vantar staðsetningu

Sjá [url=http://gps.snjallt.net/file/index.php?&direction=0&order=&directory=Jeppalei%F0ir%20a%F0%20sumri/AL:2s63ll5u]Solheimasandur.gdb[/url:2s63ll5u].

DC-3 er nafnið á farþegaflugvélinni, en herinn kallaði þær eitthverju öðru (C eitthvað). Það voru til tvær "stærðir" af þessum vélum. Voru held ég álíka stórar en með töluvert mismikla burðargetu.
Þetta er hervél sem er þarna á sandinum.

Annars er bara að Gúggla þetta….:)

kv
Rúnar.

Flugvélin er af gerðinni Doglas C47 og var notuð í flutninga fyrir herinn austur að Stokksnesi. Var vélin að koma þaðan þegar hún missti vélarafl eða fékk á sig ísingu og varð að nauðlenda á söndunum í snjó, varð hún að magalenda og því virtist hún renna ansi langt og stoppaði ekki fyrr en í einhverju affallinu og var því í sjó. Mannbjörg varð en 11 manns voru um borð Reynir Ragnarsson á Vík stjórnaði björguninni, en áhöfnin og farþegar vori fluttir á brott í þyrlu varnaliðsins. Hervörður var settur um borð í vélina. Leyst Reyni og þeim björgunarmönnum ekki vel á það vegna þess að sjór var farinn að brjóta á vélinni, en verðirnir tóku vörsluna alvarlega og vildu ekki yfirgefa vélina. Tóku björgunarmenn þá það til ráðs að sækja öflugan bíl með spili og tókst þá að draga vélina hærra upp úr sjónum.
PS Eitt er nokkuð merkilegt við þetta flugvélaflak. Það er hversu menn hafa almennt mikla þörf fyrir að skemma það og hefur vélin látið mikið á sjá á að undanförnu. Það þarf að fara að koma upp einhverjum stað þar sem heilalausir skemmdarvargar geta fengið útrás.

Daginn

Ég heyrði um daginn hvernig hún hrapaði en ég veit ekki hvort sagan sé sönn en hún er trúverðug.

Vélin var notuð til flutninga og var á leiðinni á milli Hornafjarðar og á leið eitthvað í vesturátt annað hvort Reykjanesið, Reykjavíkur eða Selfoss-stokkseyrarbakka svæðisins, það skiptir kanski ekki svo miklu en.

Hún var býsna hlaðin þegar fljótlega eftir flugtak bilaði annar hreyfillinn og flugmönnum sagt að snúa við. Þessar vélar geta auðveldlega flogið á einni vél svo að flugmennirnir ákváðu að fara alla leið. Þá gerðu þeir sér ekki grein fyrir því hversu þungur farmurinn var og hreyfillinn sem var í gangi byrjaði að hitna meira og meira. Það var fátt annað í stöðunni en að nauðlenda gripnum hið snarasta og þar liggur hún. Stuttu eftir að vélin lenti þarna vöru verðmæti vélarinnar sótt vélar, vængir og aðrir nothæfir varahlutir.

Þetta með skemmdar vargana þá finnst mér það skrýtið hvað hefur verið raðað miklu af haglaskotum í skrokk hennar. Hvaða sport er það að skjóta 12 metra langa blikkbelju sem liggur útí fjöru, í mínum augum krefst það eins lítillar færni og hugsast getur og veitir mönnum því afskaplega takmarkaða þjálfun í skotfimi.

Nær væri að raða kókdósum á sandinn og skjóta útúr glugga vélarinnar. Það veitti mönnnum hugsanlega útrás fyrir hernaðarleiki.

Kv Izan

hnitin voru komin ofar í spjallinu en takk samt.