This topic contains 7 replies, has 1 voice, and was last updated by 
-
Topic
-
sælir
ég var að skoða 2000 model af cherokee 4 lítra keyrður 100.000
mig langaði að vita aðeins meira um þessa bíla.
Ég hafði hugsað mér að konan myndi nota þennan bíl sem innanbæarsnattara mest.
þá vildi ég vita hvað þeir væru að eyða í svoleiðis keyrslu.einnig virðist bílstjórasætið vera eitthvað brotið og mótor fyrir rúðuupphalara aftur í öðru megin er sennilega ónýtur. var að spá í aðgengi að varahlutum í þessa bíla.
allar upplýsingar um þá vel þegnar
kveðja Ólafur
-
Replies
-
Sæll
Aðgengi að varahlutum er mjög gott, bæði nýtt og notað.
Éh hef átt nokkra XJ (gamli kassalaga) cherokee með þessari vél og hef eyðslumælt þá innanbæjar á 38". Þeir fara með 22-24 á 38" (aldrei undir 20) en óbreyttur ætti að fara með minna. Hinsvegar er grandinn sem þú ert að spá í nokkur hundruð kg. þyngri og eyðslan því meiri. Ég er mjög hrifin af cherokee og þá sérstaklega XJ en ég myndi aldrei nota svona jeppa í snattið vegna eyðslu.
Freyr
Ég var að spá í hvort ekki væri sniðugt að setja metan gas kerfi í þessa bíla.
ég er bara að velta þessu fyrir mér því verðið á þessum bílum er frekar gott.[quote="lafsi":1dgp77tw]sælirég var að skoða 2000 model af cherokee 4 lítra keyrður 100.000
mig langaði að vita aðeins meira um þessa bíla.
Ég hafði hugsað mér að konan myndi nota þennan bíl sem innanbæarsnattara mest.
þá vildi ég vita hvað þeir væru að eyða í svoleiðis keyrslu.einnig virðist bílstjórasætið vera eitthvað brotið og mótor fyrir rúðuupphalara aftur í öðru megin er sennilega ónýtur. var að spá í aðgengi að varahlutum í þessa bíla.
allar upplýsingar um þá vel þegnar
kveðja Ólafur[/quote:1dgp77tw]
Sæll Ólafur
Ég var með 2004 grand með 4,7 265hö vélinni og var hann að fara með 16-17 innanbæjar og fór niður í 12-13 á langkeyrslu og ég ekki var ég með einnhvern spari akstur á honnum ég held reyndar að 6 cylendra bíllinn sé bara með svona svipað ég áttin minn það stutt að ég þurfti nú ekkert að panta í hann
Kv.Smári
Það stendur samt hvergi hvort þú hafir verið að skoða Grand Cherokee eða Cherokee XJ?
Xj var til alveg til 2001.Kveðja
Þengill
Ég var að spá í Grand
búinn að prófa bæði 4.o og svo 4.7
það var nu ansi mikill munur á því hvað 4.7 var skemmtilegri, en hafði svo sem ekki úrslitaáhrif þannig.
en ég var að spá í svona bíll sem keyrðu er 150 þús hvað ætti maður að reikna með að fari að bila í svona bíl
ég hef heyrt svolítið misjafnar sögur af þeim
Ég þekki ekki af eigin raun bílana sem komu eftir 1998 (WJ) en ég átti 1996 4L bíl (ZJ) og það var ekkert nema gott um bæði vél og bíl að segja.
4L vélin er jeppavélar jálkur af gamla skólanum og nánast ódrepandi ef það er hugsað um grunnþarfir eins og olíuskipti og svoleiðis. Hún er ekki nein kvartmíluvél en vinnur samt ágætlega og togar eins og jeppavél á að gera.
4.7L vélin er nýrri hönnun, kom ný 1999 og ég þekki hana ekki en hef aldrei heyrt neitt nema gott um hana og flestir virðast sammála um að hún sé þrælskemmtileg. Eftir 2002 koma þær í tveimur útgáfum, venjuleg (223hö) og hinsvegar "high output" 258hö í Grand Cherokee Overland.
Hvað það varðar að keyra þessa bíla á gasi þá er það breyting sem er mjög algengt að menn geri á þessum bílum úti í Evrópu og miðað við hvað það er algengt mætti halda að það komi vel út. Ég setti að ganni mínu upp leit á http://mobile.de að Grand Cherokee (allar árgerðir) sem væru til sölu með gaskerfi og fékk 80 bíla.
Að keyra svona bíl mestmegnis sem innanbæjarbíl er í sjálfu sér sóun en ef menn vilja vera dags daglega á jeppa er varla til skemmtilegri bíll. Þeir eru snarpir liprir og ljúfir í akstri og það fer vel um mann í þeim, þeir eru alls ekki mikið stærri en stórir fólksbílar þannig að það er ekki neitt mál að koma þeim fyrir. Það er nóg pláss í þeim og þeir eru vel búnir.
Það er hins vegar ekki hægt að ganga framhjá því að þetta eru bílar sem eru að fara með 18-22 lítra í hreinum innanbæjarakstri (ég sá 24 lítra hjá mér við allra verstu aðstæður að vetri til), þeir sem reyna að halda öðru fram eru einfaldlega haldnir veruleikafyrringu.
Varahlutir eru ekkert vandamál. Í fyrsta lagi bila þeir ekki mikið og þegar þeir bila er afskaplega einfalt að fá í þá frá t.d. Benna eða Bílabúð H Jónsson & Co. Eina sem ég lenti í vandræðum með var framljós vegna þess að minn bíll var smíðaður í Austurríki fyrir Evrópumarkað (allir bílarnir sem eru seldir nýir af umboðum í Evrópu eru smíðaðir þar en ekki í USA) og ljósin í þeim voru öðruvísi og hvorugur þessara aðila gat reddað því og ef ég hefði keypt það í umboðinu sem þá var Ræsir hefði það kostað skelfilega upphæð. Ég endaði með því að láta kunningja minn kaupa það í Þýskalandi og senda mér það.
Niðurstaða:
Þrælgóðir, þrælskemmtilegir og vandaðir bílar og alvöru jeppar, drífðu þig í því að kaupa eitt stykki.
Ég þakka greinargóð svör hér á þessari síðu
ég er að verða á þeirri skoðun að ef maður er til í að sætta sig við þessa eyðslu innanbæar 18+ Þá er þetta heppilegur bíll fyrir frúna krakkana og hundinn í snattið.
Og ekki spillir verðið á þeim sem er bara býsna gott.
Það helgast nu sennilega af því að menn eru ekkert ginkeyptir fyrir því að kaupa bíla sem eru svona eyðslufrekirkveðja Ólafur
You must be logged in to reply to this topic.