This topic contains 1 reply, has 1 voice, and was last updated by 
-
Topic
-
Þannig er mál með vexti að ég hef hug á að kaupa jeppa. Valið stendur á milli nýs Landruisers 120 GX eða Patrol dýrari útgáfuna en ég á afar erfitt með að gera upp hug minn einkum vegna þess að ég hef verið svikinn í 6 mánuði af Toyota umboðinu um nýjan bíl sem átti að afhendast í sept.
Það sem ég mun helst gera með bílnum er að vera á hringveginum og fara eitthvað inn á landið, helstu staði til að byrja með.
Ég verð með 1300 kg fellihýsi í eftirdragi nema þar sem slíkt er ekki hægt.
Nú eru spurningar mínar eftirfarandi.
1. Hvað hefur helst ráðið úrslitum hjá ykkur sem hafa verið í svipuðum sporum
2. Hvor bílinn er líklegri til að vera hentugri við að draga fellihýsi.
3. Hvað er það sem bilar helst í þessum bílum?
4. Hvort umboðið er í dag líklegra til að veita betri þjónustu eða er hún í lagi hjá báðum.Mér þætti vænt um leiðbeiningar ef þið treystuð ykkur til og líka þætti mér vænt um ábendingar um aðra kosti sem þið teljið ekki síðri en þessa tvo.
Bestu þakkir
Árni Stefán Árnason
-
Replies
-
Ætlarðu að breyta þessum bíl eitthvað meira en 33 – 35" ?
Ef ekki þá myndi ég velja Toyotuna af þessum tveimur þar sem að hún er mun liprari og skemmtilegri í malbiksakstrinum og með skemmtilegri vél. Og svo hefur Toyota gott orð á sér varðandi Þjónustu.
Það eina sem Patrolinn hefur umfram er mjög gott pláss.
Pajeró finnst mér líka vera mjög álitlegur kostur í það sem þú ætlar þér og ég myndi hiklaust velja þann kost fram yfir hina tvo. Pajeróinn hefur gríðarlega skemmtilega fjöðrun, fína vél með nægu afli og er mjög rúmgóður.
Ef þú hins vegar ætlar að breyta þessum bíl eitthvað og nota hann í vetrarferðir þá er Patrolinn vafalítið best til þess fallinn – sérstaklega ef að stærri en 38" dekk verða fyrir valinu.
Tek það fram að sá eini af þessum tegundum sem ég hef sjálfur átt er Pajeró – hinir eru hins vegar til í fjölskyldunni og ég hef notað þá töluvert, einmitt í svona malbiksdráttarakstri.
Ef þú hins vegar villt alvöru fjallabíl færðu þér Ford
Benni
You must be logged in to reply to this topic.