Vantar upplýsingar breyta Wrangler

Sælir,

Til hamingju að eiga Wrangler, það eru forréttindi útaf fyrir sig.

Þetta var líka fyrsta breyting á mínum , að setja fjaðrirnar ofan á hásingu.

Það fyrsta sem þarf að gera er að hafa sætið fyrir fjaðrirnar sirka 50% lengra en það er núna undir hásingunni, þetta hjálpar aðeins við uppásnúningin sem verður við inngjöf og bremsu.

Uppásnúningurinn verður vandamál að aftan við þessa aðgerð. Ég setti stífu sem byrjaði undir fjaðrahengslinu að framanverðu að aftan og sú stífa endaði undir hásingunni. Þetta kom í veg fyrir uppásnúningin þegar maður gaf í.

Annað er að stýrisstöngin að framan mun líklegast rekast í fjaðrirnar,  mig minnir að þú þurfir drop pitman arm, eða síkkaðan stýrisarm til að laga þetta.

Drifskaftið að aftan þolir þetta líka ekki. Þú verður líklegast að kaupa þér SYE,  eða slip yoke eliminator, sem styttir millikassann að aftan og þá er hægt að lengja drifskaftið að aftan til að þola þessa nýju staðsetningu á hásingunni sem er neðar. Það er hægt að lækka millikassa plötuna til að minnka þessi áhrif en verður þó alltaf aðeins tæpt.

Það allt hefur áhrif á það hvernig þú síðan ákveður hallann á afturhásingunni svo að drifskaftið víbri ekki.  Allir SYE hafa síðan drifskaft sem er með tvöföldum lið. Þá er hallinn á afturhásingunni  hafður sirka 2-3 gráður niður  frá því að beina beint upp í drifskaftið. Semsagt þarf að halla hásingunni upp á við.

Að framan er mjög sniðugt ef menn nenna, að breyta fjaðrafestingunum þannig að fasti punkturinn í fjaðrafestingunum verði að framan eftir breytinguna. og sá lausi verði að aftan. Það gefur mun betri föðrun. Ástæðan fyrir því er að þá fjaðrar hásingin örlítið afturábak sem míkir höggið fyrir bílinn.

Annars er þetta nokkuð einfalt

Ef þú ætlar ekki hærra en 35″ dekk , myndi ég frekar mæla með að þú myndir láta valsa fjaðrirnar hjá þér og síðan að lengja fjaðrahengslin um 50%, það ásamt köntum+úrklippingu.  gefur nægilegt lift fyrir 35″ dekk.

Annað líka sniðugt er að boddýhækka hann um 50-60mm, það gefur líka næga hækkun fyrir 35″ dekk.

Þetta er þó ekki algjör tvíverknaður því þú losnar við að þurfa kaupa fleiri stífur og gorma og síðan að skera grindina í sundur fyrir gormum og annað meiriháttar vesen við gormafjöðrun , þó svo að hún sé alltaf skárra skref. Allt sem þú þarft að kaupa við þessa breytingu nýtist í framtíðar fjöðrunum, ef menn hafa ekki á móti smá vinnu.

Ég byrjaði  í

1. fjaðrir upp á

2. gorma afturfjöðrun

3. fram gormafjöðrun

4. ný aftur gormafjöðrun

5. ný fram gormafjöðrun.

6. ný coilover bypass fram og afturfjöðrun.

Gangi þér vel.

kv

Gunnar