í fyrradag á Eyjafjallajökli, sá að menn töldu hana ódýrari í Fálkanum en í Bílanausti. Þetta reyndist rétt, sett frá Sachs kostaði rétt um 18.500.- en Bílanaust hafði sambærilegt á 40.000.- allt settið.
Þetta er akkúrat það sem ég vil sjá að menn geri. Beri saman verð og gæði, ef eitthvað er gott getum við notið þess, en einnig látið vita ef einhver (Bílanaust eða ekki Bílanaust) virðist vera að hlaupa af sér hornin í verðlagningu. Sleppum sandkassaleiknum, verum sanngjarnir og málefnalegir. Að sama skapi finnst mér engu máli skipta, og vera algert aukaatriði hvort einhverjum voru færðar snittur í desember síðastliðnum.
Til netstjóra varpa ég fram því hvort nýr flokkur sé tímabær t.d. undir heitinu Verðvöktun. Bara hugmynd.Hættum að vera hér eins og svín í sagi og höldum okkur við málefnin.
Kv,
Lalli.
Það er komin ný varahlutaverslun á smiðjuveginn í kóp
og er Varahlutalagerinn. Eru með ágætis verð og geta útvegað varahluti bæði boddy og hitt á skömmum tíma.
Svo borgar sig að hringja á nokkra staði.Sími 587-0240
You must be logged in to reply to this topic.